الماتىدا بەتپەردە تاققان ءۇش ادام ءۇي يەلەرىن بايلاپ، توناپ كەتكەن، - دەپ حابارلايدى Dalanews.kz.
12 قىركۇيەكتە كۇدىكتىلەر ماسكا تاعىپ، جەكە ۇيگە كىرگەن. شىعىن كولەمى - 500 ميلليون تەڭگە.
"جەدەل جۇمىس ناتيجەسىندە الماتى قالاسى جانە الماتى وبلىسىنىڭ ءۇش تۇرعىنى ۇستالىپ، قاماۋعا الىندى"، - دەدى ءىىم كريمينالدىق پوليسيا دەپارتامەنتىنىڭ باستىعى قانات نۇرماعامبەتوۆ.
تەرگەۋ بارىسىندا كۇدىكتىلەردىڭ بيىل الماتى وبلىسىنىڭ اۋماعىندا جانە بىلتىر الماتى قالاسىندا جاسالعان ەكى قىلمىسقا قاتىسى بارى انىقتالدى. تەرگەۋ امالدارى جۇرگىزىلىپ جاتىر.
