الماتىدا كەزەكتى كوپ مۇشەلى دونورلىق وپەراسيا ءوتتى، دەپ حابارلايدى Dalanews.kz.

دارىگەرلىك كونسيليۋم 50 جاستاعى ايەلدىڭ مي ءولىمىن انىقتاعاننان كەيىن، وتباسىنىڭ كەلىسىمىمەن ماماندار ونىڭ ورگاندارىن الۋ ءراسىمىن جۇرگىزدى.

قالالىق كارديولوگيا ورتالىعىندا العاشقى جۇرەك ترانسپلانتاسياسى جاسالدى. دونوردىڭ جۇرەگى تەرمينالدىق جۇرەك جەتكىلىكسىزدىگى بار 34 جاستاعى ناۋقاسقا سالىندى.

وسى دونورلىق ۇدەرىس اياسىندا باسقا دا ورگاندار ترانسپلانتاسيالاندى:

• وڭ بۇيرەك – 15 جاستاعى ناۋقاسقا؛

• سول بۇيرەك – سىزعانوۆ اتىنداعى ۇلتتىق عىلىمي حيرۋرگيا ورتالىعىندا 30 جاستاعى ايەلگە؛

• ەكى كوز مۇيىزگەك قاباتى – الماتى قالالىق ورتالىق كلينيكالىق اۋرۋحاناسىنىڭ پاسيەنتتەرىنە.

دارىگەرلەر دونور وتباسىنىڭ كەلىسىمى بىردەن بىرنەشە ادامنىڭ ءومىرىن ساقتاپ قالۋعا مۇمكىندىك بەرگەنىن اتاپ ءوتتى.