قالا اكىمى اۋداندى ارالاۋ كەزىندە 65 ورىنعا ەسەپتەلگەن قالالىق ريەۆماتولوگيالىق ورتالىقتا بولدى. مەدمەكەمەنىڭ باس دارىگەرى ا. كۇلەمبايەۆانىڭ ايتۋىنشا، الماتىدا ريەۆماتويدتى دەرتكە شالدىققان 11 مىڭعا جۋىق ادام بار ەكەن. سوندىقتان ولارعا ۋاقتىلى مەديسينالىق كومەك كورسەتۋ ءۇشىن مەديسينالىق مەكەمەنى كەڭەيتۋ قاجەت. جاعدايدى زەرتتەگەن باقىتجان ساعىنتايەۆ توسەك-ورىن سانىن 200-250-گە دەيىن ارتتىرۋ ءۇشىن ورتالىقتىڭ جاڭا كورپۋستارىن سالۋ جوباسىن ازىرلەۋدى تاپسىردى.
ال، ارداگەرلەرگە ارنالعان اۋىسىمىنا 500-گە دەيىن كەلۋشىنى قابىلدايتىن قالالىق ەمحانا عيماراتى كۇردەلى جوندەۋدى قاجەت ەتەدى.
ەمحاناعا 30 مىڭنان استام ادام بەكىتىلگەن. 1955 جىلى سالىنعان عيمارات 10 جىل بۇرىن جوندەلگەن. الماتى اكىمى باقىتجان ساعىنتايەۆتىڭ تاپسىرماسى بويىنشا ەمحانانى سەيسميكالىق نىعايتۋ جانە كۇردەلى جوندەۋدەن وتكىزۋ مۇمكىندىگى قاراستىرىلاتىن بولادى.
قالا اكىمى اۋداننىڭ ءبىلىم بەرۋ ينفراقۇرىلىمىنىڭ دامۋىمەن تانىستى. وقۋشىلار ورىندارىنىڭ تاپشىلىعىن ازايتۋ ماقساتىندا №34 مەكتەپ-گيمنازياسىنىڭ 600 ورىندى جاڭا كورپۋسى سالىنۋدا. سونىمەن قاتار، قابانباي باتىر كوشەسىنىڭ بويىندا جەكە ينۆەستور بۇرىن قۇرىلىسى توقتاعان نىسان نەگىزىندە 856 ورىندى دارىندى بالالارعا ارنالعان مەكتەپ سالىپ جاتىر. بالالاردىڭ دەنەشىنىقتىرۋىن دامىتۋ ءۇشىن ءمجا اياسىندا №128 مەكتەپ اۋماعىندا كوپفۋنكسيونالدى سپورت كەشەنى سالىنۋدا. بارلىعى 11 سپورت كەشەنى سالىنادى، ال مەكتەپ جانىنداعى قولدانىستاعى 33 سپورت الاڭى مودەرنيزاسيالانادى.
سونداي-اق، باقىتجان ساعىنتايەۆ DEPO Evolution Parkء-تىڭ قۇرىلىس بارىسىمەن تانىستى، مۇندا كرەاتيۆتى يندۋستريا جوبالارىن ىسكە اسىرۋعا ارنالعان الاڭ جاسالاتىن بولادى.
ماقاتايەۆ سكۆەرىندە قالا اكىمىنە «بۋككروسسينگ» كوشپەلى كىتاپحانا جوباسى تانىستىرىلدى، مۇندا اركىم كىتاپ الا الادى، وزىنىكىن قالدىرادى نەمەسە قالاعان باسىلىمىن وقۋعا الادى. اۋداننىڭ ساياباقتارى مەن سكۆەرلەرىندە وسىنداي 10 كىتاپحانا ورناتۋ جوسپارلانۋدا.
جۇمىس ساپارى بارىسىندا قالا اكىمىنە جەكە ينۆەستور ەسەبىنەن ماۋلەنوۆ كوشەسىن اباتتاندىرۋ جوبالارى كورسەتىلدى. ب. ساعىنتايەۆ سەيفۋللين داڭعىلىنداعى 450، 452، 452/1، جىبەك جولى كوشەسىنىڭ بۇرىشىنداعى اۋلالاردى رەكونسترۋكسيالاۋدىڭ بارىسىن قاراپ شىقتى. «بيۋدجەتكە قاتىسۋ» جوباسى اياسىندا اۋداندا اۋەزوۆ پەن ايتەكە بي كوشەلەرىنىڭ قيىلىسىنداعى ا. بايتۇرسىنوۆ اتىنداعى جانە «ارو» سكۆەرلەرى اباتتاندىرىلۋدا. ۆارلاموۆ كوشەسىندە جوبا اياسىندا سكەيت-پارك سالىندى.
