قارياسىن قازىناعا بالايتىن قازاقستاندا 1 قازاننان باستاپ قارتتار ايلىعى باستالىپ، قاراشا ايىنا دەيىن ءوز جالعاسىن تاپتى.ءبىر اي كولەمىندە الماتى قالاسىنىڭ بارلىق اۋداندارىندا اعا ۇرپاق وكىلدەرىنە قامقورلىق جاساۋعا ارنالعان شارالار وتكىزىلدى، دەپ حابارلايدى Dalanews.kz.
وسى ورايدا، Amanat پارتياسى دا شەتتە قالماي، "ارداگەرلەردى ارداقتايىق" پارتيالىق جوباسى اياسىندا ءبىر قاتار ءىس-شارالاردى وتكىزدى. جوبا اياسىندا ءتۇرلى فورماتتاعى 50-گە جۋىق شارا وتكىزىپ، قالامىزداعى 400 ارداگەرگە ءتۇرلى كومەكتەر كورسەتىپ، ازىق-تۇلىك سەبەتتەرىن تابىستادى.
وسى رەتتە الماتى قالاسى ءماسليحات دەپۋتاتى، قالالىق قان ورتالىعىنىڭ ديرەكتورى ءنادىروۆ جاندوس قۋانىشبەك ۇلى دا Amanat پارتياسىنىڭ بوستاندىق اۋداندىق فيليالىمەن بىرلەسە اۋدانداعى ۇزاق ءومىر سۇرۋشىلەردى ۇيلەرىنە بارىپ قۇتتىقتاپ، ارنايى سىيلىقتارىن تارتۋ ەتتى.
جوبا ايااسىنداعى شارالار تەك مەرەكە كۇندەرىندە ەمەس جىل بويى ءوز جالعاسىن تاباتىن بولادى.
