Almatyda kezekti kóp músheli donorlyq operatsiia ótti, dep habarlaidy Dalanews.kz.
Dárigerlik konsiliým 50 jastaǵy áieldiń mi ólimin anyqtaǵannan keiin, otbasynyń kelisimimen mamandar onyń organdaryn alý rásimin júrgizdi.
Qalalyq kardiologiia ortalyǵynda alǵashqy júrek transplantatsiiasy jasaldy. Donordyń júregi terminaldyq júrek jetkiliksizdigi bar 34 jastaǵy naýqasqa salyndy.
Osy donorlyq úderis aiasynda basqa da organdar transplantatsiialandy:
-
oń búirek – 15 jastaǵy naýqasqa;
-
sol búirek – Syzǵanov atyndaǵy ulttyq ǵylymi hirýrgiia ortalyǵynda 30 jastaǵy áielge;
-
eki kóz múiizgek qabaty – Almaty qalalyq ortalyq klinikalyq aýrýhanasynyń patsientterine.
Dárigerler donor otbasynyń kelisimi birden birneshe adamnyń ómirin saqtap qalýǵa múmkindik bergenin atap ótti.
