شالعاي اۋىلدارداعى بوبەكتەردى ءبىلىم نارىمەن سۋسىنداتۋدا مەكتەپتەردىڭ الاتىن ورىنى ەرەكشە. سوڭعى ۋاقىتتارى اتالعان يگىلىكتى ءىس-شارانى «دوس.kz» الەۋمەتتىك ۆولونتەرلەر ورتالىعى قولعا الدى.  

اتالمىش ورتالىق «ازاماتتىق باستامالاردى قولداۋ ورتالىعىنىڭ» گرانتى اياسىندا، ق ر اقپارات جانە قوعامدىق دامۋ مينسترلىگىنىڭ قولداۋىمەن جالپىۇلتتىق «Birgemiz Bilim» جوباسى شەڭبەرىندە الماتى وبلىسىنىڭ شالعايدا جانە اۋىلداردا ورنالاسقان ورتا مەكتەپ وقۋشىلارىنا ارنايى ۇبت-عا دايىندىق، اعىلشىن ءتىلىن وقىتۋ، كومپيۋتەرلىك جانە قۇقىقتىق ساۋاتتىلىققا ۇيرەتۋ سىندى كۋرستاردى ۇيىمداستىرعان.

قازىرگى تاڭدا اتالمىش جوباعا 800 وقۋشى قاتىسىپ جاتىر. وسىعان وراي، تالدىقورعان قالاسىنداعى دوستىق ۇيىندە جوبا اياسىندا اعىلىشىن ءتىلى بويىنشا وليمپياداعا قاتىسقان وقۋشىلاردى ماراپاتتاۋ ءراسىمى ءوتتى. سونىمەن قوسا، ەڭبەشىقازاق، ىلە، تالعار، كەگەن، پانفيلوۆ اۋدان شاكىرتتەرى «ZOOM» پلاتفورماسى ارقىلى ونلاين بايلانىس ارقىلى ءىس-شاراعا قاتىسۋعا مۇمكىندىك الدى.

8-10 سىنىپتا وقيتىن 9 وقۋشى سۋداي جاڭا سمارتفون ەنشىلەنسە، 3 ورىن يەگەرلەرى سومكەمەن مەن قۇلاقشىنعا يە بولدى. جالپىۇلتتىق «Birgemiz Bilim» ورتالىعىنىڭ بەلسەندى ۆولونتەرلەردىڭ اتا-اناسىنا العىس حاتپەن ماراپاتتادى.

بۇل جوبا ۆولونتەرلەر جىلىندا جۇزەگە اسىرىلعان ماڭىزدى باستاما، قۇرامىندا 87 بەلسەندى، ال 7-ەۋى سۋپەرۆايزەرلەر قاتارىندا ەل يگىلىگى ءۇشىن ەڭبەك ەتتى.

«الماتى وبلىسىنىڭ ءبىلىم باسقارماسى» مم باسشىلىعىمەن جاسالىپ وتىرعان جوبا ءالى دە تالاي جوعارى ناتيجەلەر كورسەتەدى.

«دوس.kz» الەۋمەتتىك ۆولونتەرلەر ورتالىعى جالپىۇلتتىق «Birgemiz Bilim» جوباسى بولاشاقتا ساپالى ءارى ناتيجەلى جۇمىس جاساۋ ماقساتىندا قازاقستان حالقى اسسامبلەياسىمەن، الماتى وبلىسىنىڭ سىبايلاس جەمقورلىققا قارسى ورتالىعىمەن، «تالدىقورعان قالالىق نازاربايەۆ ينتەللەكتۋالدى مەكتەبى» جانە «الماتى وبلىسىنىڭ ازماتتىق اليانسى» ءوزارا ارىپتەستىك مەموراندۋمىنا قول قويدى.

انار سابىروۆا، الماتى وبلىسى.