جازعى مەكتەپتىڭ سالتاناتتى اشىلۋى 6 ماۋسىم، دۇيسەنبى كۇنى ساتبايەۆ ۋنيۆەرسيتەتىنىڭ دوسىم سۇلەيەۆ اتىنداعى زالىندا وتەدى. باستالۋى ساعات 09:00-دە.
شارانى nFactorial مەكتەبىنىڭ نەگىزىن قالاۋشى، امەريكاندىق pinemelon.com ستارتاپىنىڭ باسقارۋشى ديرەكتورى، IT-كاسىپكەر، بولاشاقشى جانە پرينستون ۋنيۆەرسيتەتىنىڭ تۇلەگى ارمان سۇلەيمەنوۆ اشادى.
اشىلۋدا ستۋدەنتتەردى ءبىلىم جانە عىلىم ۆيسە-مينيسترى ايبات ءىلياسوۆ، «ساتبايەۆ» ۋنيۆەرسيتەتىنىڭ باسقارما ءتوراعاسى جانە رەكتورى مەيرام مۇحامەتراحىم ۇلى بەگەنتايەۆ، «شيەۆرون» كومپانياسىنىڭ وكىلدەرى، سونىمەن قاتار قازاقستاندىق جانە حالىقارالىق جەتەكشى كومپانيالاردىڭ باعدارلاماشىلارى قارسى الادى.
[perfectpullquote align="full" bordertop="false" cite="" link="" color="" class="" size=""]
nFactorial جازعى مەكتەبى 200 جاس باعدارلاماشىلاردى وقىتۋعا باعىتتالعان.[/perfectpullquote]
جوبانىڭ ناتيجەسىندە قاتىسۋشىلار 150-دەن استام قازاقستاندىق ءونىمدى ازىرلەيدى جانە ولاردىڭ ىرىكتەلگەندەرى ينۆەستورلارعا، كاسىپكەرلەرگە، رەكرۋتەرلەرگە، جۋرناليستەرگە، پروفەسسورلارعا، باعدارلاماشىلار مەن ديزاينەرلەرگە ۇسىنىلادى.
