Qala ákimi Baqytjan Saǵyntaevtyń tapsyrmasymen 2020 jyly Kishi Almatynyń keıbir ýchaskelerin qaıta qurý jumystary bastalǵan edi. Barlyq jumystar uzyndyǵy 8,9 shaqyrym ýchaskede júrgizildi. Sý bólgishten Dostyq dańǵylyna deıin, gıdrotehnıkalyq qurylysty qosa alǵanda Maqataev kóshesine deıin jóndeldi.
Terenkýrda qoldan jasalǵan kópirler bólshektelip, jaıaý júrginshiler joly salyndy. Gabıon qurylymy jóndeldi. Olar arnanyń jekelegen ýchaskelerinde sýdyń kedergisiz ótýin qamtamasyz etetin zamanaýı ýchaskelerge aýystyryldy.
Sonymen qatar jol boıyna oryndyqtar, kún tósenishteri men gúlzarlar ornatyldy. Sondaı-aq, ál-Farabı dańǵylynyń astyndaǵy týnel abattandyrylyp, Sátpaev kóshesinen tómen gıdrotehnıkalyq qurylystyń janyndaǵy ýchaske qalpyna keltirildi. Al Oqýshylar saraıy ǵımaratynyń artyna baqylaý alańy ornatyldy. Barlyq oryndar aǵashtan jasalyndy.
Terenkýrda 5 myńǵa jýyq buta otyrǵyzylyp, jasyl qor qalpyna keldi. Olar betkeılerdi nyǵaıtady ári jaǵalaýlardyń qulaýyna jol bermeıdi.
Medeý aýdany Samal-1 yqshamaýdanynyń turǵyny Uljan Hattanova atalǵan jerdegi serýendeý aımaǵyn abattandyrǵany úshin qala ákimdigine alǵysyn bildirdi.
– Maǵan Terenkýr aýdany óte unaıdy. Biz munda qyzdar, balalarmen jıi kelemiz. Jóndeý jumystary sapaly. Bul bizdiń qala úshin úlken jetistik. Bul jerde jazda demalǵan jaqsy. Osyndaı demalys aımaǵyn jasaǵany úshin taǵy da alǵysymdy bildiremin, – dedi U. Hattanova.
Qala turǵyndarynyń usynysy boıynsha avtoturaqtyń ornyna sport pen balalar alańy salynyp, sanıtarlyq toraptar ornatyldy.
Barlyq sheshim jergilikti turǵyndar men qoǵam qaıratkerlerimen talqylandy.
