Qala ákimi Erbolat Dosaev laı kóshkini saldarynan qaza tapqandardyń týystary men jaqyndaryna kóńil aıtty jáne olardy jerleýdi uıymdastyrýǵa kómek kórsetýdi tapsyrdy, - dep habarlaıdy Dalanews.kz.
Tehnogendik sıpattaǵy laı kóshkini saldarynan qıraǵan úı astynan 1984 jylǵy er adamnyń, 1980 jylǵy áıeldiń jáne 2007 jylǵy egizdiń deneleri tabyldy.
"Qutqarý qyzmeti Medeý aýdanyndaǵy qıraǵan úıde turǵan otbasy múshelerin izdeýdi aıaqtady. Qaıǵyly oqıǵa 4 adamnyń ómirin qıdy. Qaza bolǵandardyń týystary men jaqyndarynyń qaıǵysyna ortaqpyn. Olarǵa shyn júrekten qatty qaıǵyryp, kóńil aıtamyn", - dedi Erbolat Dosaev.
Bul otbasynyń shetelde oqıtyn stýdent ulyna bilim alýǵa jáne elimizge kelgen soń ómir súrýine materıaldyq qoldaý kórsetiletini habarlandy.
