Almaty qalasynyń kriminaldyq politsiia qyzmetkerleri qaladaǵy balalar mekemeleriniń biriniń eki kámeletke tolmaǵan tárbielenýshisin tapty. Olardy izdeýge 17 kún ketken, dep habarlaidy Dalanews.kz.
Jedel-izdestirý is-sharalary barysynda qyzdar Almaty oblysynyń aýmaǵynda tabyldy.
"Qazirgi ýaqytta ekeýi de barlyq jaǵdailardy anyqtaý úshin Bostandyq aýdandyq politsiia basqarmasyna jetkizildi. Kámeletke tolmaǵandardyń qaýipsizdigin qamtamasyz etý politsiia jumysynyń basym baǵyttarynyń biri bolyp tabylady".Almaty qalasy politsiia departamentiniń baspasóz qyzmeti
Buǵan deiin Almatyda №1 balalar úiinen (Baǵanashyldaǵy tanymal mekeme) eki qyzdyń qashyp ketkeni habarlanǵan bolatyn. Kristina Belgorodskaia men Margarita Cherepanova 18 shildede joǵalǵan.
Sońǵy kezde Baǵanashyldaǵy №1 balalar úii jii janjaldyń ortasynda qalyp júr. Mekeme muǵalimderi ózderine qysym kórsetilip, óz erkimen jumystan ketý jóninde aryz jazýǵa májbúr bolǵandaryn aitsa, resmi bilik ustazdardyń jumyssyz qalmaitynyn, tek basqa mekemege aýystyrylatynyn málimdep otyr.
