TJD jáne Qazseldenqorǵaý qyzmetkerleri kún saiyn qalanyń barlyq aýdanyndaǵy sý aidynyna, ózen arnasyna monitoring júrgizedi. TJD málimetinshe, Úlken Almaty, Kishi Almaty, Esentai, Qarǵaly, Aqsai, Jarbulaq, Tiksai ózenindegi jaǵdai turaqty. Sýdyń irkilýi men muzdar joq, sý kedergisiz aǵyp jatyr, seń júrmeidi boljanýda.
Kún jylynǵanda erigen qar sýynyń jáne nóserdiń kedergisiz aǵýy úshin 10 aýdan ákimdiginiń merdiger uiymdary aryqty tazalaidy. 13 aqpandaǵy jaǵdai boiynsha 765 km aryq jelisi qardan, muzdan jáne qoqystan tazartyldy, bul jospardyń 57,5%. Bul jumysqa kún saiyn 79 birlik tehnika men 283 adam jumyldyryldy. Aryq jelisin tazartýdy aqpan aiynyń sońyna deiin aiaqtaý josparlanyp otyr.
Qala halqynyń qaýipsizdigin qamtamasyz etý maqsatynda 2023 jylǵy sý tasqyny kezeńinde TJM aýmaqtyq bólimsheleriniń, qalanyń azamattyq qorǵaý qyzmetteriniń jáne ákimdiktiń merdigerlik uiymdarynyń kúshteri men quraldarynyń jalpy sany 2 581 adam jáne ártúrli maqsattaǵy 1 078 birlik ártúrli tehnika jasaqtaldy. Sý tasqynyna qarsy jumystarǵa 23 myń 500 qap jáne 17 myń 843 tonna inertti material daiyndaldy.
Ekologiia jáne qorshaǵan orta basqarmasynyń aqparat boiynsha kóktemgi kezindegi sý tasqynynyń aldyn alý úshin qalada 6 ózenniń (Tiksai, Jarbulaq, Esentai, Oijailaý, Boraldai, Qarasý) aýmaǵynda 206 km jaǵalaýdy nyǵaitý oryndaldy.
Júrgizilgen túgendeýge sáikes, jaǵalaýdy nyǵaitý jumystaryna taǵy 127,7 km ózen arnasy qajet, olarda qatty jaýyn-shashyn kezinde sý tasqyny paida bolady. Qazirgi kezde uzyndyǵy 37,7 km tórt ózenniń (Úlken Almaty, Kishi Almaty, Bókenbai jáne ÚAK) jaǵalaýyn nyǵaitý jáne abattandyrý boiynsha jobalaý-smetalyq qujattamasyn ázirlenip jatyr. Qalǵan 90 shaqyrymdy Almaty qalasyn damytý baǵdarlamasy aiasynda 2030 jylǵa deiin abattandyrý josparǵa engen.
Qazirgi tańda Sairan sý qoimasynda mehanikalyq tazartý jumystary júrgizilip jatyr. Naýryz aiynda Áýejai kóli men Qarasý shaǵyn aýdanyndaǵy toǵandy tazalaýdy bastaý kózdelgen.
Qala ákiminiń tapsyrmasy boiynsha ekologiia jáne qorshaǵan orta basqarmasy sý basýǵa beiim ýchaskeler boiynsha monitoring júrgizdi. 102 ýchaske anyqtaldy. Onyń ishinde apattyq-qalpyna keltirý jumystaryn shuǵyl júrgizýdi talap etetin sý basýǵa barynsha beiim 56 aýmaq anyqtaldy. Qazir bul jumys 92%-ǵa oryndaldy, olar 31 naýryzǵa deiin aiaqtalady dep josparlanǵan.
2023-2024 jyldary 376 km aryq jelisin salý jáne jańǵyrtý jónindegi jobany iske asyrý aiasynda qalǵan 46 aýmaqty sý basý máselesi sheshimin tabady. Keńes qorytyndysy boiynsha Erbolat Dosaev jaýapty bólimshelerge sý tasqynynyń aldyn alý jáne oǵan qarsy kúres máselelerin turaqty baqylaýda ustaýdy tapsyrdy. Sonymen qatar, megapolis basshysy aryq jelilerin tazartý boiynsha jumysty bir aptada aiaqtaýdy júktedi.
