كەزدەسۋ بارىسىندا وبلىس اكىمى اماندىق باتالوۆ وبلىستا ينۆەستيسيا تارتۋ باعىتىندا اتقارىلىپ جاتقان جۇمىستارعا قىسقاشا توقتالىپ ءوتتى. «قورعاس» حشىو مەن «قورعاس – شىعىس قاقپاسى» اەا بازاسىندا، ءوڭىردىڭ اۋدان، قالالارىندا قۇرىلعان يندۋستريالدى ايماقتار مەن ونەركاسىپ الاڭدارىنا ينۆەستيسيالىق جوبالاردى ورنالاستىرۋ مۇمكىندىكتەرى جايلى ايتىپ بەردى.
- الماتى وبلىسى - ينۆەستيسيالىق جاعىنان تارتىمدى ايماق. بۇل ونىڭ اۋماقتىق ءارى تابيعي-كليماتتىق تۇرعىداعى ەرەكشەلىگىنە بايلانىستى، سونىمەن قاتار كولىك دالىزدەرىن دامىتۋ جانە ينۆەستيسيا تارتۋعا جاسالعان جاعدايلار مەن ءىس-شارالاردىڭ ناتيجەسى. ينۆەستورلارمەن جۇرگىزىلگەن جۇمىستىڭ ارقاسىندا وتكەن جىلدىڭ وزىندە 25 مىڭ جۇمىس ورنى اشىلدى، - دەدى ا. باتالوۆ.
مۇنان سوڭ «KAZAKH INVEST» ۇك» اق قىزمەتىنىڭ جانە وڭىرلىك ديرەكتورلار كەڭەسىنىڭ جەرگىلىكتى اتقارۋشى ورگاندارمەن ءوزارا قارىم-قاتىناس جۇيەسىنىڭ تانىستىرىلىمىن اكسيونەرلىك قوعامنىڭ باسقارما ءتوراعاسىنىڭ ورىنباسارى ءبىرجان قانەشيەۆ باياندادى. ونىڭ ايتۋىنشا، «KAZAKH INVEST» ۇك» اق مەملەكەت باسشىسىنىڭ تاپسىرماسى بويىنشا قازاقستان رەسپۋبليكاسى ۇكىمەتىنىڭ قاۋلىسىمەن قازاقستان رەسپۋبليكاسىنا شەتەلدىك ينۆەستورلاردى تارتۋ جونىندەگى وپەراتور رەتىندە قۇرىلعان. كومپانيانىڭ باستى مىندەتتەرىنىڭ ءبىرى – وڭىرلىك ينۆەستيسيا كارتاسىن قالىپتاستىرۋ، ءاربىر ايماقتىڭ سپەسيفيكالىق ەرەكشەلىكتەرىن ەسەپكە الا وتىرىپ، ينۆەستورلارمەن جەكە جۇمىس جۇرگىزۋ ەكەنىن دە اتاپ ءوتتى. وسى ماقساتتا تالدىقورعان قالاسىندا جەرگىلىكتى جەرلەردەگى ينۆەستورلارمەن جۇمىس ىستەۋ ءۇشىن كومپانيانىڭ وكىلدىگى اشىلماق.
جيىندى قورىتىندىلاعان وبلىس اكىمى ا. باتالوۆ الماتى وبلىسى «KAZAKH INVEST» ۇك» اق وكىلدەرىمەن بىرلەسە وتىرىپ مەملەكەت باسشىسىنىڭ ماڭىزدى تاپسىرمالارىنىڭ ءبىرى ينۆەستيسيا تارتۋدا ايتۋلى ناتيجەلەرگە قول جەتكىزەتىندىكتەرىنە سەنىم ءبىلدىردى.
وسى كۇنى رەسمي دەلەگاسيا الماتى وبلىسىنا جاساعان ساپارى بارىسىندا ينۆەستورلارمەن كەزدەسىپ، الماتى وبلىستىق ايماقتىق دامۋ ورتالىعىنىڭ، «جەتىسۋ» اكك» اق، تالدىقورعان قالاسىنداعى حقو جانىنداعى ينۆەستورلارعا قىزمەت كورسەتۋ ورتالىعىنىڭ جۇمىسىمەن تانىستى، سول سياقتى «تالدىقورعان» يندۋستريالدى ايماعىندا بولدى.
جالپى، قازىرگى كەزدە ايماقتا جالپى ينۆەستيسيا كولەمى 530،9 ملرد. تەڭگە بولاتىن، 10 مىڭ جۇمىس ورنىن قۇرۋعا مۇمكىندىك بەرەتىن 63 ينۆەستيسيالىق جوبا جۇزەگە اسىرىلۋدا. بۇلاردىڭ قاتارىندا «ماريەۆەن فۋد تيان-شان» ج ش س، «لۋكويل لۋبريكانتس ورتالىق ازيا» ج ش س، «Nemish Pharma» ج ش س، «باۋمان» ج ش س، «Farm Frites» ج ش س سياقتى ءىرى ترانسۇلتتىق كومپانيالاردىڭ قاتىسۋىمەن جۇزەگە اسىرىلاتىن 9 جوبا بار.
