الماتىدا ايەلدى ءولتىرىپ، دەنەسىن بولشەكتەگەن كۇدىكتى ۇستالدى. ءقازىر تەرگەۋ امالدارى جۇرگىزىلۋدە.

Orda.kz سايتىنىڭ حابارلاۋىنشا قولعا تۇسكەن ەر ادام كىناسىن مويىنداماعان. ءبىراق جەدەل ۋاكىلدەردىڭ قولىندا بارلىق قاجەتتى ايعاقتار بار.

ەسكە سالايىق، 12 ءساۋىر كۇنى ساعات 08:40-تا 102 پۋلتىنە شولوحوۆ كوشەسىندەگى قاراۋسىز قالعان عيماراتتىڭ جانىنان ايەلدىڭ باسى كەسىلگەن دەنەسىنىڭ تابىلعانى تۋرالى حابارلاما كەلىپ تۇسكەن-دى. بۇدان كەيىن ولتىرگەن ايەلدىڭ باسى بازارداعى شۇجىق دۇكەنىنەن تابىلعان بولاتىن.

كۇدىكتى وتكەن اپتانىڭ باسىندا ۇستالعان. ونى بەينەباقىلاۋ كامەرالارىنىڭ ارقاسىندا ەسەپتەۋ مۇمكىن بولدى.

دەرەككوزدىڭ حابارلاۋىنشا، كادرلاردان ەر ادامنىڭ الماتى-1 جولىنداعى بازارعا اۆتوبۋسپەن بارا جاتقانىن كورۋگە بولادى. بولجام بويىنشا، ول پسيحياتريالىق ەسەپتە تۇرعان.

ال كەسىلگەن باس تابىلاعان دۇكەندى ۇستايتىن ايەل قاتتى كۇيزەلىسكە ۇشىراعانى ءمالىم بولدى.

– مەن ءالى ەسىمدى جيا الار ەمەسپىن. جاڭالىقتاردى وقىعاندا، ينتەرنەتتەن نەمەسە تەلەديداردان مۇنداي جاعدايلاردى كورگەندە ءبىر نارسە. ال وسى وقيعا كۋى بولۋىڭىز – وتە اۋىر. ادامداردىڭ قانشالىقتى قاتىگەزدەنگەنىن سەزىنۋدىڭ ءوزى قورقىنىشتى، – دەيدى ايەل.

ونىڭ ايتۋىنشا، سول كۇنى ونىڭ دۇكەنىنە پاكەت ۇستاعان ەر ادام كەلىپ، بىر-ەكى مينۋت تۇرىپ، كەتىپ قالعان. ول قالىپتى كورىندى جانە ۇقىپتى كيىنگەن. كەيىن ايەل كۇدىكتى پاكەتتى بايقاپ قالىپ، كۇزەتشىلەردى شاقىرعان. ولار ودان كەسىلگەن باس تاپقان.

پوليسەيلەردىڭ مالىمەتىنشە، مارقۇم 1976 جىلى تۋعان، تۇراقتى تۇرعىلىقتى جەرى جوق، بۇرىن ەسىرتكى قىلمىسى ءۇشىن بىرنەشە رەت سوتتالعان ايەل بولىپ شىقتى.

https://dalanews.kz/news/88534-qarapayym-boiauga-2-mln-tengge-zhumsamaq-b

https://dalanews.kz/news/88513-masimov-18-zhylga-sottaldy

https://dalanews.kz/kogam/88492-auyl-amanaty-auyl-turgyndarynyng-tab

https://dalanews.kz/news/88485-investiciialyq-ideiany-qalay-durys-tang

https://dalanews.kz/news/88465-qazaq-tilin-uyrenuge-uaqyt-zhoq-bibi

https://dalanews.kz/news/88447-satqaliev-tagy-da-zhazyq-zherde-surindi