الماتى قالاسىنىڭ توتەنشە جاعدايلار دەپارتامەنتى جەر سىلكىنىسى كەزىندەگى ءىس-قيمىل داعدىلارىن الماتى سانيتارلىق-ەپيدەميولوگيالىق ساراپتاما جانە مونيتورينگى عىلىمي-پراكتيكالىق ورتالىعىنىڭ مەديسينالىق پەرسونالىنا كورنەكى تۇردە ءسىڭىردى،- دەپ حابارلايدى Dalanews.kz
ترەنينگ بارىسىندا دارىگەرلەرگە «حالىقتىڭ جەر سىلكىنىسىنە دەيىنگى، جەر سىلكىنىسى كەزىندە جانە ودان كەيىنگى ىس-ارەكەتتەرى»، «تج كەزىندە جينالاتىن ورىندار»، «قۇرىلىمدىق ەمەس سەيسميكالىق كۇشەيتۋ» جانە «زارداپ شەككەن حالىقتى قابىلداۋ پۋنكتتەرى» جەتكىزىلدى.
مەديسينا قىزمەتكەرلەرىنىڭ جەر استى دۇمپۋلەرى كەزىندە قايدا پانالاۋعا بولاتىنى، حالىقتى اقپاراتتاندىرۋ جانە حاباردار ەتۋ قالاي جۇرگىزىلەتىنى تۋرالى تولعاندىراتىن سۇراقتارىنا الماتى قۇتقارۋشىلارى تولىق جانە لوگيكالىق جاۋاپتار بەردى.
توتەنشە جاعدايلارداعى ءتارتىپ ەرەجەلەرى تۋرالى حالىقتىڭ حاباردارلىعىن ارتتىرۋ ازاماتتىق قورعاۋ ورگاندارى قىزمەتىنىڭ باسىم باعىتى بولىپ تابىلادى.
