№139 مەكتەپتٸڭ ەسەبٸ
الماتىدا باستاۋ العان مەكتەپ ديرەكتورلارىنىڭ ەسەپتٸ كەزدەسۋٸ كٷن ۇياسىنا باتىپ, قاس قارايعاندا باستالدى. كٷندٸز جۇمىستان قولى بوسامايتىن اتا-انالارعا ىڭعايلى بولۋى ٷشٸن كەزدەسۋدٸ بٸلٸم وشاقتارى كەشكٸ مەزگٸلدە ۇيىمداستىرىپتى. و باستا كەش باتىپ, قاراڭعىلىق قويۋلانا تٷسكەندە مۇنداي جينالىسقا اتا-انالار از كەلەتٸن شىعار دەپ ويلاعان ەدٸك. دەگەنمەن ەۋەزوۆ اۋدانىنداعى ا.بايتۇرسىنوۆ اتىنداعى №139 مەكتەپ گيمنازييانىڭ مەجٸلٸس زالىنا كەلٸپ كٸرگەنٸمٸزدە 300-گە تارتا ادام ەركٸن سيياتىن زالدا ينە شانشار ورىن بولماعاندا ويىمىزدىڭ قاتە ەكەنٸنە كٶز جەتكٸزگەندەي بولدىق. قالىڭ كٶپشٸلٸكتٸڭ اراسىندا جاس اتا-انالار مەن نەمەرەسٸنٸڭ سوڭىنان ەرٸپ كەلگەن ەگدە تارتقان كٸسٸلەردٸڭ بار ەكەنٸن بايقادىق. بەرٸ مەكتەپ ديرەكتورىنىڭ ەسەبٸن تىڭداۋعا قۇمارتىپ كەلگەنٸ بايقالىپ تۇر. ەل اياعى تولىق جينالعان №139 مەكتەپ گيمنازيياسىنىڭ ديرەكتورى ەرٸك قۋاتبەكوۆ سٶز باستادى:
– قۇرمەتتٸ اتا-انالار, الماتى قالاسىنىڭ ەكٸمٸ باۋىرجان بايبەك مىرزانىڭ نۇسقاۋى بويىنشا بۇدان بىلاي قالامىزداعى مەكتەپ ديرەكتورلارى ەر توقسان سايىن مەملەكەت تاراپىنان مەكتەپكە بٶلٸنگەن قاراجاتتاردىڭ قايدا جۇمسالىپ جاتقانى جايىندا ەسەپ بەرٸپ تۇراتىنىن ٶزدەرٸڭٸز دە بٸلەسٸزدەر. ٶز باسىم بۇل ٸس-شارا مەكتەپ پەن اتا-انالار اراسىن جاقىنداتىپ, بٸلٸم بەرۋ مەكەمەلەرٸنٸڭ اشىقتىعىن قامتاماسىز ەتەدٸ دەپ ەسەپتەيمٸن. سوندىقتان بٸزدٸڭ مەكتەپ ۇجىمى ەكٸمنٸڭ بۇل باستاماسىنا جىلى قابىلداپ, قولداۋ بٸلدٸردٸ, – دەپ مەكتەپ باسشىسى كٶكەيگە تٷيگەن ويىن ورتاعا سالدى. ەڭگٸمە باسىندا مەكتەپتٸڭ تاريحى مەن جەتكەن جەتٸستٸگٸنە قىسقاشا توقتالىپ, جينالعان قاۋىمعا قىسقاشا مەلٸمەت بەرٸپ ٶتتٸ.
مەكتەپ ديرەكتورىنىڭ بايانداماسىنا قۇلاق تٷرگەنٸمٸزدە ا.بايتۇرسىنوۆ اتىنداعى №139 مەكتەپ گيمنازيياسىندا قازٸر ۇزىن سانى 120 ادام ەڭبەك ەتەتٸنٸن بٸلدٸك. ولاردىڭ 85-ٸ پەداگوگ ماماندار بولسا, قالعانى 35-ٸ كٸشٸ قىزمەتكەرلەر ەكەن. ٶز كەزەگٸندە اتا-انالار مەكتەپ ديرەكتورىنىڭ بايانداماسىنا ريزاشىلىقتارىن بٸلدٸرٸپ, العاستارىن ايتتى. ەسەپتٸ كەزدەسۋدە اتا-انالار قۇرىلعانىنا 25 جىل تولىپ وتىرعان مەكتەپكە كٷردەلٸ جٶندەۋ جۇمىستارى قاشان جٷرگٸزٸلەتٸنٸن سۇرادى. ٶز كەزەگٸندە مەكتەپ ديرەكتورى ەرٸك قۋاتبەكوۆ بۇل مەسەلەنٸ ٶزٸ دە كٶتەرٸپ جٷرگەنٸن العا تارتتى. ول الماتى بٸلٸم باسقارماسىنىڭ مەكتەپكە كٷردەلٸ جٶندەۋ جۇمىسىن جٷرگٸزۋدٸ قاجەت دەپ تاۋىپ, كەزەككە قويعانىن مەلٸم ەتتٸ. وسىلايشا اتا-انالار مەن مەكتەپ باسشىلىعى العاشقى كەزدەسۋدە جىلى جٷزبەن تارقاستى.
№86 مەكتەپتٸڭ ەسەبٸ
اراعا بٸر كٷن سالىپ ەۋەزوۆ اۋدانىندا ورنالاسقان ع.مٷسٸرەپوۆ اتىنداعى №139 مەكتەپ گيمنازيياسىنىڭ تابالدىرىعىن اتتادىق. بٸزدٸ مەكتەپ ديرەكتورى قالدىقىز مۇساەۆا جىلى جٷزبەن قارسى الدى. مەجەلٸ ۋاقىتتان سەل ەرتەرەك بارعانىمىزدىڭ ارقاسىندا مەكتەپتٸڭ ٶتكەن-كەتكەن تاريحىمەن ازداپ تانىسۋعا مٷمكٸندٸك الدىق. تاياۋدا عانا كٷردەلٸ جٶندەۋ جۇمىسىنان ٶتكەن مەكتەپتٸڭ ٸشٸ كٶزدٸڭ جاۋىن الادى. ارنايى زالدارعا قويىلعان كٶرنەكٸلٸك قۇرالدار دا ادامدى تارتىپ, مەكتەپ جايىندا مول ماعلۇمات بەرٸپ تۇر. وزات وقۋشىلاردىڭ تاقتاسىنا كٶز سالعانىمىزدا بٸلٸم وشاعىندا بٸلٸمگە قۇشتار جاس جەتكٸنشەكتەردٸڭ كٶپ ەكەنٸن بايقاعانداي بولدىق. مەكتەپ ديرەكتورى تاياۋدا عانا ەۋەزوۆ اۋدانى بٸلٸم بٶلٸمٸنٸڭ باسشىسى قىزمەتٸنە تاعايىندالعان تەجٸريبەلٸ پەداگوگ, بٸلٸكتٸ ۇيىمداستىرۋشى گٷلنەر حودجابەرگەنوۆانى مەكتەپ ٸشٸندە ۇيىمداستىرىلعان سىرباز جازۋشى عابيت مٷسٸرەپوۆتٸڭ مۇراجاي كەشەنٸنە باستادى. مۇرايجاعا باس سۇققانىمىزدا جازۋشىنىڭ ەر جىلدارى جارىق كٶرگەن كٸتاپتار مەن قولجابالارى كٶزٸمٸزگە شالىندى. بٸر بۇرىشتا عەبەڭنٸڭ قىرى سىنباعان كاستيۋم شالبارى كٶزٸمٸزگە وتتاي باسىلدى. ٶز كەزەگٸندە قالدىقىز ايتجانقىزى مۇراجايدىڭ جەدٸگەرلەرٸن جيناقتاۋ بارىسىندا ع.مٷسٸرەپوۆتٸڭ ۇرپاقتارى كٶپ كٶمەك كٶرسەتكەنٸن العا تارتتى. بۇدان كەيٸن مەكتەپتٸڭ اسحاناسىن, ارنايى سىنىپتارىن ارالاپ تاماشالادىق. كٷردەلٸ جٶندەۋ جۇمىسىنىڭ ارقاسىندا بٸلٸم ورداسى اجارلانىپ, جاس جەتكٸنشەكتەردٸڭ الاڭسىز بٸلٸم الۋىنا مٷمكٸندٸك تۋىپ تۇرعانىن العا تارتتى.
كەڭ زالعا كەلٸپ كٸرگەنٸمٸزدە №86 مەكتەپ-گيمنازييانىڭ اتا-انالارى مەكتەپ ديرەكتورىنىڭ قارجىلىق ەسەبٸن تىڭداۋعا قىزىعۋشىلىق تانىتقانىن بايقاعانداي بولدىق. ٷش جٷزدەي ادام ەركٸن سيياتىن زالدىڭ ٸشٸ لىق تولى. بەرٸ مەكتەپ ديرەكتورىنىڭ ەسەبٸن تىڭداۋعا اسىق. مٸنبەگە كٶتەرٸلٸپ, جيىن تٸزگٸنٸن قولعا العان قالدىقىز مۇساەۆا جينالعان قاۋىمعا مەكتەپتٸڭ تاريحى مەن جەتكەن جەتٸستٸگٸ جايىندا دايىندالعان بەينەفيلمٸن اتا-انالاردىڭ نازارىنا ۇسىندى.
– تاياۋدا عانا الماتى قالاسى ەكٸمٸ بولىپ تاعايىندالعان باۋىرجان بايبەك مىرزا جەمقورلىق دەرتٸنٸڭ تٷبٸرٸنە بالتا شابۋ ماقساتىندا بٸلٸم بەرۋ مەكەمەلەرٸ باسشىلارىنىڭ مەملەكەت تاراپىنان بٶلٸنگەن قارجىسىن قالاي جۇمساپ جاتقانى جايىندا ەسەپ بەرۋ تۋراسىندا ارنايى بۇيرىعى شىقتى. ەكٸمنٸڭ تىڭ باستاماسىنا بٸزدٸڭ №86 مەكتەپ-گيمنازيياسى دا قولداۋ بٸلدٸرٸپ, ٶزدەرٸڭٸزبەن كەزدەسٸپ وتىرعان جايىمىز بار. الداعى ۋاقىتتا ەر توقسان سايىن مەملەكەت تاراپىنان بٶلٸنەتٸن قارجىنىڭ قالاي جۇمسالىپ جاتقانىن ەسەپتٸ كەزدەسۋلەردەن بٸلٸپ وتىراسىزدار, – دەپ مەكتەپ ديرەكتورى ق.مۇساەۆا سٶزٸن ارى قاراي جالعادى.
– مەكتەبٸمٸزدەگٸ ۇستازدار قاۋىمى تەربيە ٸسٸنٸڭ ماڭىزدىلىعىنا, ەرتەڭگٸ اتقارىلاتىن ٸستٸڭ باعىت-باعدارىنا ٷلكەن مەن بەرەدٸ. بۇل بارشا ۇستازداردىڭ مٸندەتٸ. وسىنداي ۇجىمنىڭ ارقاسىندا مەكتەبٸمٸزدٸڭ ابىرويى جىل ٶتكەن سايىن اسقاقتاپ كەلەدٸ, – دەپ مەكتەپ ديرەكتورى ەسەبٸن قورىتىندىلادى.
№123 مەكتەپتٸڭ ەسەبٸ
باعيلا ەشٸمباەۆا, الماتى قالاسى ەۋەزوۆ اۋدانى قوجا احمەت ياسساۋي اتىنداعى №123 مەكتەپ-گيمنازيياسىنىڭ ديرەكتورى, قازاقستان رەسپۋبليكاسى بٸلٸم بەرۋ ٸسٸنٸڭ قۇرمەتتٸ قىزمەتكەرٸ:
– قۇرمەتتٸ اتا-انالار, الماتى ەكٸمٸنٸڭ قىزمەتٸنە باۋىرجان بايبەك تاعايىندالعالى بەرٸ قالالىق بٸلٸم سالاسىنىڭ جۇمىسىنا كٶپتەگەن ٶزگەرٸستەر ەنگٸزٸلٸپ جاتىر. وسى ورايدا باۋىرجان قىدىرعاليۇلىنىڭ تٸكەلەي تاپسىرماسىمەن سٸزدەردٸڭ الدارىڭىزدا 2015 جىلدىڭ 9 ايىنداعى بيۋدجەت بويىنشا بٸزدٸڭ مەكتەبٸمٸزگە بٶلٸنگەن قارجىنىڭ كٸرٸسٸ جەنە شىعىسى ەسەبٸن بەرگەلٸ وتىرمىن. سايىپ كەلگەندە بٷگٸنگٸ جينالىسىمىزدا بٸر عانا مەسەلە – قارجىنىڭ ورنىمەن يگەرٸلۋٸ سٶز بولادى.
الدىمەن ايتارىم...
الايدا الدىمەن مەكتەپتٸڭ تاريحى مەن جەتٸستٸكتەرٸنە از-مۇز توقتالا كەتەيٸن. الماتى قالاسى ەۋەزوۆ اۋدانى قوجا احمەت ياسساۋي اتىنداعى №123 مەكتەپ-گيمنازيياسى 1989 جىلى قۇرىلدى. مەكتەپ 1266 ورىنعا ارنالعان. قازٸرگٸ تاڭدا جالپى 67 سىنىپ بار, ال وقۋشىلاردىڭ سانى 1800-دەن اسادى. باستاۋىش سىنىپتا بارلىعى – 42 مۇعالٸم قىزمەت ەتەدٸ. ۇستازدار شىعارماشىلىق توپتارمەن جۇمىس جاسايدى. بٸزدە تاريحتى, تٸلدٸ, ماتەماتيكانى تەرەڭدەتٸپ وقىتاتىن شىعارماشىلىق توپتار قۇرىلعان.
قازٸرگٸ كٷنٸ ۇبت-عا دايىندىق جۇمىستارى باستالىپ كەتتٸ. بۇل تاراپتا قوسىمشا ساباقتاردى ٸسكە قوسىپ جاتىرمىز. جالپى اتا-انالارمەن بٷگٸنگٸدەي كەزدەسۋلەر جيٸ ٶتكٸزٸلٸپ تۇرادى. وعان ٶزدەرٸڭٸز دە كۋەسٸزدەر.
اتا-انالار تاراپىنان سۇراق: «مەكتەپتەردە اقشا جيناۋ مەسەلەسٸنە قاتاڭ تىيىم سالىنىپتى دەپ ەستٸدٸك. جالپى وسى تۋرالى ايتا وتىرساڭىز?».
باعيلا ەشٸمباەۆا: مەن سٸزدەرمەن كەزدەسۋدە ەڭ بٸرٸنشٸ اقشا جيناۋ مەسەلەسٸن ايتامىن. الماتى مەكتەپتەرٸندە اتا-انالاردان اقشا جيناۋعا قاتاڭ تىيىم سالىنعان. مۇنداعى ماقساتتى ٶزدەرٸڭٸز دە بٸلەسٸزدەر. اتا-انالاردان اقشا جيناپ, ولارعا ارتىق سالماق سالماۋ. باۋىرجان قىدىرعاليۇلى كەلە سالا وسى مەسەلەنٸ كٶتەرگەن بولاتىن.
يە, 90-شى جىلدارمەن سالىستىرعاندا قازٸرگٸ كٷنٸمٸز جاقسى. ٷكٸمەتتەن مەكتەپتەرگە قارجى بٶلٸنٸپ جاتىر. ەندٸگٸ مەسەلە ولاردى ورنىمەن يگەرۋ, قاجەتتٸ جەرلەرٸنە جەتكٸزۋ – مىنا بٸزدٸڭ مٸندەتٸمٸز.
2015 جىلى مەكتەپ گيمنازيياسىنا قانشا قارجى بٶلٸندٸ?
الماتى قالاسى ەۋەزوۆ اۋدانى قوجا احمەت ياسساۋي اتىنداعى №123 مەكتەپ-گيمنازيياسىنا 2015 جىلعا بٶلٸنگەن جالپى قارجى 274 ملن 616 مىڭ تەڭگەنٸ قۇراپ وتىر. 2015 جىلدىڭ 9 ايىنا ارنالعان كٸرٸس جەنە شىعىس ەسەبٸنە كەلەتٸن بولساق بۇل 214 ملن 551 مىڭ تەڭگە. ونىڭ ٸشٸندە جەرگٸلٸكتٸ بيۋدجەت بويىنشا بٶلٸنگەن قارجى 196 ملن 56 مىڭ تەڭگە. رەسپۋبليكالىق بيۋدجەتتەن بٶلٸنگەن قارجى 18 ملن 495 مىڭ تەڭگە.
جوعارىدا ايتىپ كەتتٸك, سىنىپتارىمىزدىڭ سانى – 67, ونىڭ ٸشٸندە باستاۋىش سىنىپتاردىڭ سانى – 31 (992 وقۋشى), جوعارى سىنىپتاردىڭ سانى – 36 (929 وقۋشى). وقۋشىلارىمىزدىڭ سانى 1921 بالانى قۇرايدى.
ال مەكتەپ قىزمەتكەرلەرٸنٸڭ سانى – 180. ونىڭ ٸشٸندە 42 ادام ەكٸمشٸلٸك-شارۋاشىلىق سالاسىنىڭ ماماندارى جەنە كٸشٸ قىزمەتكەرلەر. پەداگوگيكالىق قىزمەتكەرلەردٸڭ, ياعني مۇعالٸمدەردٸڭ سانى 130 ادامدى قۇراپ وتىر.
مۇعالٸمدەرٸمٸزدٸڭ 63-ٸ جوعارى ساناتتى, 22 ۇستاز بٸرٸنشٸ ساناتتى, ەكٸنشٸ ساناتتى مۇعالٸمدەردٸڭ سانى 25 جەنە ساناتى جوق ۇستازداردىڭ سانى – 28. 8 ۇستازىمىز نازارباەۆ زيياتكەرلٸك مەكتەبٸنٸڭ كۋرسىنان ٶتٸپ كەلدٸ.
مۇعالٸمدەر جالاقىسى جەنە جالپى شىعىن تۋرالى
2015 جىلدىڭ 9 ايىنداعى بارلىق شىعىس 214 ملن 551 تەڭگەنٸ قۇرادى. ونىڭ ٸشٸندە قىزمەتكەرلەر مەن جۇمىسشىلاردىڭ ەڭبەكاقىسىنا 166 ملن. 198 مىڭ تەڭگە بٶلٸندٸ. قىزمەتكەرلەر ەڭبەكاقىسىنا – 141 ملن 345 مىڭ تەڭگە, قوسىمشا اقشالاي تٶلەمدەرگە 2 ملن 550 مىڭ تەڭگە جۇمسالدى. ٶتەماقىلىق تٶلەمدەرگە 7 ملن 9 مىڭ تەڭگە باعىتتالدى. ال ەلەۋمەتتٸك سالىققا 8 ملن 659 مىڭ تەڭگە بٶلٸندٸ. ەلەۋمەتتٸك اۋدارىمعا 5 ملن 779 مىڭ تەڭگە جۇمسالدى.
بۇدان سوڭ كوممۋنالدىق تٶلەمدەرگە 5 ملن 872 مىڭ تەڭگە بٶلٸندٸ. جىلىتۋ ورتالىعى جٷيەسٸ جەنە ىستىق سۋ ٷشٸن 3 ملن 512 مىڭ تەڭگە بٶلٸندٸ. سۋىق سۋمەن قامتۋ جەنە كەرٸز جٷيەسٸنە 1 ملن 349 مىڭ تەڭگە جۇمسالدى. ەلەكتر قۋاتىنا 819 مىڭ تەڭگە, بايلانىس قىزمەتٸنە 192 مىڭ تەڭگە جۇمسالدى.
بۇدان سىرت مەكتەپكە قاجەتتٸ شارۋاشىلىق زاتتار بار. ولارعا جۇمسالعان قاراجات 3 ملن 84 مىڭ تەڭگە. ونىڭ ٸشٸندە شارۋاشىلىق تاۋارلار مەن تازالاۋعا ارنالعان زاتتارعا 1 ملن 603 مىڭ تەڭگە بٶلدٸك. كەڭسە تاۋارلارى مەن جازۋ قاعازدارىنا 545 مىڭ تەڭگە باعىتتالدى. سپورتتىق تاۋارلارعا 351 مىڭ تەڭگە قاراجات بٶلٸندٸ. سىنىپ جۋرنالدارى ٷشٸن 118 مىڭ تەڭگە جەنە اۋىز سۋ مەن پلاستيكالىق ستاقاندارعا وسى 9 ايدا 1 ملن 216 مىڭ تەڭگە جۇمساعان ەكەنبٸز.
اعىمداعى جٶندەۋ جۇمىستارىنا 3 جارىم ملن تەڭگە بٶلٸندٸ.
اتا-انالار تاراپىنان سۇراق: «بۇل قارجى قايدا كەتتٸ?».
تٶبەنٸ, قابىرعانى ەكتەۋگە 804 مىڭ تەڭگە قاراجات كەتتٸ. ٶزگە قاراجات ەدەن, پلينتۋس سىرلاۋعا, كٸتاپحانا تٶبەسٸنە گيپسوكارتون ۇستاتۋعا, سپورتزالدى ەكتەۋگە, سىرلاۋعا, جەرتٶلەنٸ جٶندەۋ جەنە قۋات سىمدارىن اۋىستىرۋعا, ونىڭ بٶلمەلەرگە لينولەۋم تٶسەۋگە, ىستىق جەنە سۋىق سۋ قۇبىرلارىن اۋىستىرۋعا باعىتتالدى.
كٷزەت قىزمەتٸنە 1 ملن 332 مىڭ تەڭگە جۇمسادىق. قۇرال-جابدىقتار مەن عيماراتقا قىزمەت كٶرسەتۋ 1 ملن 875 مىڭ تەڭگەگە شىقتى. بۇدان سىرت مەكەمە قىزمەتكەرلەرٸن كەزەكتٸ مەديتسينالىق تەكسەرۋدەن ٶتكٸزۋگە 240 مىڭ تەڭگە بٶلٸنٸپ, بارلىق قىزمەتكەرلەر تيٸستٸ تەكسەرۋدەن ٶتتٸ. سونىمەن قاتار مەكتەپتەگٸ وفيستٸك تەحنيكالاردى جٶندەۋ جۇمىستارىنا 400 مىڭ تەڭگە باعىتتادىق.
بۇدان سىرت وقۋشىلاردى ۇبت-عا جەتكٸزۋ, «جاس تٷلەك» فەستيۆالٸنە الىپ بارىپ, الىپ كەلۋ ٷشٸن ترانسپورتتىق قىزمەتكە 204 مىڭ تەڭگە بٶلٸندٸ. گيمنازييادا ارنايى مەديتسينالىق بٶلمە جۇمىس جاسايدى: بالالارعا العاشقى كٶمەك كٶرسەتۋ ماقساتىندا 108 مىڭ تەڭگەگە دەرٸ-دەرمەكتەر ساتىپ الدىق. تۇرمىستىق جاعدايى تٶمەن وقۋشىلاردى ىستىق تاماقپەن قامتاماسىز ەتۋ ٷشٸن 382 مىڭ تەڭگە قاراستىردىق.
بۇدان سىرت اتا-انالار ٶتٸنٸشٸ بويىنشا 126 از قامتىلعان وتباسىلارعا ماتەريالدىق كٶمەك كٶرسەتۋ نەگٸزٸندە 3 ملن. 57 مىڭ تەڭگە اقشالاي بەرٸلدٸ.
قۇرمەتتٸ اتا-انالار, مٸنە, مەكتەپكە باعىتتالعان قاراجاتتىڭ قايدا جەنە قالاي بٶلٸنگەنٸن اشىپ ايتىپ بەردٸم. بٸزدٸڭ مەكتەپتە بالا كٶپ. ۇستاز دا كٶپ. سايىپ كەلگەندە بارلىق قاراجات مەكتەپتٸڭ قاجەتٸنە جۇمسالدى.
انىعىندا, مەكتەبٸمٸز كٷردەلٸ جٶندەۋدٸ قاجەت ەتەدٸ. باۋىرجان قىدىرعاليۇلى مۇنىڭ بەرٸن بٸلٸپ وتىر. وسى سەبەپتٸ مەكتەبٸمٸزدٸ كٷردەلٸ جٶندەۋدەن ٶتكٸزۋ تۋرالى كەزەككە قويىپتى. 2017 جىلى كەزەگٸمٸز كەلسە6 جارقىراعان, جايناعان مەكتەپتە وقيمىز دەپ سەنٸممەن ايتا الامىن.
گٷلنەر حودجابەرگەنوۆا, ەۋەزوۆ اۋداندىق بٸلٸم بٶلٸمٸنٸڭ باسشىسى:
– قازٸر ەكٸنٸڭ بٸرٸ «مەكتەپتەردە مۇعالٸمدەردٸڭ اتا-انالاردان ەر نەرسەنٸ سىلتاۋراتىپ اقشا جينايدى» دەگەن ەڭگٸمە جيٸ ايتىلاتىنى جاسىرىن ەمەس. جەل سوقپاسا, شٶپتٸڭ باسى قيمىلدامايتىنى بەلگٸلٸ. جاس ۇرپاققا ٷلگٸ-ٶنەگە بەرەدٸ دەگەن بٸلٸم وردالارىندا ۇستازداردىڭ اقشا جيناۋى دۇرىس ەمەس. قازٸرگٸ جاعدايمىزدى توقسانىنشى جىلدارداعى توقىراۋ جىلدارىمەن سالىستىرۋعا كەلمەيدٸ. تەۋەلسٸزدٸك جىلدارى مەملەكەتٸمٸزدٸڭ ەل-اۋقاتى ارتىپ, بٸلٸم بەرۋ مەكەمەلەرٸن جىل سايىن تيٸستٸ قارجىمەن قامتاماسىز ەتۋدە. مەملەكەت باسشىسى نۇرسۇلتان نازارباەۆ قارجىلىق-ەكونوميكالىق داعدارىسقا قاراماستان, بٸلٸم مەن دەنساۋلىق ساقتاۋ سالاسىنا بٶلٸنەتٸن قارجىنىڭ بٸر تيىنى دا قىسقارمايتىنىن قاداپ ايتتى. بٸر سٶزبەن ايتقاندا مۇعالٸمنٸڭ ايلىعى, بٸلٸم بەرۋ وشاقتارىنا قاجەتتٸ كەرەك-جاراقتاردى ساتىپ الۋعا مەملەكەت تاراپىنان قارجى قاراستىرىلعان. Гулнар Ходжабергенова
وسى جايتتاردى ەسكەرگەن الماتى قالاسىنىڭ ەكٸمٸ باۋىرجان بايبەك مەكتەپتەگٸ جەمقورلىققا تٷبەگەيلٸ توسقاۋىل قويۋ ٷشٸن ەر توقسان سايىن مەكتەپ ديرەكتورلارىنىڭ اتا-انالار الدىندا ەسەپ بەرۋ تۋراسىندا تالاپ قويىپ وتىر. ٶز كەزەگٸندە بۇل باستاما الماتى قالاسىنداعى بٸلٸم مەكەمەلەرٸ مەن اتا-انالار تاراپىنان ايرىقشا قولداۋعا يە بولىپ وتىر. الداعى ۋاقىتتا مەكتەپ ديرەكتورلارى ەر توقسان سايىن اتا-انالارمەن كەزدەسٸپ, مەملەكەت قارجىسىنىڭ قايدا جۇمسالعانى جايىندا ەگجەي-تەگجەيلٸ
اقپارات بەرٸپ تۇراتىن بولادى.
الماتى قالالىق قارجى باسقارماسىنىڭ رۇقساتىمەن مەكتەپتەر قايىرىمدىلىق ەسەپ شوتتارىن اشۋعا رۇقسات بەرٸلگەن. بٸراق مۇنداي ەسەپشوتى بار مەكتەپتەر ساۋساقپەن سانارلىق. الداعى ۋاقىتتا ارنايى ەسەپشوتى بار مەكتەپتٸڭ ديرەكتورلارى مەملەكەت قارجىسى جەنە ارنايى ەسەپشوتقا اتا-انالار تاراپىنان تٷسكەن قارجىنىڭ قالاي جۇمسالىپ جاتقانى جايىندا ەسەپ بەرٸپ تۇراتىن بولادى. جالپى, قالا باسشىسىنىڭ بۇل باستاماسى حالىق اراسىنداعى «مەكتەپتە اقشا جينالادى» دەگەن جامان اتتان ارىلۋعا جەنە مەملەكەت تاراپىنان بٶلٸنەتٸن قارجىنى تيٸمدٸ باعىتتا جۇمساۋعا ىقپال ەتەتٸنە سەنٸمدٸمٸن.
ٶز باسىم ەۋەزوۆ اۋدانىنداعى بٸرنەشە مەكتەپتٸڭ ەسەپتٸ كەزدەسۋٸنە قاتىسقاندا بۇل باستاما حالىق تاراپىنان قىزۋ قولداۋ تاپقانىن بايقادىم. ەرينە, بۇل مەكتەپ ديرەكتورلارىنىڭ العاشقى ەسەپتٸ كەزدەسۋٸ بولعاندىقتان از-كەم كەمشٸلٸكتەر كەتۋٸ مٷمكٸن. بٸراق وسى بٸر كەزدەسۋگە اتا-انالار مەن مەكتەپ ۇجىمىنىڭ بويى ٷيرەنگەننەن كەيٸن ٶزٸنٸڭ نەتيجەسٸن بەرٸپ, بٸلٸم سالاسىنىڭ اشىقتىعىن قامتاماسىز ەتەتٸن ماڭىزدى شاراعا اينالاتىنىنا سەنٸمدٸمٸن.
دۋمان تاناباسوۆ
