سپيكەردىڭ ايتۋىنشا، 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباعا سايكەس، جۇمىسپەن قامتۋ ورتالىعى، ۇزاقتىعى 3 ايعا دەيىنگى كاسىپتىك وقۋ وقىتادى.
– اعىمداعى جىلدا الماتى قالاسى بويىنشا 1000 ادامدى كاسىپتىك وقىتۋعا جىبەرۋ جوسپارلانۋدا، ونىڭ ىشىندە: جۇمىس بەرۋشىلەردىڭ سۇرانىسى بويىنشا ءبىلىم بەرۋ ۇيىمدارىنا 687 ادامدى جانە جۇمىس بەرۋشىلەردىڭ جۇمىس ورنىندا كاسىپتىك وقىتۋعا – 313 ادامدى جىبەرۋ جوسپارلانۋدا، – دەدى س.كەنجەبايەۆ.
سونىمەن قاتار، وڭىرلىك كوميسسيا وتىرىسىندا:
- جۇمىس بەرۋشىلەردىڭ سۇرانىسى بويىنشا، وقۋ ۇيىمدارىندا كاسىپتىك وقىتۋدى ۇيىمداستىرۋ ءۇشىن جۇمىس بەرۋشىلەردىڭ تىزبەسى، 42 جۇمىس بەرۋشى 687 ورىنعا 18 ماماندىق بويىنشا؛
- جۇمىس ورنىندا كاسىپتىك وقىتۋدى ۇيىمداستىرۋ ءۇشىن جۇمىس بەرۋشىلەرگە ارنالعان جۇمىس بەرۋشىلەر تىزبەسى 13 جۇمىس بەرۋشىدەن 11 ماماندىق بويىنشا 313 ورىن؛
- جوعارىدا كورسەتىلگەن كاسىپتىك وقىتۋ تۇرلەرى بويىنشا 2023 جىلعا ءبىر ادامعا وقىتۋ قۇنى 50 مىڭ تەڭگەنى قۇرايدى.
وقۋعا جىبەرىلگەن قاتىسۋشىلارمەن كەلىسىمشارت جاسالىپ، وقۋ كەزەڭىنە 21 787 تەڭگە مولشەرىندە اي سايىنعى ستيپەنديا بولىنەدى.
– جۇمىس بەرۋشىنىڭ جۇمىس ورنىنا تىكەلەي جىبەرىلگەن قاتىسۋشىلارمەن ەڭبەك شارتى جاسالادى جانە حالىقتى جۇمىسپەن قامتۋ ورتالىعى اي سايىن 20 اەك (69 000 تەڭگە) مولشەرىندە جالاقى تولەيدى. جاسالعان الەۋمەتتىك كەلىسىمشارت جانە ەڭبەك شارتى شەڭبەرىندە وقۋدى ءساتتى اياقتاعاننان كەيىن، جۇمىس بەرۋشىلەر جۇمىسقا ورنالاسۋعا كومەكتەسەدى، – دەپ تولىقتىردى سپيكەر.
