پاريجدەگٸ حالىقارالىق ساۋدا پالاتاسى جانىنداعى حالىقارالىق تٶرەلٸك سوتى الماتى – قورعاس جولىن سالۋ ٸسٸ بويىنشا قازاقستاننىڭ پايداسىنا ساي وڭ شەشٸم شىعاردى. بۇل تۋرالى بٷگٸن قر ەدٸلەت مينيسترلٸگٸ حابارلادى, دەپ جازادى Dalanews.kz.
"2020 جىلعى 15 مامىرداعى "Todini Impregilo Kazakhdorstroy" بٸرلەسكەن كەسٸپورىن شەڭبەرٸندە جۇمىس ٸستەيتٸن Todini Costruzioni Generali S.p.A., WeBuild S.p.A. جەنە "كازاحدورستروي" جشس كومپانييالارىنان تۇراتىن بٸرلەسكەن كەسٸپورىن حالىقارالىق ساۋدا پالاتاسى (ICC) جانىنداعى حالىقارالىق تٶرەلٸك سوتقا جٷگٸنٸپ, قازاقستان رەسپۋبليكاسىنداعى الماتى – قورعاس اۆتوجولىن سالۋ جوباسى بويىنشا داۋلارعا بايلانىستى قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ اۆتوموبيل جولدارى كوميتەتٸنە قارسى تٶرەلٸكپەن ارىزداندى", دەلٸنگەن حابارلامادا.
ٸستٸ قاراۋ شەڭبەرٸندە شەتەلدٸك كومپانييا اۆتوموبيل جولدارى كوميتەتٸ ٷستٸنەن قۇرىلىس مەرزٸمدەرٸن ۇزارتۋعا, كەدەندٸك باجدار مەن سالىقتاردى تٶلەۋگە, تەڭگەنٸڭ ينفلياتسيياسىنا, قۇنىنىڭ ٶزگەرۋٸنە, سۋ ٶتكٸزگٸش ترۋبالاردى قايتا تولتىرۋعا, جول پايدالانۋ پۋنكتٸنٸڭ قۇرىلىسىن توقتاتۋعا جەنە قارجىلىق شىعىندارعا بايلانىستى شىعىستاردى قوسا العاندا, جالپى سوماسى شامامەن 50 ميلليون اقش دوللارى كٶلەمٸندە شاعىم تٷسٸردٸ.
2025 جىلعى 14 سەۋٸردە پاريجدەگٸ ICC حالىقارالىق تٶرەلٸك سوتىندا قۇرىلعان تريبۋنال اۆتوموبيل جولدارى كوميتەتٸ پايداسىنا تٷپكٸلٸكتٸ شەشٸم شىعاردى. شەتەلدٸك كومپانييانىڭ بارلىق تالاپتارى تولىعىمەن قابىلدانبادى.
سونىمەن قاتار, تريبۋنال قازاقستاندىق اۆتوموبيل جولدارى كوميتەتٸنٸڭ قارسى تالابىن قاناعاتتاندىرىپ, شەتەلدٸك كومپانيياعا جۇمىس مەرزٸمٸن ۇزارتقانى ٷشٸن ٶتەماقى رەتٸندە بۇرىن تٶلەنگەن سومانى قايتارۋعا مٸندەتتەدٸ.
"وسى ٸستٸ اۆتوموبيل جولدارى كوميتەتٸنٸڭ ٶكٸلدٸگٸ مەن مٷددەلەرٸن قورعاۋدى قازاقستان رەسپۋبليكاسىنىڭ ەدٸلەت مينيسترلٸگٸ جٷزەگە اسىردى. كونسۋلتانت رەتٸندە Curtis, Mallet-Prevost, Colt & Mosle LLP حالىقارالىق زاڭ فيرماسى تارتىلدى", دەلٸنگەن حابارلامادا.
