الماتىنىڭ كامەنسك ٷستٸرتٸ شاعىن اۋدانىندا سۋ تاپشىلىعى مەسەلەسٸ شەشٸلٸپ, تۇرعىندار ٷزدٸكسٸز سۋمەن قامتاماسىز ەتٸلدٸ. بۇل الماتى ەكٸمٸ ەربولات دوساەۆتىڭ تاپسىرماسىمەن سالىنعان «بالقاش» تازا سۋ رەزەرۆۋارىن پايدالانۋعا بەرگەننەن كەيٸن جٷزەگە استى, – دەپ حابارلايدى Dalanews.kz الماتى قالاسى ەكٸمٸنٸڭ باسپاسٶز قىزمەتٸنە سٸلتەمە جاساپ.
كامەنسك ٷستٸرتٸ شاعىن اۋدانىندا 8 مىڭ ادام تۇرادى. سونىڭ بٸرٸ مالكوۆتار وتباسى مۇندا بٸرنەشە جىلدان بەرٸ تۇرادى. تاتيانا مالكوۆانىڭ ايتۋىنشا, سۋ تاپشىلىعى مەسەلەسٸ ەسٸرەسە, جازدا قاتتى سەزٸلەدٸ.
– بٸزدٸڭ الاپتا سۋ قىسىمى ەلسٸرەدٸ. ادام كٶبەيدٸ, بارلىعى باقشاسىن سۋارادى, سۋ جەتپەيدٸ. بٸز تاۋ سۋىن پايدالاندىق, كەيدە بٸزدٸڭ شاعىن اۋدانعا كەلگەن سۋ تاسيتىن كٶلٸكتەن الىپ كەلدٸك. ەكٸ جىل بۇرىن ەكٸمدٸكتە بٸزگە جاڭا سۋ جيناقتاعىش قۇرىلىسىنىڭ ارقاسىندا ٷزدٸكسٸز سۋمەن جابدىقتالادى دەپ ۋەدە بەرگەن بولاتىن. نىسان ۋەدە ەتٸلگەندەي تەز سالىندى. بٸزگە سۋ جٷرگٸزدٸ, قىسىم ٶتە كٷشتٸ, بۇعان ٶتە قۋانىشتىمىز. قالا ەكٸمٸ ەربولات دوساەۆقا اتقارعان جۇمىستارى ٷشٸن العىس ايتامىز, – دەدٸ ول.
كامەنسك ٷستٸرتٸنٸڭ تۇرعىنى ۆيتاليي زاماراەۆ سۋمەن جابدىقتاۋ بەرٸلگەن سەتتەن باستاپ مەسەلەنٸڭ شەشٸلگەنٸن اتادى.
– بۇرىن بٸزدە سۋىق سۋمەن قامتاماسىز ەتۋ پروبلەماسى بولدى. قازٸر ەشقانداي مەسەلە جوق, تٷندە ٶشپەيدٸ, كٷندٸز سۋ ٷنەمٸ بولادى. بارلىق تۇرعىن قۋانىشتى, ريزا. بٸزدە جەكە ٷي بولعاندىقتان, بٸزگە سۋ كٶپ قاجەت, باقشانى سۋارامىز, باسقا دا شارۋاشىلىق جۇمىستارعا سۋ كەرەك. قابىلدانعان شارالار ٷشٸن العىس ايتامىز, بٸز قازٸر جايلى جاعدايدا ٶمٸر سٷرٸپ جاتىرمىز, – دەدٸ تۇرعىن ۆيتاليي زاماراەۆ.
تۇرعىننىڭ بٸرٸ لاۋرا قۇرمانعاليەۆا ويىن ايتتى.
– بۇعان دەيٸنگٸ كەزدەسۋدە الماتى قالاسى ەكٸمٸ بٸزگە, لادۋشكين كٶشەسٸندە تۇراتىن تۇرعىندارعا ورتالىق سۋمەن جابدىقتاۋدى جٷرگٸزۋگە ۋەدە بەردٸ. لادۋشكين كٶشەسٸنٸڭ بارلىق تۇرعىنىنىڭ اتىنان ورىندالعان ۋەدەگە ريزاشىلىعىمىزدى بٸلدٸرەمٸز, قازٸر بٸزگە سۋ كەلدٸ. سۋدىڭ قىسىمى جاقسى, ەشقانداي مەسەلە جوق, – دەدٸ ول.
ەستەرٸڭٸزگە سالا كەتەيٸك, مەدەۋ اۋدانىنىڭ جوعارعى جاعىن سۋمەن جابدىقتاۋ جەر ٷستٸ كٶزدەرٸنٸڭ ەسەر ەتۋ ايماعىندا ورنالاسقان. بۇعان دەيٸن بۇل اۋماق الماتى وبلىسى تالعار اۋدانىنىڭ قۇرامىنا كٸرگەن. 2013-2014 جىلدارى ولار الماتى قالاسىنىڭ مەدەۋ اۋدانىنا قوسىلدى. سودان بەرٸ وسى شاعىن اۋداننىڭ تۇرعىندارىن ساپالى سۋمەن جەنە كەرٸزبەن قامتاماسىز ەتۋ مەسەلەسٸ ٶزەكتٸ بولىپ كەلگەن.
2022 جىلى ۇڭعىمالارداعى سۋ دەڭگەيٸنٸڭ 2,5 ەسە – 150-دەن 60 م3-گە دەيٸن تٶمەندەۋٸنە بايلانىستى جاعداي ۋشىعىپ كەتتٸ. سودان كەيٸن قالا ەكٸمٸ تۇرعىنداردى جەر استى سۋمەن جابدىقتاۋ كٶزدەرٸنە قوسۋ بويىنشا العاشقى اۋقىمدى جوبانى جٷزەگە اسىرۋ تۋرالى شەشٸم قابىلدادى.
قۇرىلىس جۇمىستارى 2023 جىلدىڭ مامىرىندا باستالدى. 6,9 مىڭ تەكشە مەترگە 5 رەزەرۆۋار, تەۋلٸگٸنە 7,3 مىڭ تەكشە مەترگە 3 ۇڭعىما سالىندى, 6,1 كم جاڭا ماگيسترالدىق جەلٸ سالىندى. سونداي-اق, قولدانىستاعى 8 ۇڭعىما قايتا جاڭارتىلىپ, جابدىقتارى اۋىستىرىلدى.
قوسىمشا قۇرىلىس جۇمىستارى اياقتالعاننان كەيٸن كٶلساي, مۇزتاۋ جەنە يۋبيلەينىي شاعىن اۋداندارىنا كەزەڭ-كەزەڭٸمەن سۋ بەرٸلەدٸ. سونىڭ نەتيجەسٸندە تٶرت شاعىن اۋداننىڭ 20 مىڭ تۇرعىنى تۇراقتى سۋمەن قامتاماسىز ەتٸلەدٸ.
