الماتى قالاسىنىڭ كريمينالدىق پوليسيا قىزمەتكەرلەرى قالاداعى بالالار مەكەمەلەرىنىڭ ءبىرىنىڭ ەكى كامەلەتكە تولماعان تاربيەلەنۋشىسىن تاپتى. ولاردى ىزدەۋگە 17 كۇن كەتكەن، دەپ حابارلايدى Dalanews.kz.
جەدەل-ىزدەستىرۋ ءىس-شارالارى بارىسىندا قىزدار الماتى وبلىسىنىڭ اۋماعىندا تابىلدى.
"قازىرگى ۋاقىتتا ەكەۋى دە بارلىق جاعدايلاردى انىقتاۋ ءۇشىن بوستاندىق اۋداندىق پوليسيا باسقارماسىنا جەتكىزىلدى. كامەلەتكە تولماعانداردىڭ قاۋىپسىزدىگىن قامتاماسىز ەتۋ پوليسيا جۇمىسىنىڭ باسىم باعىتتارىنىڭ ءبىرى بولىپ تابىلادى".الماتى قالاسى پوليسيا دەپارتامەنتىنىڭ باسپا ءسوز قىزمەتى
بۇعان دەيىن الماتىدا №1 بالالار ۇيىنەن (باعاناشىلداعى تانىمال مەكەمە) ەكى قىزدىڭ قاشىپ كەتكەنى حابارلانعان بولاتىن. كريستينا بەلگورودسكايا مەن مارگاريتا چەرەپانوۆا 18 شىلدەدە جوعالعان.
سوڭعى كەزدە باعاناشىلداعى №1 بالالار ءۇيى ءجيى جانجالدىڭ ورتاسىندا قالىپ ءجۇر. مەكەمە مۇعالىمدەرى وزدەرىنە قىسىم كورسەتىلىپ، ءوز ەركىمەن جۇمىستان كەتۋ جونىندە ارىز جازۋعا ءماجبۇر بولعاندارىن ايتسا، رەسمي بيلىك ۇستازداردىڭ جۇمىسسىز قالمايتىنىن، تەك باسقا مەكەمەگە اۋىستىرىلاتىنىن مالىمدەپ وتىر.
