Orda.kz saitynyń habarlaýynsha qolǵa túsken er adam kinásin moiyndamaǵan. Biraq jedel ýákilderdiń qolynda barlyq qajetti aiǵaqtar bar.
Eske salaiyq, 12 sáýir kúni saǵat 08:40-ta 102 pýltine Sholohov kóshesindegi qaraýsyz qalǵan ǵimarattyń janynan áieldiń basy kesilgen denesiniń tabylǵany týraly habarlama kelip túsken-di. Budan keiin óltirgen áieldiń basy bazardaǵy shujyq dúkeninen tabylǵan bolatyn.
Kúdikti ótken aptanyń basynda ustalǵan. Ony beinebaqylaý kameralarynyń arqasynda esepteý múmkin boldy.
Derekkózdiń habarlaýynsha, kadrlardan er adamnyń Almaty-1 jolyndaǵy bazarǵa avtobýspen bara jatqanyn kórýge bolady. Boljam boiynsha, ol psihiatriialyq esepte turǵan.
Al kesilgen bas tabylaǵan dúkendi ustaityn áiel qatty kúizeliske ushyraǵany málim boldy.
– Men áli esimdi jiia alar emespin. Jańalyqtardy oqyǵanda, internetten nemese teledidardan mundai jaǵdailardy kórgende bir nárse. Al osy oqiǵa kýi bolýyńyz – óte aýyr. Adamdardyń qanshalyqty qatygezdengenin sezinýdiń ózi qorqynyshty, – deidi áiel.
Onyń aitýynsha, sol kúni onyń dúkenine paket ustaǵan er adam kelip, bir-eki minýt turyp, ketip qalǵan. Ol qalypty kórindi jáne uqypty kiingen. Keiin áiel kúdikti paketti baiqap qalyp, kúzetshilerdi shaqyrǵan. Olar odan kesilgen bas tapqan.
Politseilerdiń málimetinshe, marqum 1976 jyly týǵan, turaqty turǵylyqty jeri joq, buryn esirtki qylmysy úshin birneshe ret sottalǵan áiel bolyp shyqty.
https://dalanews.kz/news/88534-qarapayym-boiauga-2-mln-tengge-zhumsamaq-b
https://dalanews.kz/news/88513-masimov-18-zhylga-sottaldy
https://dalanews.kz/kogam/88492-auyl-amanaty-auyl-turgyndarynyng-tab
https://dalanews.kz/news/88485-investiciialyq-ideiany-qalay-durys-tang
https://dalanews.kz/news/88465-qazaq-tilin-uyrenuge-uaqyt-zhoq-bibi
https://dalanews.kz/news/88447-satqaliev-tagy-da-zhazyq-zherde-surindi
