الماتىدا سينتەتيكالىق ەسىرتكىنى زاڭسىز ساقتاپ، تاراتتى دەگەن كۇدىكپەن جاس جىگىت قولعا ءتۇستى، دەپ حابارلايدى Dala News.
ۇستاۋ ءىس-شاراسى ەسىرتكى قىلمىسىنا قارسى ءىس-قيمىل باسقارماسى مەن اۋەزوۆ اۋداندىق پوليسيا باسقارماسى قىزمەتكەرلەرىنىڭ بىرلەسكەن جەدەل-ىزدەستىرۋ شارالارى بارىسىندا جۇرگىزىلگەن. پوليسيا قىزمەتكەرلەرىن كورگەن ساتتە كۇدىكتى تىيىم سالىنعان زاتتان قۇتىلۋعا ارەكەت جاساعانىمەن، دەرەۋ ۇستالعان.
تەكسەرۋ بارىسىندا ودان وزىنە ءتان ءيىسى بار ۇنتاق ءتارىزدى زات سالىنعان ورامدار تاركىلەندى. سوت-ساراپتاما قورىتىندىسىنا سايكەس، الىنعان زات سينتەتيكالىق ەسىرتكى – مەفەدرون بولىپ شىققان.
اتالعان دەرەك بويىنشا قىلمىستىق ءىس قوزعالدى. قازىرگى ۋاقىتتا قىلمىستىڭ بارلىق ءمان-جايىن، ىقتيمال سىبايلاستاردى جانە ەسىرتكى تاراتۋ ارنالارىنىڭ بار-جوعىن انىقتاۋعا باعىتتالعان تەرگەۋ ارەكەتتەرى جۇرگىزىلۋدە.
الماتى قالالىق پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ باستىعى مۇرات جۇمابايەۆ بۇل باعىتتاعى جۇمىستار ەرەكشە باقىلاۋدا ەكەنىن اتاپ ءوتتى.
«ءبىز جاستاردى ەسىرتكىنىڭ زاڭسىز اينالىمىنا تارتۋدىڭ كەز كەلگەن ارەكەتىن جۇيەلى تۇردە توقتاتامىز. ساتۋ ءتاسىلى مەن قولدانىلاتىن تەحنولوگياعا قاراماستان، مۇنداي قىلمىستار ءۇشىن جاۋاپكەرشىلىك قاتاڭ ءارى بۇلتارتپاس»، – دەدى ول.
ونىڭ ايتۋىنشا، مەگاپوليستە ەسىرتكى قىلمىستارىن انىقتاۋ جانە جولىن كەسۋ جۇمىستارى جۇيەلى نەگىزدە جالعاسادى.
«ءاربىر وسىنداي دەرەك – ازاماتتارىمىزدىڭ دەنساۋلىعى مەن بولاشاعىنا تونگەن ناقتى ءقاۋىپ. پوليسيا قوعامدى ەسىرتكى قاتەرىنەن قورعاۋ ءۇشىن بارلىق قاجەتتى شارانى قابىلداي بەرەدى»، – دەپ تۇيىندەدى باسقارما باسشىسى.
