جاقىندا الماتىداعى "مەركۋر تاۋەرس" تۇرعىن ٷيٸنٸڭ كٷزەتشٸسٸن اسقان جاۋىزدىقپەن ٶلتٸرگەن قىلمىسكەرگە قاتىستى تەرگەۋ توقتاتىلعانى بەلگٸلٸ بولعان ەدٸ. الايدا مارقۇمنىڭ جاقىندارى بۇعان نارازىلىق بٸلدٸرٸپ, سوت ساراپتاماسىمەن كەلٸسپەي وتىر, دەپ حابارلايدى Dalanews.kz.
الماتى پروكۋراتۋراسىنىڭ مەلٸمەتٸنشە, ەكس-دەپۋتاتتىڭ ۇلى پسيحيكالىق اۋىتقۋىنا بايلانىستى ارنايى مەديتسينالىق ۇيىمعا جاتقىزىلعان.
"وسى جىلدىڭ ناۋرىز ايىنان باستاپ كٷدٸكتٸگە قاتىستى كٸسٸ ٶلتٸرۋ فاكتٸسٸ بويىنشا قىلمىستىق ٸستٸڭ تەرگەپ-تەكسەرٸلٸپ جاتقانىن تٷسٸندٸرەمٸز. سوت پسيحولوگييالىق-پسيحياترييالىق ساراپتاما قورىتىندىسىنىڭ نەگٸزٸندە, قر قپك-نٸڭ 511-بابى 2-بٶلٸگٸ 2) تارماعىنا سەيكەس كٷدٸكتٸ پسيحيترييالىق كٶمەك كٶرسەتەتٸن, ارنايى مەديتسينالىق ۇيىمعا جاتقىزىلدى. وسىعان بايلانىستى قر قپك-نٸڭ 45-بابى 7-بٶلٸگٸ 4) تارماعى نەگٸزٸندە سوتقا دەيٸنگٸ تەرگەپ-تەكسەرۋ مەرزٸمٸ ٷزٸلدٸ", - دەلٸنگەن اقپاراتتا.
كٷدٸكتٸگە شيزوفرەنييا دياگنوزى تاعايىندالعان.
ال مارقۇمنىڭ جاقىندارى سوت ساراپتاماسىنا قارسىلىق تانىتىپ وتىر.
مارقۇمنىڭ اناسى كٷدٸكتٸنٸڭ اتا-اناسى بالاسىنىڭ جانازاسىن ٶتكٸزگەننەن كەيٸن مەسەلەنٸ ٶزارا شەشپەك بولىپ ٷيلەرٸنە كەلگەنٸن ايتادى.
“نۇربولدى جەرلەپ جاتقان كەزدە, ادۆوكاتپىز دەپ ەكٸ جٸگٸت كەلدٸ. نۇربولدى جەرلەپ بٸتكەننەن كەيٸن كەش باتا بەس ادام كەلدٸ. ولاردىڭ اراسىندا بٸر ەيەل, تٶرت ەركەك بولدى. كٸشٸ بالامدى الىپ كەتٸپ سٶيلەسپەك بولعاندا رۇقسات بەرمەدٸم. كەلگەندەر ٶلتٸرگەن بالانىڭ ەكە-شەشەسٸ ەكەن. تۋىسقاندار بولىپ بارلىعىمىز سٶيلەستٸك”, - دەيدٸ ول ەۋرازييا ارناسىنداعى “كٶرەمٸز” باعدارلاماسىنا بەرگەن سۇقباتىندا.
ايتۋىنشا, قىلمىسكەردٸڭ اناسى وعان اقشا ۇسىنعان.
“اناسى مەنٸمەن سٶيلەسٸپ, توعىز جىل بۇرىن قىزى قايتىس بولعاننان كەيٸن بالاسىنىڭ اۋىرىپ قالعانىن ايتتى. ونىڭ ەكٸ قىزى مەن ەيەلٸ بار ەكەنٸن جەتكٸزدٸ. اۋىرادى, دەرتٸ بار دەمەدٸ, قىزىم قايتىس بولعان سوڭ, بالام بٸرتٷرلٸ بولىپ قالدى دەپ ايتتى. سٸزگە اقشا سالايىق, بالاڭىزدىڭ قىرقىن ٶتكٸزٸپ بەرەيٸك دەدٸ. مەن كەلٸسپەدٸم”, – دەيدٸ مارقۇمنىڭ اناسى.
ەسكە سالايىق, جانتٷرشٸگەرلٸك وقيعانىڭ بولعانىنا بەس اي ۋاقىت ٶتتٸ. مارقۇمنىڭ ارتىندا ەكٸ ۇل, بٸر قىزى قالدى. ول وتباسىن اسىراۋ ٷشٸن كٷزەتشٸ بولىپ قىزمەت ەكەن. مۇندا نەبەرٸ 150 مىڭ تەڭگە ايلىق العان.
ال جازادان جالتارىپ وتىرعان كٷدٸكتٸ اسقار تاستانديەۆ – ەكس-دەپۋتاتتىڭ ۇلى. ونىڭ ەكەسٸ سالامعازى تاستانديەۆ 1994-1995 جىلدارى جوعارى كەڭەستٸڭ دەپۋتاتى بولعان. سونداي-اق بٸر كەزدەرٸ تالدىقورعان وبلىسىندا پروكۋرور بولىپ جۇمىس ٸستەگەن.
