قازاقستان حالقى اسسامبلەياسى ءتوراعاسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى مارات الماس ۇلى ءازىلحانوۆ فورۋمعا قاتىسۋشىلار ءۇشىن قۇتتىقتاۋ ءسوز سويلەدى.
ينتەرنەت مەديا جانە PR سالاسىنداعى ماماندار، ءوز قىزمەتىن بلوگتاردا بەلسەندى جاريالايتىن ءماسليحات دەپۋتاتتارى، قوعام قايراتكەرلەرى باستاۋشى بلوگەرلەر ءۇشىن «بلوگ: ونى نەگە بەلسەندى جۇرگىزۋ كەرەك؟» ، «الەۋمەتتىك جەلىلەر جانە قوعام: ءوزارا ارەكەتتەسۋ تەندەنسيالارى»، «باستاۋشى بلوگەر: پوزيسيالاۋ»، «موبيلوگرافيا: كرەاتيۆتى ۆيزۋالدى كونتەنت قۇرۋ بويىنشا ۇزدىك 10 ۇسىنىس» سىندى تاقىرىپتار اياسىندا قاتىسۋشىلار وزدەرىنىڭ الەۋمەتتىك جەلىلەردەگى اككاۋنتتارىن جىلجىتۋ داعدىلارىن ورتاعا سالىپ، جۇمىس تاسىلدەرىمەن ءبولىستى.
بلوگينگ، ماركەتينگ، SMM، ماقسات قويۋ، ترەندتىك REELS قۇرۋ، ساياسي شولۋلار سالاسىنداعى پراكتيكالىق قۇرالدار.
الاڭ ءوز تاجىريبەسى مەن ءبىلىمىن جاستارعا جەتكىزگىسى كەلەتىن تاجىريبەلى مامانداردى بىرىكتىردى.
فورۋم سوڭىندا بارلىق قاتىسۋشىلارعا ترەنينگتەردەن وتكەنىن راستايتىن سەرتيفيكاتتار تابىستالدى. فورۋمدى الماتى قالاسى قوعامدىق دامۋ باسقارماسىنىڭ، سونداي-اق الماتى قالاسى قازاقستان حالقى اسسامبلەياسى حاتشىلىعىنىڭ قولداۋىمەن «اسسامبلەيا جاستارى» رقب مۇشەلەرى ۇيىمداستىردى.
