فورۋمعا مەديا قوعامداستىقتىڭ، سونداي-اق ۇكىمەتتىك ەمەس ۇيىمدار (ۇەۇ) وكىلدەرى، ورتالىق ازيا ەلدەرىندە جانە شەتەلدە زورلىققا اكەلەتىن راديكاليزم ماسەلەلەرى بويىنشا پىكىر جەتەكشىلەرى مەن ساراپشىلار قاتىسۋدا.
فورۋمنىڭ ماقساتى - ورتالىق ازيا ەلدەرىندەگى راديكاليزاسيانىڭ الدىن الۋداعى ب ا ق ءرولىن تالقىلاۋ، سونىمەن قاتار ءساتتى جەرگىلىكتى جانە عالامدىق مەديا باستامالاردى جۇزەگە اسىرۋ، ساراپتامالىق سەسسيالار وتكىزۋ جانە تاۋەلسىز بۇقارالىق اقپارات قۇرالدارىنىڭ ءوز قوعامداستىقتارىمەن ءوزارا ارەكەتتەسۋ جانە نىعايتۋ مىسالدارىن كورسەتۋ (اسىرەسە، جاستارمەن، ايەلدەرمەن، ازشىلىق ۇلتتارمەن جانە دىندەرمەن).
شارا ۇيىمداستىرۋشىلارىنىڭ ايتۋىنشا زورلىققا اكەلەتىن راديكاليزاسيانىڭ الدىن-الۋ جونىندەگى ب ا ق باستامالارىن جان-جاقتى تالقىلاۋ ايماقتاعى ءۇنقاتىسۋدى كۇشەيتۋ ءۇشىن ۇلتتىق جانە ايماقتىق ىنتىماقتاستىقتى نىعايتۋعا كومەكتەسەدى جانە وسى سالاداعى شەشىمدەر مەن تابىستى تاجىريبەلەر ءۇشىن ماڭىزدى الاڭ ۇسىنادى.
فورۋمنىڭ فورماتى دا قىزىقتى. شارانىڭ العاشقى كۇنى "ARTيشوك" ەكسپەريمەنتالدى تەاترىندا مەديا ساۋاتتىلىق بويىنشا «Talk-ىلاۋ بولادى!» كونفەرەنسياسى ءوتتى.
تالقىلاۋدا ورتا ازيا ەلدەرىنەن كەلگەن 9 ساراپشى قوعامنىڭ راديكالدانداۋىنا جول بەرمەۋ، جالعان اقپاراتپەن كۇرەس، باق-تاعى ارانداتۋ ماسەلەلەرىنە قاتىستى ءوز ويلارىن ورتاعا سالدى.
شارانىڭ شىمىلدىعىن تۇرگەن ەۋرووداقتىڭ قازاقستانداعى وكىلدىگىنىڭ ءتوراعاسى سۆەن-ولوۆ كارلسسون مۇنداي فورۋمداردىڭ ماڭىزىنا توقتالىپ، قازىرگى كۇنى مەدياساۋاتتى بولۋعا ۇمتىلۋ كەرەكتىگىن ايتتى.
"ءبىز اقپاراتتىق تەحنولوگيالار زامانىندا ءومىر سۇرەمىز. بۇگىنگى مەديا قۇرالدار ءبىزدىڭ ورتامىزعا، كوزقاراسىمىزعا، سونىمەن قاتار اتقارعان ىسىمىزگە ءوز اسەرىن تيگىزەدى.
جاڭا مەديا قۇرالدار چاتتار، مەسسەندجەرلەر، الەۋمەتتىك جەلىلەر ءبىزدىڭ ءومىرىمىزدىڭ اجىراماس بولىگىنە اينالعان.
ەندەشە ءاربىر ادام وسىناۋ مەديا-جۇيەنىڭ ءبىر بولشەگىنە اينالدى دەۋگە نەگىز بار"، – دەدى ول.
فورۋم تاقىرىبىنىڭ «Talk-ىلاۋ بولادى!» دەپ تاڭدالۋى دا تەگىن ەمەس. تاقىرىپ ۇرانى: «We are the message» (ءبىز - مەسسەدج، حابارلاندىرۋ) دەپ اتالادى.
ال "كونتەنت فەستيۆالى" اياسىندا «ورتالىق ازياداعى تۇراقتىلىق پەن بەيبىتشىلىككە جاردەمدەسۋ» اياسىندا قارجىلاندىرىلعان ەڭ ۇزدىك مەديا جوبالار تانىستىرىلدى. قاتىسۋشىلار جوبا اياسىندا قانداي تاجىريبە جيناپ، قانداي قيىندىقتاردى ەڭسەرگەنىن ءسوز ەتتى.
ال بۇگىن فورۋم قاتىسۋشىلارى «زورلىق ەكسترەميزمىنىڭ الدىن-الۋداعى ب ا ق ءرولى» تاقىرىبىن تالقىلاپ، جاھاندىق دەڭگەيدە جانە ورتا ازيا ەلدەرىندەگى راديكاليزاسيانىڭ الدىن الۋداعى ب ا ق رولىنە باعا بەردى.
كونفەرەنسيانىڭ نەگىزگى ۇندەۋى: بۇقارالىق اقپارات قۇرالدارى پروسەستىڭ بەلسەندى قاتىسۋشىلارى جانە راديكاليزاسيانىڭ الدىن الۋدا ماڭىزدى جانە ورنى تولماس ءرول اتقارادى.
ايتا كەتەلىك «زورلىق ەكسترەميزمىنىڭ الدىن الۋداعى ب ا ق ءرولى» فورۋمى ءۇش كۇن ىشىندە ەكى جەردە وتەتىن ءتورت شارادان تۇراتىن يننوۆاسيالىق جانە ەكسپەريمەنتالدى قوعامدىق الاڭ بولىپ تابىلادى.
فورۋمنىڭ ءۇشىنشى كۇنى "مەديا لابوراتوريا" اتتى تاقىرىپ اياسىندا وتەدى. مۇندا قاتىسۋشىلار - كاسىبي جۋرناليستيكانىڭ قاقتىعىس جاعدايلارىنا جەتەلەيتىن تاقىرىپتارعا قاتىستى كوزقاراسىن ورتاعا سالادى.
حالىقارالىق فورۋم ەۋروپالىق وداق قارجىلاندىراتىن جانە Internews جۇزەگە اسىراتىن «ورتالىق ازياداعى تۇراقتىلىق پەن بەيبىتشىلىكتى نىعايتۋ» جوباسى اياسىندا ۇيىمداستىرىلىپ وتىر.
