قازاقستاندا شەتەلدٸك ستۋدەنتتەر سانى تاريحي ماكسيمۋمعا جەتتٸ, ولاردىڭ تەڭ جارتىسىنان كٶبٸ الماتىنى تاڭداعان, دەپ حابارلايدى Dala News.
2025 جىلى ەلٸمٸزدە 35 مىڭنان استام شەتەلدٸك ستۋدەنت بٸلٸم الدى. بۇل 2024 جىلمەن سالىستىرعاندا 11 پايىزعا كٶپ. سولاردىڭ 18 مىڭنان استامى الماتىدا وقىپ جٷر. قالا بٷگٸندە قازاقستان عانا ەمەس, ورتالىق ازيياداعى باستى بٸلٸم ورتالىقتارىنىڭ بٸرٸنە اينالدى.
ساراپشىلاردىڭ ايتۋىنشا, جاستاردى مەگاپوليسكە تارتاتىن نەگٸزگٸ سەبەپتەر ايقىن. الماتىدا جەتەكشٸ ۋنيۆەرسيتەتتەر شوعىرلانعان, ينفراقۇرىلىم دامىعان, حالىقارالىق ورتا قالىپتاسقان. ەسٸرەسە ەل فارابي اتىنداعى قازۇۋ, اسفەنديياروۆ اتىنداعى قازۇمۋ, گۋميلەۆ اتىنداعى ەۇۋ جەنە سەتباەۆ اتىنداعى قازۇتزۋ شەتەلدٸك ستۋدەنتتەر ٷشٸن باستى باعىتقا اينالعان.
قازٸر قازاقستاندا 88 ەلدٸڭ جاستارى بٸلٸم الۋدا. نەگٸزگٸ اعىن ٷندٸستان, تٷرٸكمەنستان, ٶزبەكستان, قىتاي جەنە رەسەيدەن كەلەدٸ.
الايدا ٶسٸممەن قاتار, قالاعا تٷسەتٸن جٷكتەمە دە ارتىپ وتىر. الماتىدا بٷگٸندە 236 مىڭنان استام ستۋدەنت بار. بۇل كٶرسەتكٸش تۇرعىن سانىنا شاققاندا ٶڭٸردەگٸ ەڭ جوعارى دەڭگەيلەردٸڭ بٸرٸ.
مۇنداي شوعىرلانۋ بٸرقاتار مەسەلەگە الىپ كەلدٸ. پەتەر جالداۋ قىمباتتاپ, سۇرانىس كٷرت ٶستٸ. ۋنيۆەرسيتەت ماڭىنداعى اۋداندار مەن قوعامدىق كٶلٸك جەلٸلەرٸ شامادان تىس جٷكتەلدٸ. كٶشٸ-قون قىزمەتتەرٸ مەن ەلەۋمەتتٸك ينفراقۇرىلىمعا تٷسەتٸن سالماق تا كٶبەيگەن.
بٸلٸم سالاسىنىڭ ساراپشىلارى بۇل ٷردٸستٸ تەڭگەرۋ قاجەت ەكەنٸن ايتادى. حالىقارالىق تەجٸريبەدە ۋنيۆەرسيتەتتەردٸ ايماقتارعا شىعارۋ ارقىلى مەگاپوليستەردٸڭ جٷكتەمەسٸن ازايتۋ كەڭ قولدانىلىپ كەلەدٸ.
الماتى ماڭىندا دا مۇنداي ٷلگٸلەر بار. قاسكەلەڭدە اشىلعان New York Film Academy كامپۋسى مەن ەۋەجاي جانىنداعى ازاماتتىق اۆياتسييا اكادەميياسى ستۋدەنتتەردٸ قالا ورتالىعىنا شوعىرلاندىرماي-اق تارتۋعا بولاتىنىن كٶرسەتتٸ.
ماماندار مەملەكەت دەڭگەيٸندە بٸرنەشە باعىتتى ۇسىنادى: ٶڭٸرلەردە ۋنيۆەرسيتەت فيليالدارىن اشۋ, قاشىقتان جەنە گيبريدتٸ وقىتۋدى كەڭەيتۋ, ايماقتاردا كامپۋس سالاتىن وقۋ ورىندارىنا گرانت پەن سالىقتىق جەڭٸلدٸكتەر بەرۋ, ستۋدەنتتٸك قالاشىقتار مەن جاتاقحانالار سالۋ.
الماتى بٸلٸم ورتالىعى مەرتەبەسٸن ساقتايدى. الايدا قۋاتتى ٶڭٸرلٸك كامپۋستار قالىپتاسپايىنشا, مەگاپوليستەگٸ جٷكتەمە ازايمايدى. بٸلٸم بٸر قالادا عانا ەمەس, بٷكٸل ەل اۋماعىندا تەڭ دامۋى تيٸس.
