الماتىدا "مانحەتتەن" تۇرعىن ءۇي كەشەنىندە اۋقىمدى تەكسەرۋ جۇرگىزىلدى، ناتيجەسىندە 1000-عا جۋىق قۇقىقبۇزۋشىلىق انىقتالدى، دەپ حابارلايدى Dalanews.kz.
الماتى قالاسى پروكۋراتۋراسىنىڭ باستاماسىمەن ەكى اي ىشىندە وكىلەتتى ورگاندارمەن بىرلەسىپ، قوعامدىق ءتارتىپتى بىرنەشە رەت بۇزعان "مانحەتتەن" تۇرعىن ءۇي كەشەنىندە رەيد وتكىزىلگەن.
"جۇمىس بارىسىندا مەنشىك يەلەرىنىڭ جۇمىس ورنى، بايلانىس دەرەكتەرى، ءاربىر پاتەر بويىنشا دەرەكتەر بازاسى قالىپتاستىرىلدى"، - دەپ جازىلعان حابارلامادا.
تەكسەرىس 1000-عا جۋىق قۇقىقبۇزۋشىلىقتى انىقتاۋعا مۇمكىندىك بەرگەن، ولاردىڭ ىشىندە:
- كوشى-قون زاڭناماسىن بۇزۋدىڭ 120 فاكتىسى؛
- قوعامدىق ءتارتىپتى بۇزۋدىڭ 98 فاكتىسى؛
- زاڭسىز جالعا الۋدىڭ 114 فاكتى؛
- جىنىستىق قىزمەت كورسەتۋ ءۇشىن پايدالانىلعان 22 پاتەر؛
- جول قوزعالىسى ەرەجەلەرىن بۇزۋدىڭ 567فاكتىسى؛
- الكوگول ءونىمىن زاڭسىز ساتۋدىڭ 7 فاكتىسى.
