قوعام بەلسەندٸسٸ سانجار بوقاەۆ الماتىداعى ٷلكەن الماتى ٶزەنٸنٸڭ بويىنان تابيعي گرانيت پليتالارىنىڭ زاڭسىز تاسىمالى جٷرٸپ جاتقانىن ەشكەرەلەدٸ, دەپ حابارلايدى Dalanews.kz.
تٷنگٸ باقىلاۋ
بوقاەۆتىڭ ايتۋىنشا, جەرگٸلٸكتٸ تۇرعىندار ٶزەن جاعاسىنان تٷسٸرٸلگەن بەينەجازبالاردى جٸبەرٸپ, تٷندە جٷك كٶلٸكتەرٸنە گرانيت پليتالارى تيەلٸپ جاتقانىن حابارلاعان. وسىدان كەيٸن ول تٷن ٸشٸندە وقيعا ورنىنا بارىپ, كٷدٸكتٸ ەرەكەتتەردٸ باقىلاعان.
"بٸز كەلگەننەن كەيٸن بٸر مانيپۋلياتور جٷك كٶلٸگٸن كٶردٸك. ول پليتالاردى تيەپ الىپ كەتتٸ. ارتىنشا تاعى بٸر كٶلٸك كەلٸپ توقتادى. بٸز ەزٸرگە جاقىنداماي, قايدا اپاراتىنىن باقىلاپ كٶرۋدٸ ۇيعاردىق. ٶيتكەنٸ مۇنىڭ بەرٸ پوليتسييانىڭ كٶز الدىندا بولىپ جاتىر", – دەيدٸ سانجار بوقاەۆ.
بەلسەندٸ كٶلٸكتٸڭ تٷن ورتاسىندا عانا جٷرۋٸن كٷدٸكتٸ جاعداي دەپ باعالادى:
"ەگەر بەرٸ زاڭدى بولسا, نەگە كٷندٸز تاسىمايدى? نەگە تەك تٷندە جاسىرىن اپارادى?" – دەپ سۇراق قويدى ول.
العاشىندا بوقاەۆ پليتالاردىڭ قالا ەكٸمدٸگٸنٸڭ بازاسىنا جەتكٸزٸلۋٸ مٷمكٸن ەكەنٸن توپشىلاعان. ٶيتكەنٸ گرانيت پليتالارى ەكٸمدٸكتٸڭ مٷلكٸ بولىپ سانالادى.
الايدا كٶلٸك قالا سىرتىنا بەت العان.
"بٸز بەساعاش ارقىلى تالعار اۋدانىنا شىقتىق. اقىرى كٶلٸكتٸڭ جەكە مەنشٸك ٷيگە قاراي بۇرىلعانىن كٶردٸك. بۇل مەنٸ شوشىتتى. ٶيتكەنٸ پليتالاردى ەكٸمدٸك بازاسىنا ەمەس, مٷردە تاس قوياتىن تسەحقا اپارىپ تٷسٸردٸ. سوندا ولار ەكٸمدٸك مٷلكٸن ساتىپ جاتىر ما?" – دەپ نارازىلىعىن بٸلدٸردٸ بوقاەۆ.
بوقاەۆ تاستاردى تاسىعان جۇمىسشىلاردىڭ بٸرٸمەن سٶيلەسكەن.
- تاستى قايدان الىپ كەلە جاتىرسىز?
- ٷيدەن... قوقىس تاستايتىن جەردەن... ەيتەيدەن
- مىنا جەرگە نە ٷشٸن الىپ كەلٸپ جاتىرسىز?
- بۇل سىنعان زاتتار عوي
- سىنباعان, بٷتٸن عوي, دەيدٸ سانجار بوقاەۆ.
"ولاردى مٷردە تاسىن جاسايتىن تسەحتارعا ساتىپ جاتىر. مۇنى تٸپتٸ تٷسٸندٸرۋگە دە تٸلٸم بارمايدى, بٸلەسٸزدەر مە, سونشالىقتى جاعىمسىز تٸرلٸك", - دەيدٸ سانجار.
قوعام بەلسەندٸسٸ گرانيت تاستاردى قايتادان قالاعا اپارۋدى تالاپ ەتتٸ.
