قالا اكىمى ەربولات دوسايەۆ لاي كوشكىنى سالدارىنان قازا تاپقانداردىڭ تۋىستارى مەن جاقىندارىنا كوڭىل ايتتى جانە ولاردى جەرلەۋدى ۇيىمداستىرۋعا كومەك كورسەتۋدى تاپسىردى، - دەپ حابارلايدى Dalanews.kz.
تەحنوگەندىك سيپاتتاعى لاي كوشكىنى سالدارىنان قيراعان ءۇي استىنان 1984 جىلعى ەر ادامنىڭ، 1980 جىلعى ايەلدىڭ جانە 2007 جىلعى ەگىزدىڭ دەنەلەرى تابىلدى.
"قۇتقارۋ قىزمەتى مەدەۋ اۋدانىنداعى قيراعان ۇيدە تۇرعان وتباسى مۇشەلەرىن ىزدەۋدى اياقتادى. قايعىلى وقيعا 4 ادامنىڭ ءومىرىن قيدى. قازا بولعانداردىڭ تۋىستارى مەن جاقىندارىنىڭ قايعىسىنا ورتاقپىن. ولارعا شىن جۇرەكتەن قاتتى قايعىرىپ، كوڭىل ايتامىن"، - دەدى ەربولات دوسايەۆ.
بۇل وتباسىنىڭ شەتەلدە وقيتىن ستۋدەنت ۇلىنا ءبىلىم الۋعا جانە ەلىمىزگە كەلگەن سوڭ ءومىر سۇرۋىنە ماتەريالدىق قولداۋ كورسەتىلەتىنى حابارلاندى.
