قالا اكىمىنىڭ ورىنباسارى ەرجان باباقۇماروۆ شاھار باسشىسى باقىتجان ساعىنتايەۆتىڭ اتىنان ارداگەرلەرگە تاۋەلسىزدىكتىڭ 30 جىلدىق كەزەڭىندە قالانىڭ دامۋىنا قوسقان زور ۇلەسى ءۇشىن العىس ايتىپ، دەنساۋلىق پەن باق-بەرەكە تىلەدى.
جيىن بارىسىندا اعىمداعى جىلى اتقارىلعان جۇمىستار قورىتىندىلاندى. 2016 جىلعى 1 ساۋىردە وتكەن IX كونفەرەنسيادان بەرگى بەس جىل ۋاقىت ىشىندە الماتىنىڭ ارداگەرلەر ۇيىمى 25 مىڭ ادامعا كوبەيدى. بۇگىندە قالادا 232 مىڭعا جۋىق زەينەتكەر تۇرادى. بيىل قالا بويىنشا الەۋمەتتىك قولداۋعا 25 ملرد تەڭگە ءبولىنىپ، 124 مىڭ ادام قامتىلعان. سونىمەن قاتار، ەڭبەك ۇجىمدارى مەن دەمەۋشىلەر 52 مىڭ سوعىس جانە ەڭبەك ارداگەرلەرىنە 200 ملن تەڭگە سوماسىنا ءتۇرلى الەۋمەتتىك قولداۋ كورسەتتى.
– قالادا 9 بەلسەندى ۇزاق ءومىر ءسۇرۋ ورتالىعى جۇمىس ىستەيدى، ولارعا 25 مىڭ قارت ادام بارادى. بەلسەندى ۇزاق ءومىر ءسۇرۋ ورتالىقتارىندا، سكۆەرلەردە، ساياباقتاردا، سپورت الاڭدارىندا ءتۇرلى سپورتتىق-ساۋىقتىرۋ ءىس-شارالارى وتكىزىلەدى. جىل سايىن سپورتتىق ءىس-شارالارعا 3 مىڭنان استام زەينەتكەر قاتىسادى، ولار شاحمات، دويبى، توعىز قۇمالاق، تەننيس، بيلليارد، بوۋلينگ، اتىس بويىنشا جارىستار. بارلىق جەردە سكانديناۆيالىق ءجۇرىس، يوگا، ايكۋن جانە باسقا دا ساۋىقتىرۋ شارالارى بويىنشا ساباقتار وتكىزىلەدى. الماتىداعى ارداگەرلەر ۇيىمدارى ۇنەمى وقيعا ورتاسىندا بولىپ، ءارى قاراي قالانىڭ قوعامدىق ومىرىنە بەلسەندى، تىكەلەي قاتىساتىن بولادى. وسكەلەڭ ۇرپاققا ءاردايىم ۇلگى كورسەتەتىن قاريالارىمىز بار، – دەدى ءوز سوزىندە الماتى قالالىق ارداگەرلەر كەڭەسىنىڭ ءتوراعاسى اقان بيجانوۆ.
كونفەرەنسياعا قاتىسۋشىلار ارداگەرلەر ۇيىمىنىڭ بيىلعى اتقارىلعان قىزمەتتەرىن پىسىقتاپ، الداعى كەزەڭگە ارنالعان مىندەتتەردى بەلگىلەدى.
ليديا كوچەتوۆا، سوسياليستىك ەڭبەك ەرى:
– قازىرگى ۋاقىتتا پاندەمياعا قاراماستان، مەملەكەت باسشىسى قاسىم-جومارت توقايەۆ كەزەكتى جولداۋىندا ءبىزدىڭ الدىمىزعا ناقتى مىندەتتەر قويدى. كوپتى كورگەن، تاجىريبەلى ارداگەرلەر جاستارعا رۋحاني، ادامگەرشىلىك تاربيە بەرۋدە ۇرپاقتار ەستافەتاسىنىڭ جولسەرىكتەرى. ءبىز ءارقاشان ق ر پرەزيدەنتىنىڭ ساياساتىن قولدايمىز. اكىمدىك، قوعامدىق ۇيىمدار، ءماسليحات دەپۋتاتتارى قالا ارداگەرلەرىنە قامقورلىق جاساۋدى جالعاستىرۋدا. اۋەزوۆ اۋدانىندا 46 مىڭنان استام زەينەتكەر تۇرادى، ونىڭ ىشىندە 19 ۇوس مۇگەدەكتەرى مەن قاتىسۋشىلارى، 2000 ەڭبەك مايدانىنىڭ قاتىسۋشىلارى، 9 فاشيستىك لاگەرلەردىڭ تۇتقىندارى، 9 لەنينگراد قورشاۋىنىڭ قاتىسۋشىلارى، 2 سوسياليستىك ەڭبەك ەرى بار. قازىرگى ۋاقىتتا ارداگەرلەر جاستارمەن بىرگە ەلدىڭ ەكونوميكالىق جانە رۋحاني جاڭعىرۋىن جالعاستىرۋدا. ەلىمىزدىڭ ءال-اۋقاتىن جاقسارتۋ ءۇشىن جولداۋدىڭ بارلىق مىندەتتەرىن بەلسەندى تۇردە جۇزەگە اسىراتىن بولامىز. ارداگەرلەر ۇيىمدارىنىڭ باستى ماقساتى – زەينەتكەرلەردىڭ قۇقىقتارى مەن مۇددەلەرىن قورعاۋ، قوزعالىستىڭ بىرلىگىن نىعايتۋ.
ءوز كەزەگىندە سوسياليستىك ەڭبەك ەرى ۆەرا سيدوروۆا:
– بۇگىن تاريحي ماڭىزى بار وقيعا ورىن الىپ وتىر. ياعني، رەسپۋبليكانىڭ ارداگەرلەر ۇيىمى دۇنيەگە كەلگەن ساتتەن باستاپ 35 جىل ۋاقىت ءوتتى. بۇگىن قالانىڭ ارداگەرلەر كەڭەسىنىڭ كوپتەگەن مۇشەلەرى كوپتەگەن الەۋمەتتىك ماسەللەردى تالقىلاپ، ەكونوميكالىق بەلسەندى دامۋعا قاتىستى ءبىرقاتار ويلار ايتىلدى. پلەنۋم وتە جاقسى ءوتتى. بارلىق ارداگەرلەر قارتتار ءومىرىنىڭ پروبلەمالارىن جاقسى بىلەدى دەسەك بولادى. كەزىندە زەينەتاقى مەن جالاقىلارىن قىسقارتىپ تاستاعان قىزمەتكەرلەر ارداگەرلەردەن كەلىپ كومەك سۇرايتىن. قالانىڭ ارداگەرلەر ۇيىمى ولاردىڭ بارلىق ماسەلەلەرىن شەشۋگە بەلسەندى قاتىستى. ءقازىر دە رەسپۋبليكا الدىندا مىندەتتەر وتە كوپ. مەن پرەزيدەنتىمىز قاسىم-جومارت توقايەۆتى وتە قۇرمەتتەيمىن، ول ديپلومات، جوعارى ءبىلىمدى ادام. ول حالىق پەن ارداگەرلەردىڭ ءومىرىن جاقسارتۋ ءۇشىن بارلىعىن جاسايدى. ءبىزدىڭ مىندەتىمىز – زەينەتكەرلەردىڭ ومىرىنە قامقورلىق جاساۋ عانا ەمەس، سونىمەن قاتار مەملەكەتىمىزدىڭ تۇتاستىعىنا قامقورلىق جاساۋ. مەنىڭ ويىمشا، ءبىزدىڭ حالىق پاندەميانى جەڭەدى. بارلىعىڭىزعا باقىت تىلەيمىن جانە ءبىزدىڭ رەسپۋبليكامىز كەڭەس وداعىنىڭ بۇرىنعى وداقتاس رەسپۋبليكالارى اراسىندا كوشباسشى بولسىن. بۇل ءۇشىن بارلىق مۇمكىندىكتەر بار. ارداگەرلەر ۇيىمى مەملەكەت باسشىسى قويعان بارلىق مىندەتتەردى ىسكە اسىرۋ ءۇشىن ءوزىنىڭ اقىل-كەڭەسىن، ويىن، تاجىريبەسىن، ۇيىمداستىرۋشىلىق قابىلەتىن بولىسۋگە دايىن.
كونفەرەنسيادا المالى اۋداندىق ارداگەرلەر كەڭەسىنىڭ ءتوراعاسى جاقسىلىق ءامىرحانوۆ ءوز ويىن بىلايشا جەتكىزدى:
– اۋدانىمىزدىڭ ارداگەرلەر كەڭەسىنىڭ باستى مىندەتتەرىنىڭ ءبىرى – جاس ۇرپاقتى تاربيەلەۋ، وتانعا دەگەن سۇيىسپەنشىلىككە باۋلۋ، ەڭبەكسۇيگىشتىككە ۇيرەتۋ جانە مەملەكەتىمىزدىڭ دامۋىنا ءوز ۇلەسىن قوسۋ. جاستار – ءبىزدىڭ بولاشاعىمىز، ولار حالقىمىزدىڭ قۇندىلىقتارىن ساقتاۋعا ءتيىس. ارداگەرلەر قالانىڭ قوعامدىق ومىرىنە بەلسەندى قاتىسادى. بارلىق ارداگەرلەر مەن زەينەتكەرلەرگە ازىق-تۇلىك سەبەتتەرى جانە قايىرىمدىلىق كومەك تۇرىندە قولداۋ كورسەتىلەدى. ءبىز مەديسينالىق، تۇرعىن ءۇي، كوممۋنالدىق قىزمەتتەردى جاقسارتۋ بويىنشا ۇسىنىستار ەنگىزەمىز، سونداي-اق زەينەتكەرلەردى قورعاۋ جانە قولداۋ ماسەلەلەرى شەشىلەدى. سونىمەن قاتار، اعا بۋىننىڭ ءومىرىن جاقسارتۋ ءۇشىن ماڭىزدى مىندەتتەردى شەشۋ بويىنشا تۇراقتى تۇردە كەزدەسۋلەر وتكىزىلەدى، – دەدى ارداگەر.
ال «داڭق» وردەنىنىڭ يەگەرى سابيرا اۋەلبايەۆا:
– بۇگىن وتىرىستا قالانىڭ ارداگەرلەر ۇيىمدارىنىڭ اتقارعان جۇمىستارى تۋرالى ەسەپتەر تىڭدالدى. ءار اۋدانداعى ارداگەرلەر كەڭەسى زەينەتكەرلەردىڭ ومىرىنە قامقورلىق جاسايدى، الەۋمەتتىك قىزمەتكەرلەردى ۇسىنادى، ۇيىرمەلەرگە شاقىرادى. مەن ناۋرىزباي اۋدانىندا، قالانىڭ ەڭ جاس بولىگىندە تۇرامىن. ءبىز اكىمدىكپەن بىرلەسىپ جۇمىس ىستەيمىز، جەرگىلىكتى ارداگەرلەر مەن زەينەتكەرلەرگە يدەولوگيالىق، اعارتۋشىلىق، قايىرىمدىلىق كومەك پەن قولداۋدى جالعاستىرامىز، قارتتاردى اۋداننىڭ قوعامدىق ومىرىنە تارتاتىن بولامىز. ءبىز ءومىر ءسۇرۋ دەڭگەيى مەن ءال-اۋقاتىن كوتەرۋىمىز كەرەك، ءوز ەلىمىزدىڭ پاتريوتى بولۋىمىز كەرەك جانە ەل يگىلىگى ءۇشىن قولىمىزدان كەلگەننىڭ ءبارىن جاساۋىمىز كەرەك، – دەپ ويىن ورتاعا سالدى.
كونفەرەنسيا قورىتىندىسى بويىنشا قازاقستان ارداگەرلەر ۇيىمىنىڭ VIII سەزىنە دەلەگاتتار سايلاندى. ارداگەرلەر ۇيىمىنىڭ ورتالىق كەڭەسى بەكىتكەن كۆوتا بويىنشا كەلەسى دەلەگاتتارعا داۋىس بەرىلدى:
- ىزمۇحانبەتوۆ باقتىقوجا سالاحاتدين ۇلى، «ق ر ارداگەرلەر ۇيىمى» رقب ورتالىق كەڭەسىنىڭ ءتوراعاسى؛
- بيجانوۆ اقان قۇسايىن ۇلى، الماتى قالالىق ارداگەرلەر كەڭەسىنىڭ ءتوراعاسى؛
- ءامىرحانوۆ جاقسىلىق نۇرتازى ۇلى، المالى اۋداندىق ارداگەرلەر كەڭەسىنىڭ ءتوراعاسى؛
- قابدولدين قۇدايبەرگەن نازار ۇلى، الاتاۋ اۋداندىق ارداگەرلەر كەڭەسىنىڭ ءتوراعاسى؛
- يبرايەۆا باتيما ساپييەۆنا، اۋەزوۆ اۋداندىق ارداگەرلەر كەڭەسىنىڭ ءتوراعاسى؛
- سيدوروۆا ۆەرا ۆاسيليەۆنا، سوسياليستىك ەڭبەك ەرى؛
- اۋەلبايەۆا سابيرا قيساي قىزى، «داڭق» وردەندەرىنىڭ يەگەرى؛
- توكپاكبايەۆ سات بەسىمباي ۇلى، ق ر مەملەكەتتىك قايراتكەرى، گەنەرال-لەيتەنانت، ارداگەرلەر قوزعالىسىنىڭ بەلسەندىسى؛
- ۆلاديمير نيكولايەۆيچ ۋستيۋگوۆ، قالانىڭ ارداگەرلەر قوزعالىسىنىڭ بەلسەندىسى.
