مامىر ايىندا قازاقستاننىڭ مەملەكەتتٸك شەكاراسىندا زاڭ بۇزعان 3881 ادام ۇستالدى, دەپ حابارلايدى dalanews.kz.
ولاردىڭ 1125-ٸ شەتەل ازاماتتارى. بۇل تۋرالى ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸ حابارلادى.
ۆەدومستۆو مەلٸمەتٸنشە, بٸر اي ٸشٸندە مەملەكەتتٸك شەكارا ارقىلى تاۋارلار مەن جٷكتەردٸ زاڭسىز ٶتكٸزۋدٸڭ 1180 فاكتٸسٸنٸڭ جولى كەسٸلگەن. سونىمەن قاتار 41 ەسٸرتكٸ تاسىمالداۋ جەنە قارۋ-جاراق پەن وق-دەرٸنٸ زاڭسىز الىپ ٶتۋدٸڭ 61 فاكتٸسٸ انىقتالعان.
تەكسەرۋ بارىسىندا ەكٸ اتىس قارۋى, 42 سۋىق قارۋ جەنە 118 وق-دەرٸ تەركٸلەندٸ.
سونداي-اق شەكاراشىلار جانار-جاعارماي ماتەريالدارىن زاڭسىز تاسىمالداۋدىڭ 406 دەرەگٸن انىقتادى. زاڭسىز ٶتكٸزٸلمەك بولعان جانار-جاعارمايدىڭ جالپى كٶلەمٸ 85 توننادان اسقان. بۇدان بٶلەك, حالىق تۇتىناتىن تاۋارلاردى زاڭسىز الىپ ٶتۋدٸڭ 526 فاكتٸسٸ تٸركەلٸپ, ولاردىڭ قۇنى 665 ميلليون تەڭگەدەن اسقانى بەلگٸلٸ بولدى.
شەكارا قىزمەتٸنٸڭ مەلٸمەتٸنشە, ۇلتتىق ۆاليۋتانى زاڭسىز تاسىمالداۋدىڭ 146 فاكتٸسٸ انىقتالىپ, جالپى سوماسى 1,5 ميلليارد تەڭگەگە جەتكەن.
كاسپيي تەڭٸزٸنٸڭ قازاقستاندىق بٶلٸگٸندە براكونەرلٸكپەن اينالىسۋدىڭ 12 فاكتٸسٸ توقتاتىلدى. زاڭسىز بالىق اۋلاۋ قۇرالدارى مەن بەكٸرە تۇقىمداس بالىقتار تەركٸلەنگەن.
ۆەدومستۆونىڭ باعالاۋىنشا, الدىن الىنعان جالپى شىعىن كٶلەمٸ 210 ميلليون تەڭگەدەن استى.
اتالعان فاكتٸلەر بويىنشا شەكارا قىزمەتٸ ٶز قۇزىرەتٸ اياسىندا 62 قىلمىستىق ٸس قوزعادى. قازٸرگٸ ۋاقىتتا تەرگەۋ امالدارى جٷرگٸزٸلۋدە. قالعان ماتەريالدار پروتسەسسۋالدىق شەشٸم قابىلداۋ ٷشٸن قۇقىق قورعاۋ جەنە سوت ورگاندارىنا جولدانعان.
