الماتىدا حالىقارالىق جاستار كٷنٸنە ارنالعان «Alma Love» جاستار فەستيۆالٸ اياسىندا «JASTAR JOLY» كۆەست-ويىنى جەنە «SOCIAL LAB» ەلەۋمەتتٸك جوبالار كٶرمەسٸ سىندى ەكٸ ماڭىزدى ٸس-شارا ۇيىمداستىرىلدى. بۇل تۋرالى قالالىق جاستار ساياساتى باسقارماسى مەلٸمدەدٸ,- دەپ حابارلايدى Dalanews.kz
كۆەست-ويىنعا قاتىسۋعا 1000-نان استام جاس تۇرعىن ٶتٸنٸش بٸلدٸردٸ. ٸرٸكتەۋ كەزەڭٸنٸڭ قورىتىندىسى بويىنشا شامامەن 40 كوماندا جارىسقا جولداما الدى. بەس كەزەڭنەن تۇرعان كۆەست بارىسىندا قاتىسۋشىلار قالانىڭ ساياباقتارىمەن جٷرٸپ ٶتٸپ, ۇيىمداستىرۋشىلاردىڭ تاپسىرمالارىن ورىندادى, الماتىنىڭ تاريحى مەن مەدەنيەتٸ جٶنٸندەگٸ سۇراقتارعا جاۋاپ بەردٸ جەنە ينتەراكتيۆتٸ ويىندارعا قاتىستى.
– بۇل كۆەست مەن ٷشٸن قىزىقتى ەرٸ پايدالى تەجٸريبە بولدى. سۇراقتار ەرتٷرلٸ تاقىرىپتاردى قامتىدى: كەيبٸرٸ لوگيكا مەن بٸلٸمدٸ, كەيبٸرٸ تەز شەشٸم قابىلداۋدى تالاپ ەتتٸ. وسى ويىن ارقىلى الماتى جايلى كٶپ جاڭا مەلٸمەت بٸلدٸم, بۇرىن بارماعان جەرلەرٸمدٸ كٶردٸم. سونداي-اق كوماندالىق جۇمىستىڭ ماڭىزدىلىعىن سەزٸندٸم جەنە جاڭا ادامدارمەن تانىستىم, – دەدٸ جوبا قاتىسۋشىسى ماقسات ساعديەۆ.
تٶرت كەزەڭنٸڭ نەتيجەسٸ بويىنشا ارباتتا ٶتكەن گراند-فينالعا بەس ٷزدٸك كوماندا شىقتى. جەڭٸمپازدار ماراپاتتالدى.
فەستيۆال اياسىنداعى تاعى بٸر ماڭىزدى شارا – «SOCIAL LAB» كٶرمەسٸ قالانىڭ ەڭ ٸرٸ ساۋدا ورتالىقتارىنىڭ بٸرٸندە ٶتتٸ. وندا 20-دان استام جاستار جوباسى تانىستىرىلدى: ينكليۋزيۆتٸ تەاتر, ۆولونتەرلٸك باستامالار, اشىق اسپان استىنداعى كينوپوكازدار, تەگٸن وقۋ كۋرستارى, «تٸلدەر ساياباعى» جوباسى, پروفيلاكتيكالىق باعدارلامالار, سونداي-اق جاساندى ينتەللەكت پەن روبوتوتەحنيكا باعىتىنداعى باستامالار.
– كٶرمەنٸڭ باستى ماقساتى – ەلەۋمەتتٸك ماڭىزى بار جوبالاردى تۇرعىندارعا تانىستىرۋ جەنە ولاردى قولداۋ. بٸز جاستاردىڭ باستامالارىن ٸسكە اسىرۋعا جەنە ولاردى قوعامدىق ٶمٸرگە بەلسەندٸ تارتۋعا جاعداي جاسايمىز, – دەدٸ جاستار ساياساتى باسقارماسىنىڭ باسشىسى ازيز قاجدەنبەك.
كٶرمە قالا تۇرعىندارى مەن قوناقتارىنىڭ قىزىعۋشىلىعىن تۋدىردى. – مۇندا كٶپتەگەن پايدالى ەرٸ قىزىقتى جوبالاردى كٶردٸم. بولاشاقتا وسىنداي باستامالارعا قاتىسىپ, ٷلەس قوسقىم كەلەدٸ, – دەدٸ جاس قاتىسۋشى عاني مامىر.
ايتا كەتەيٸك, الماتىدا 3 تامىزدان باستاپ حالىقارالىق جاستار كٷنٸنە ارنالعان ونكٷندٸك ٶتٸپ جاتىر. باعدارلامادا ەكولوگييالىق اكتسييالار, سپورتتىق تۋرنيرلەر, كۆەست-ويىندار, Open Mic فورماتىنداعى كونتسەرتتەر جەنە باسقا دا شارالار بار. فەستيۆالدٸڭ سالتاناتتى جابىلۋى 12 تامىزدا بالۋان شولاق اتىنداعى سپورت كەشەنٸندە ٶتەدٸ. قوناقتاردى قازاقستاندىق ەسترادا جۇلدىزدارىنىڭ قاتىسۋىمەن گالا-كونتسەرت جەنە الماتىنىڭ بەلسەندٸ جاستارىن ماراپاتتاۋ رەسٸمٸ كٷتٸپ تۇر. كٸرۋ تەگٸن.
