الماتىدا قوعامدىق كولىك جۇرگىزۋشىلەرىنە قويىلاتىن تالاپتار كۇشەيتىلىپ، جۇمىس جاعدايى جاقسارتىلادى، دەپ حابارلايدى Dalanews.kz.
قالا اكىمى ەربولات دوسايەۆتىڭ مالىمدەۋىنشە، جۇرگىزۋشىلەر جولاۋشىلارمەن قارىم-قاتىناس مادەنيەتى بويىنشا ارنايى كۋرستان وتەدى. بۇل شارا قوعامدىق كولىكتەگى قىزمەت كورسەتۋ ساپاسىن ارتتىرۋعا باعىتتالعان.
جۇرگىزۋشىلەر جەتىسپەۋشىلىگى – باستى ماسەلە
اكىمنىڭ ايتۋىنشا، Open Almaty پلاتفورماسىنا تۇسكەن وتىنىشتەرگە قاراعاندا، قوعامدىق كولىك قىزمەتى ءبىرشاما جاقسارعانىمەن، بۇل سالادا ءالى دە شەشىلمەگەن ماسەلەلەر بار.
“جۇرگىزۋشى تاپشىلىعى ءالى دە وزەكتى. بۇل ولاردىڭ ارتىق جۇمىس ىستەۋىنە جانە قىزمەت كورسەتۋ ساپاسىنىڭ تومەندەۋىنە الىپ كەلەدى”، – دەدى دوسايەۆ.
جالاقى وسەدى، ەتيكا كۋرستارى ەنگىزىلەدى
قوعامدىق كولىك ساپاسىن ارتتىرۋ ماقساتىندا اكىمدىك جۇرگىزۋشىلەردىڭ جالاقىسىن كوتەرۋ جانە مىندەتتى ەتيكا كۋرستارىن ەنگىزۋ تۋرالى شەشىم قابىلدادى.
“كۋرستان وتكەن جۇرگىزۋشىلەرگە جالاقىعا قوسىمشا ۇستەمە اقى قاراستىرىلادى”، – دەلىنگەن حابارلامادا.
بۇل شارالار جولاۋشىلارعا قىزمەت كورسەتۋ دەڭگەيىن جاقسارتىپ، قوعامدىق كولىك جۇرگىزۋشىلەرىنىڭ ەڭبەك جاعدايىن جاقسارتۋعا باعىتتالعان.
