ولاردىڭ ىشىندە الماتى وبلىستىق ارداگەرلەر كەڭەسى القاسىنىڭ ءتوراعاسى ەرمەك كەلەمسەيىت تە بار. ول ءوز كەزەگىندە " ەركە ەسىلدىڭ جاعاسىندا بوي كوتەرگەن باس قالا بارشانىڭ تاڭدانىسىن جاسىرۋىنا مۇمكىندىك بەرمەگەن ساۋلەتى كەلىسكەن شاھار. بۇگىندە نۇر-سۇلتان قالاسى وتانىمىزدىڭ جۇرەگىنە اينالدى.
وسىنداي كوركەم قالانىڭ سارىارقانىڭ سايىن دالاسىنان ورىن تەبۋىنە ەلباسى نۇرسۇلتان ءابىش ۇلى مۇرىندىق بولعان ەدى. تۋعان ەلىمىزدىڭ استاناسى ەتىپ بەكىتكەندە نۇر اعا بولاتىن. بۇل سول كەزدەگى تاريحي شەشىم ەكەنى داۋسىز. تالايلار تارتىنشاقتاعانىمەن تاۋەكەلگە بەل بايلايدى. ونىسى ناتيجەلى بولا ءبىلدى. وسىدان-اق، نۇرسۇلتان نازاربايەۆتىڭ تاباندىلىعى ساياسات ساحناسىنداعى تالاي ساڭلاقتاردان وق بويى وزىق تۇراتىندىعىن، ەلى ءۇشىن دۇرىس جول تاڭداپ، وڭتايلى شەشىم قابىلداي الاتىنىن اڭعارۋ قيىن ەمەس. ءالى تۇساۋى كەسىلىپ، كۇرمەۋى شەشىلمەگەن كەشەگى شاعىن مەملەكەتتى الەمدىك دەڭگەيگە جەتكىزۋدە ءابىشتىڭ ۇلىنىڭ ەڭبەگى وراسان زور. ءبىز ەل تاريحىندا سونداي كەمەڭگەر تۇلعانىڭ ۇلتتىڭ كوشىن العا سۇيرەگەنىنە ءدان ريزامىز، جانە دە تەمىرقازىعىنان اجىراماعان حالىق رەتىندە باقىتتىمىز. قوس مەرەكە ەلدىڭ قۋانىشى، ولاي بولسا قۋانىشتارىڭىز ۇزاق تا قۇتتى بولعاي!"-دەپ اقجارما تىلەگىن جەتكىزدى.
تۇڭعىش پرەزيدەنتتىڭ ەڭبەك جولىنداعى يگى ىستەرى مەن ۇلتىنىڭ الدىنداعى پەرزەنتتىك پارىزىن ادال اتقارعاندىعى تۋرالى الماتى وبلىسى دەنە شىنىقتىرۋ جانە سپورت باسقارماسىنىڭ باسشىسى نۇرباقىت تەڭىزبايەۆ تا وي تولعادى.
"بۇگىن بار قازاققا ورتاق توي. ءبىرى، ساۋلەتتى استانامىز اراعا جىل سالىپ ءبىر جاسقا تولىقتى، ەكىنشىسى، ەلباسى نۇرسۇلتان ءابىش ۇلىنىڭ مەرەيلى مەرەيتويى. التى الاشىمدى اتاۋلى كۇنمەن قۇتتىقتايمىن. ءار قاشاندا ەڭسەمىز تىك بولسىن. اجارلى استانامىز سىندى اسەم، ەلباسى سياقتى دارا بولۋعا لايىقسىزدار. نە سەبەپتى "دارا" دەرسىز. ويتكەنى، ءبىزدىڭ تۇڭعىش پرەزيدەنت شىنىمەندە ساياسات ساحناسىنداعى دارا تۇلعا. ءبىتىمى بولەك جان. ونىڭ قازاقستان جەرلەرىن گۇلدەندىرۋگە قوسقان ۇلەسى ولشەۋسىز. ارينە حالقى قولداپ تۇرعاندا تارتىنىپ قالاۋ مۇمكىن ەمەس. قازاقتىڭ باعىنا جاراتىلعان تۇڭعىش پرەزيدەنت ۇلتىنىڭ باق- مەرەيىن اسقاقتاتۋ ءۇشىن بارىن سالدى. ەلىن ەرەك سۇيگەن ازاماتتىڭ قاي ءىسى بولماسىن قازاق ەلىن جاڭا بەلەسكە كوتەرىپ وتىردى. مۇنىسى تۋعان جەرى مەن ەلىنە دەگەن شەكسىز ماحابباتىنىڭ كورىنىسى ەدى. ول ءوزى ايتقانداي ۇلتىنىڭ الدىنداعى پەرزەنتتىك پارىزىن قالتقىسىز ورىنداي الدى. سونىسىمەن ەل ەسىندە، ۇرپاق جادىندا يگىلىك جولىنداعى ىزگى ىستەرى ماڭگى قالدى"- دەپ ويىن تۇيىندەدى.
ال، قازاقستان حالىقتار اسسامبلەياسىنىڭ مۇشەسى، رۋفينا قاسىسوۆا بولسا، "ەلباسى مەن استانا ەگىز ۇعىم. بىرىنەن ءبىرىن اجىراتىپ قاراۋ مۇمكىن ەمەس. قوس ماقتانىشىمىزدىڭ مەرەيلى مەرەيتويى كەلىپ جەتتى. بارشاڭىزدى شىن جۇرەگىممەن قۇتتىقتايمىن! راسىمەن دە ءبىز ەلباسى نۇرسۇلتان ءابىش ۇلى مەن جانە ەلوردامىزدى ماقتان تۇتامىز.
ولار قازاق جەرىنىڭ بويتۇمارى ىسپەتتى. وزگە ەلدەر قازاقستان دەگەندە بىردەن استانا مەن تۇڭعىش پرەزيدەنت نۇرسۇلتان نازاربايەۆ تۋرالى جارىسا ايتادى. بۇل دا نۇرسۇلتان ءابىش ۇلىنىڭ قاجىرلى ەڭبەگىنىڭ كورىنىسى.
ول قازاقتىڭ اتىن اسقاقتاتۋ جولىندا بارىن سالدى. سول ءۇشىن ايتار العىسىم شەكسىز. ەلدىڭ جۇگىن مويىنعا الۋ وڭاي ەمەس، ال ونى ابىرويمەن الىپ ءجۇرۋ وتە قيىن. دەيتۇرعانمەن،ەلباسى بۇل ۇدەدەن شىعا ءبىلدى. سونىسىمەن وزىنە ءتان سارا جولىن سالدى. قۇرمەتتى، نۇرسۇلتان ءابىش ۇلى! حالىقپەن بىرگە بولىپ، "تار جول تايعاق كەشۋدە" ۇلتتى ورگە سۇيرەگەنىڭىز ءۇشىن راقمەت! تاعى دا قوس مەرەكە قۇتتى دا قايىرلى بولسىن!"- دەپ بارلىق ەتنوس وكىلدەرى اتىنان تىلەگىن جەتكىزدى.
انار سابىروۆا
