قالا ەكٸمٸ باقىتجان ساعىنتاەۆتىڭ تاپسىرماسىمەن 2020 جىلى كٸشٸ الماتىنىڭ كەيبٸر ۋچاسكەلەرٸن قايتا قۇرۋ جۇمىستارى باستالعان ەدٸ. بارلىق جۇمىستار ۇزىندىعى 8,9 شاقىرىم ۋچاسكەدە جٷرگٸزٸلدٸ. سۋ بٶلگٸشتەن دوستىق داڭعىلىنا دەيٸن, گيدروتەحنيكالىق قۇرىلىستى قوسا العاندا ماقاتاەۆ كٶشەسٸنە دەيٸن جٶندەلدٸ.
تەررەنكۋردا قولدان جاسالعان كٶپٸرلەر بٶلشەكتەلٸپ, جاياۋ جٷرگٸنشٸلەر جولى سالىندى. گابيون قۇرىلىمى جٶندەلدٸ. ولار ارنانىڭ جەكەلەگەن ۋچاسكەلەرٸندە سۋدىڭ كەدەرگٸسٸز ٶتۋٸن قامتاماسىز ەتەتٸن زاماناۋي ۋچاسكەلەرگە اۋىستىرىلدى.
سونىمەن قاتار جول بويىنا ورىندىقتار, كٷن تٶسەنٸشتەرٸ مەن گٷلزارلار ورناتىلدى. سونداي-اق, ەل-فارابي داڭعىلىنىڭ استىنداعى تۋننەل اباتتاندىرىلىپ, سەتپاەۆ كٶشەسٸنەن تٶمەن گيدروتەحنيكالىق قۇرىلىستىڭ جانىنداعى ۋچاسكە قالپىنا كەلتٸرٸلدٸ. ال وقۋشىلار سارايى عيماراتىنىڭ ارتىنا باقىلاۋ الاڭى ورناتىلدى. بارلىق ورىندار اعاشتان جاسالىندى.
مەدەۋ اۋدانى سامال-1 ىقشاماۋدانىنىڭ تۇرعىنى ۇلجان حاتتانوۆا اتالعان جەردەگٸ سەرۋەندەۋ ايماعىن اباتتاندىرعانى ٷشٸن قالا ەكٸمدٸگٸنە العىسىن بٸلدٸردٸ.
– ماعان تەررەنكۋر اۋدانى ٶتە ۇنايدى. بٸز مۇندا قىزدار, بالالارمەن جيٸ كەلەمٸز. جٶندەۋ جۇمىستارى ساپالى. بۇل بٸزدٸڭ قالا ٷشٸن ٷلكەن جەتٸستٸك. بۇل جەردە جازدا دەمالعان جاقسى. وسىنداي دەمالىس ايماعىن جاساعانى ٷشٸن تاعى دا العىسىمدى بٸلدٸرەمٸن, – دەدٸ ۇ. حاتتانوۆا.
قالا تۇرعىندارىنىڭ ۇسىنىسى بويىنشا اۆتوتۇراقتىڭ ورنىنا سپورت پەن بالالار الاڭى سالىنىپ, سانيتارلىق توراپتار ورناتىلدى.
بارلىق شەشٸم جەرگٸلٸكتٸ تۇرعىندار مەن قوعام قايراتكەرلەرٸمەن تالقىلاندى.
