الماتىدا كۇزەتشىنى كولىگىمەن ادەيى قاعىپ ولتىرگەن ادام – بۇرىنعى دەپۋتات جانە پروكۋراتۋرادا ىستەگەن ادامنىڭ ۇلى. بۇل تۋرالى جۋرناليست ميحايل كوزاچكوۆقا تۇرعىن ءۇي تۇرعىندارى ايتقان، - دەپ حابارلايدى Dalanews.kz.
تۇرعىنداردىڭ سوزىنشە، جانتۇرشىگەرلىك قىلمىستى اسقار تاستاندييەۆ ەسىمدى تۇرعىن جاساعان.
«گۋگلداعى مالىمەت بويىنشا، اسقار تاستاندييەۆ ەسىمدى 1979 جىلى تۋعان كاسىپكەر، مەملەكەتتىك ساتىپ الۋعا قاتىسۋشى بار. قۇزىرلى ورگانداعىلار بۇل اقپاراتتى ءالى راستامادى.
ەگەر مەنىڭ دەرەككوزدەرىم قاتەلەسپەگەن بولسا، الماتىدا كۇزەتشىنى ولتىرگەن ادام – بۇرىنعى دەپۋتات جانە پروكۋراتۋرانىڭ قىزمەتكەرى بولعان»، - دەيدى جۋرناليست ميحايل كوزاچكوۆ.
ايتا كەتەيىك، بۇعان دەيىن الماتىداعى ەليتالى تۇرعىن ءۇيدىڭ بىرىندە اۋىر قىلمىس بولعانىن حابارلاعان ەدىك. سول ءۇيدىڭ تۇرعىنى كۇزەتشىنى بىرنەشە رەت كولىگىمەن ادەيى سوعىپ، ارتىنشا توپەلەپ ۇرىپ تاستاعان.
وقيعا قالاداعى "مەركۋر تاۋن" تۇرعىن ۇيىندە بولعان. تۇرعىنداردىڭ سوزىنشە، كۇزەتشىگە شابۋىل جاساعان ەر ادام ۇزاق جىلدار بويى اتا-اناسىمەن وسى تۇرعىن ءۇي كەشەنىندە تۇرادى. تۇرعىندار ەر ادامنىڭ ناشاقورلىققا شالدىققانىن ايتادى. سول ءتۇنى ول ۇيىنە كەلگەن. كۇزەتشى قاقپانى جابا باستاعاندا، دجيپ مىنگەن ەر ادام ونى بىرنەشە رەت ادەيى قاعىپ جىبەرگەن. ارتىنشا ەر ادام كولىكتەن ءتۇسىپ، كۇزەتشىنى ۇرا باستايدى. بۇل اۋىر قىلمىس "مەركۋر تاۋن" تۇرعىن ءۇي كەشەنىنىڭ تۇرعىندارىنىڭ كوزىنشە بولعان.
كۇزەتشى اۋىر جاعدايدا اۋرۋحاناعا جەتكىزىلدى. ەر ادام اۋرۋحانادا كوز جۇمدى.
"ەر ادام كۇزەتشىنى دجيپپەن بىرنەشە رەت سوعىپ، سودان كەيىن كولىكتەن ءتۇسىپ، ەر ادامدى ساباپ، باسىنان تەپكەن. وسىدان كەيىن كولىگىن قويىپ، ۇيىنە قايتقان. كۇزەتشىنىڭ تامىرلارى جىرتىلىپ، اياعى جۇلىنىپ، وكپەسى ەزىلىپ، جانساقتاۋ بولىمىندە كوز جۇمدى"، - دەيدى ءۇي تۇرعىنى.
مارقۇم بولعان كۇزەتشىنىڭ ارتىندا ءۇش بالاسى قالدى.
بۇل وقيعاعا الماتى پوليسيا دەپارتامەنتى پىكىر ءبىلدىردى. ولاردىڭ مالىمەتىنشە، ادام ءولتىرۋ دەرەگى بويىنشا قىلمىستىق ءىس قوزعالعان.
"الدىن الا مالىمەت بويىنشا، تۇرعىن ءۇي كەشەنىنىڭ كۇزەتشىسى مەن تۇرعىنى اراسىندا جانجال شىعىپ، ناتيجەسىندە 45 جاستاعى ەر ادام كۇزەتشىنىڭ ومىرىنە سايكەس كەلمەيتىن دەنە جاراقاتتارىن كەلتىرىپ، كۇدىكتى ۇستالىپ، ۋاقىتشا قاماۋعا الىندى. قىلمىستىڭ باسقا دا ءمان-جايلارى انىقتالىپ جاتىر"، - دەپ حابارلادى الماتى پد باسپا ءسوز قىزمەتى.
