جاز ماۋسىمى - مەكتەپ وقۋشىلارى ءۇشىن ەرەكشە ىقىلاسپەن كۇتىلەتىن ۋاقىت. جىل بويى ساباق بارىسىندا توقسان اراسىنداعى بەرىلەتىن كۇندەر دەمالىس بولىپ ەسەپتەلگەنىمەن، جاز كەزىندەي دەمالىستىڭ مول مۇمكىندىگىن بەرە المايدى. كەي وقۋشىلار اۋىلعا اتا-اجەلەرىنە اسىعىپ جاتسا، ەندى ءبىرى كەرىسىنشە دەمالىسىن قالادا وتكىزگىسى كەلەدى. الماتى قالاسىنا قىدىرىپ كەلگەن وقىرماندارىمىزعا كەڭەس ايتا كەتۋدى ءجون كورىپ وتىرمىز.



ق ر تۇڭعىش پرەزيدەنتى اتىنداعى ساياباق الماتى قالاسى بوستاندىق اۋدانىنىڭ ناۆوي جانە ءال-فارابي كوشەلەر قيىلىسىندا ورنالاسقان. دەندروپاكتىڭ جالپى اۋماعى 73 گا قۇرايدى. ونىڭ قۇرىلىسى باستالعان 2001 جىلدان باستاپ جوسپارلانعان ەلەمەنتتەر - اللەيا، بۋلۆارلار مەن دەندرارلىق ۋچاسكەلەرىنىڭ قۇرىلىسى جانە دەندرارلىق جوسپار بويىنشا جاسىل جەلەك وتىرعىزۋ جۇمىسى جۇرگىزىلدى. ساياباق اۋماعىندا 2001 جىلى ق ر ءبىرىنشى پرەزيدەنتى ن.نازاربايەۆتىڭ ءوز قولىمەن وتىرعىزعان ەمەن اعاشى ءوسىپ تۇر.



2011 جىلى 11 قاراشادا قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالعان «قازاقستان» مونۋمەنتالدى-ساۋلەت كومپازيسياسىنىڭ اشىلۋ سالتاناتى بولدى. ەسكەرتكىش قولا، گرانيت جانە ءمارمار تاستان بۇركىت تارىزدەس قۇيىلعان. ەسكەرتكىش ورتاسىندا ءبىرىنشى پرەزيدەنت بەينەسى كەسكىندەلگەن. ال بۇركىتتىڭ قاناتىندا الماتى جانە استانا قالاسىنىڭ سيمۆولى ورىن العان. ەسكەرتكىشتە ەلىمىزدىڭ تاريحي جانە ساۋلەت ونەرىنىڭ ماڭىزدى بەينەلەرى كورسەتىلگەن.



كوكتوبە – قازاقستاننىڭ ەڭ كورىكتى ءارى تاڭعاجايىپ ورىندارىنىڭ ءبىرى. قالانىڭ ەڭ بيىك نۇكتەسى – كوكتوبە تەڭىز دەڭگەيىنەن 1100 مەتر جوعارى. اسپالى جولمەن اۋە ترامۆايى ارقىلى كوتەرىلىپ، سىزدەر تاۋلاردىڭ كورىنىسىنەن ءلاززات الۋ مۇمكىندىگىنە يە بولاسىز. بيىكتىكتەن تاۋلار مەن قالانىڭ كەرەمەت كورىنىسى الاقانداعىداي كورىنەدى.



اسىرەسە بۇل جەر تۇندە، قالا ءارالۋان ءتۇستى جارىقتارعا تولعان مەزگىلدە، ايرىقشا اسەمدىككە بولەنەدى. كوكتوبە تاۋلاردان العان ايرىقشا اسەر تازا اۋا مەن بوستاندىقتى سەزىنۋ عانا ەمەس، سونىمەن قاتار بۇل دوستاردىڭ كەزدەسەتىن، عاشىقتاردىڭ سەرۋەندەيتىن، بالا-شاعامەن قوسىلىپ، بىرگە قىدىرىپ، دەمالاتىن جاي عانا ۋاقىتتى جاقسى وتكىزەتىن ورىن.



كوكتوبە اۋماعىندا شاعىن زووباق، «Fast Coaster» امەريكالىق توبەشىكتەرى، جارتاسقا ورمەلەۋ الاڭى «كيىز ءۇي» مەيرامحاناسى، كونسەرت زالى جانە وزگەدە نىساندار ورنالاسقان. ادەمى اتكەنشەكتەرى دە بالالار قۋانىشىنا اينالعان. كوكتوبەگە كەشكى ۋاقىتتاردا كەلسەڭىز ەرەكشە كۇيگە ەنەسىز.



سيرك ونەرى اسقان ەپتىلىك پەن كۇشتىلىككە نەگىزدەلگەن پانتوميمالىق ويىن-ساۋىقتار مەن كلوۋننىڭ كۇلكىلى ءازىل-اجۋالارىن (كلوۋنادا، اكروباتيكا، گيمناستيكا، شاباندوزدىق جانە جونگلەرلىك ونەر، ەكۆيليبريستيكا، مۋز. ەكسەنتريكا، يلليۋزيونيزم، ت.ب.) قامتيدى. ادەتتە سيرك ويىن-ساۋىعى الۋان ءتۇرلى تريۋكتەر مەن ەكسەنتريكاعا نەگىزدەلگەن نومىرلەردەن تۇرادى. قالامىزداعى سيرك قۇرىلىپ، ءوز جۇمىسىن باستاعان.



قالالىق جەرلەردەگى كوپشىلىكتىڭ جۇمىستان بوس ۋاقىتتا تازا اۋادا تىنىعىپ، دەمالۋىنا جانە كوڭىل كوتەرۋىنە ارنالعان باقتار. ولار ادەتتە، قالانىڭ كولدى، بوگەندى، كوك مايسا كوركەم جەرلەرىندە ۇيىمداستىرىلادى. سولاردىڭ ءبىرى ورتالىق دەمالىس ساياباعى كەلۋششىلەر سانى كۇن ساناپ ارتۋدا.



ساياباق ىشىندە كافە، اسحانا، كينوتەاتر، اشىق ساحنا، سپورت الاڭى، بالالار الاڭى، ءتۇرلى اتتراكسيوندار، كومپيۋتەرلەنگەن قىزىقتى ويىن اۆتوماتتارىنىڭ پاۆيلوندارى، بي الاڭدارى، اشىق ەسترادالار، لەكتورييلەر، ت.ب. مادەني-كوپشىلىك ورىندار جۇمىس ىستەيدى.



وسىنداي ءىرى ساياباقتاردا مەرەكەلىك سەرۋەندەر، ونەرپازدار بايقاۋى، كورمەلەر، دارىستەر، اڭگىمە-كەڭەستەر، ءتۇرلى سيپاتتاعى كەزدەسۋلەر، ت.ب. جۇرگىزىلەدى. مىنەكەي بۇگىن ونەرپازدارىمىز كەلگەن قوناقتارعا كوڭىل-كۇي سىيلاپ ءان شىرقاۋدا.



جاقسى كوڭىل-كۇيدى تەك انشىلەر عانا ەمەس، مىنا اتتار دا سىيلايتىن ءتارىزدى. ولار ءار كۇن سايىن 50 شاقتى قوناقتى ساياباق ىشىمەن تانىستىراپ شىعادى.



سۋدى، قايىقپەن، كاتامارانمەن جۇزگەندى ۇناتاتىن قىدىرۋشىلارعا ارنالعان شاعىن كولشىك تە بار. بۇل ساياباق كوپتەگەن عاشىقتاردىڭ باسىن قوسقان جانە كەزدەسەتىن كيەلى ورنى دەسە دە بولادى.



رەسپۋبليكا الاڭىنا بارعانىڭىز دا ءجون. تالاي تاريحتىڭ تامىرى جاتقان بۇل الاڭعا تاعزىم ەتپەي وتپەڭىز.



قازاقتىڭ قولدانبالى ونەرىنەن تامىر تارتقان تاۋەلسىزدىك مونۋمەنتىنىڭ نەگىزگى ورتاسىندا كومپوزيسياسى ۇلتتىق ورنەكپەن كومكەرىلگەن تەكشەلى دىڭگەك تاستان قۇرالىپ، ونىڭ بيىكتىگى 28 م-گە جەتەدى. كوك اسپانعا قاراي شانشىلا بوي كوتەرگەن ورتالىق دىڭگەكتىڭ ۇشار باسى قاۋىزى اشىلماعان قىزعالداق ءتارىزدى جۇمىرلانىپ مۇسىندەلگەن ءارى وعان قازاقستاننىڭ ەلتاڭباسى ويىلىپ تۇسىرىلگەن.



تاعى ءبىر تاريحىمىز ۇلى وتان سوعىسى جىلدارىندا ماسكەۋدى ەرلىكپەن قورعاعان قازاقستاندىق جاۋىنگەرلەر. 1941 ج. 15 قاراشادا گەرمانيا اسكەرلەرى 51 ديۆيزيامەن ماسكەۋگە ەكىنشى "نەگىزگى شەشۋشى شابۋىلدى" باستاعان "جيىرما سەگىز گۆاردياشى پانفيلوۆشىلار" پاركى قوناقتارىن زور ىقىلاسپەن قارسى الادى.



وسىنداي تەرەڭ تاريحى بار جەرلەردى قىدىرىپ جۇرگەن بالالاردىڭ بولاشاعىنان كۇتەر ءۇمىتىمىز كوپ. سىزگە دە كەلۋگە كەڭەس بەرەمىز.



الماتىنىڭ قاي جەرىنە بارساڭىز دا، قانداي قىزىق كورسەڭىز دە وسىلاي فوتواپپاراتقا ءتۇسىرىپ ءجۇرۋدى ۇمىتپاڭىز. ساپارىڭىز ءساتتى بولسىن!!!

دەرەككوز: massaget.kz