الماتى قالاسى اكىمى ەربولات دوسايەۆتىڭ توراعالىعىمەن وتكەن كەڭەسكە قاتىسۋشىلار كوكتەمگى ماۋسىمعا گيدروتەحنيكالىق قۇرىلىستاردى دايىنداۋ ماسەلەلەرىن تالقىلادى.

تجد جانە قازسەلدەنقورعاۋ قىزمەتكەرلەرى كۇن سايىن قالانىڭ بارلىق اۋدانىنداعى سۋ ايدىنىنا، وزەن ارناسىنا مونيتورينگ جۇرگىزەدى. تجد مالىمەتىنشە، ۇلكەن الماتى، كىشى الماتى، ەسەنتاي، قارعالى، اقساي، جاربۇلاق، تيكساي وزەنىندەگى جاعداي تۇراقتى. سۋدىڭ ىركىلۋى مەن مۇزدار جوق، سۋ كەدەرگىسىز اعىپ جاتىر، سەڭ جۇرمەيدى بولجانۋدا.
كۇن جىلىنعاندا ەرىگەن قار سۋىنىڭ جانە نوسەردىڭ كەدەرگىسىز اعۋى ءۇشىن 10 اۋدان اكىمدىگىنىڭ مەردىگەر ۇيىمدارى ارىقتى تازالايدى. 13 اقپانداعى جاعداي بويىنشا 765 كم ارىق جەلىسى قاردان، مۇزدان جانە قوقىستان تازارتىلدى، بۇل جوسپاردىڭ 57،5%. بۇل جۇمىسقا كۇن سايىن 79 بىرلىك تەحنيكا مەن 283 ادام جۇمىلدىرىلدى. ارىق جەلىسىن تازارتۋدى اقپان ايىنىڭ سوڭىنا دەيىن اياقتاۋ جوسپارلانىپ وتىر.


قالا حالقىنىڭ قاۋىپسىزدىگىن قامتاماسىز ەتۋ ماقساتىندا 2023 جىلعى سۋ تاسقىنى كەزەڭىندە تجم اۋماقتىق بولىمشەلەرىنىڭ، قالانىڭ ازاماتتىق قورعاۋ قىزمەتتەرىنىڭ جانە اكىمدىكتىڭ مەردىگەرلىك ۇيىمدارىنىڭ كۇشتەرى مەن قۇرالدارىنىڭ جالپى سانى 2 581 ادام جانە ءارتۇرلى ماقساتتاعى 1 078 بىرلىك ءارتۇرلى تەحنيكا جاساقتالدى. سۋ تاسقىنىنا قارسى جۇمىستارعا 23 مىڭ 500 قاپ جانە 17 مىڭ 843 توننا ينەرتتى ماتەريال دايىندالدى.
ەكولوگيا جانە قورشاعان ورتا باسقارماسىنىڭ اقپارات بويىنشا كوكتەمگى كەزىندەگى سۋ تاسقىنىنىڭ الدىن الۋ ءۇشىن قالادا 6 وزەننىڭ (تيكساي، جاربۇلاق، ەسەنتاي، ويجايلاۋ، بورالداي، قاراسۋ) اۋماعىندا 206 كم جاعالاۋدى نىعايتۋ ورىندالدى.
جۇرگىزىلگەن تۇگەندەۋگە سايكەس، جاعالاۋدى نىعايتۋ جۇمىستارىنا تاعى 127،7 كم وزەن ارناسى قاجەت، ولاردا قاتتى جاۋىن-شاشىن كەزىندە سۋ تاسقىنى پايدا بولادى. قازىرگى كەزدە ۇزىندىعى 37،7 كم ءتورت وزەننىڭ (ۇلكەن الماتى، كىشى الماتى، بوكەنباي جانە ۇاك) جاعالاۋىن نىعايتۋ جانە اباتتاندىرۋ بويىنشا جوبالاۋ-سمەتالىق قۇجاتتاماسىن ازىرلەنىپ جاتىر. قالعان 90 شاقىرىمدى الماتى قالاسىن دامىتۋ باعدارلاماسى اياسىندا 2030 جىلعا دەيىن اباتتاندىرۋ جوسپارعا ەنگەن.


قازىرگى تاڭدا سايران سۋ قويماسىندا مەحانيكالىق تازارتۋ جۇمىستارى جۇرگىزىلىپ جاتىر. ناۋرىز ايىندا اۋەجاي كولى مەن قاراسۋ شاعىن اۋدانىنداعى توعاندى تازالاۋدى باستاۋ كوزدەلگەن.
قالا اكىمىنىڭ تاپسىرماسى بويىنشا ەكولوگيا جانە قورشاعان ورتا باسقارماسى سۋ باسۋعا بەيىم ۋچاسكەلەر بويىنشا مونيتورينگ جۇرگىزدى. 102 ۋچاسكە انىقتالدى. ونىڭ ىشىندە اپاتتىق-قالپىنا كەلتىرۋ جۇمىستارىن شۇعىل جۇرگىزۋدى تالاپ ەتەتىن سۋ باسۋعا بارىنشا بەيىم 56 اۋماق انىقتالدى. ءقازىر بۇل جۇمىس 92%-عا ورىندالدى، ولار 31 ناۋرىزعا دەيىن اياقتالادى دەپ جوسپارلانعان.
2023-2024 جىلدارى 376 كم ارىق جەلىسىن سالۋ جانە جاڭعىرتۋ جونىندەگى جوبانى ىسكە اسىرۋ اياسىندا قالعان 46 اۋماقتى سۋ باسۋ ماسەلەسى شەشىمىن تابادى. كەڭەس قورىتىندىسى بويىنشا ەربولات دوسايەۆ جاۋاپتى بولىمشەلەرگە سۋ تاسقىنىنىڭ الدىن الۋ جانە وعان قارسى كۇرەس ماسەلەلەرىن تۇراقتى باقىلاۋدا ۇستاۋدى تاپسىردى. سونىمەن قاتار، مەگاپوليس باسشىسى ارىق جەلىلەرىن تازارتۋ بويىنشا جۇمىستى ءبىر اپتادا اياقتاۋدى جۇكتەدى.