تەكسەرۋ بارىسىندا 9-شى جانە 10-شى سىنىپ ەكى وقۋشىنىڭ اراسىندا اۋىزشا داۋ-داماي تۋىپ ، ارتى وقۋشىلار اراسىنداعى توبەلەسكە ۇلاسقانى جانە ونىڭ سالدارىنان ءجاسوسپىرىمنىڭ زارداپ شەككەنى بەلگىلى بولدى.
اتالعان فاكتى بويىنشا ق ر قك 106-بابىنىڭ 2-بولىگى نەگىزىندە قىلمىستىق ءىس تىركەلدى، جانجالعا قاتىسۋشىلاردىڭ بارلىعى انىقتالدى، دەلىنەدى الماتى وبلىسى پد باسپا ءسوز قىزمەتى تاراتقان حابارلامادا.
قازىرگى ۋاقىتتا زارداپ شەگۋشىنىڭ جاعدايى تۇراقتى، وعان قاجەتتى مەديسينالىق كومەك كورسەتىلدى.
اۋىل ازاماتتارىمەن اۋدان اكىمى، اقساقالدار جانە الماتى وبلىسى پد باستىعى تاراپىنان كەزدەسۋلەر مەن ءتۇسىندىرۋ جۇمىستارى جۇرگىزىلدى. قازىرگى ۋاقىتتا جاعداي تۇراقتى جانە باقىلاۋدا، دەلىنگەن حاباردا.
ال الەۋمەتتىك جەلىدە وقۋشىلاردىڭ توبەلەسى مەن "تۇنگى تارتىپسىزدىكتەر" جونىندە ۆيدەولار تارادى. كەيبىر ۆيدەولاردا ۇيلەردىڭ جانىپ جاتقانى كورىنەدى. پوليسيا اۋىل مەن اينالاسىنداعى ەلدى مەكەندەرگە كۇزەت قويعان.
"پەنجىم اۋىلىنداعى مەكتەپ وقۋشىلارىنىڭ توبەلەسى" دەلىنگەن الەۋمەتتىك جەلىدە جاريالانعان ۆيدەولاردا مەكتەپ اۋلاسىندا ونداعان وقۋشىنىڭ توبەلەسىپ جاتقانى كورىنەدى. ولاردى مۇعالىمدەرگە ۇقسايتىن ەرەسەكتەر اجىراتۋعا تىرىسقانى بايقالادى.
[video width="232" height="426" mp4="https://dalanews.kz/wp-content/uploads/2021/10/248075799_408349437448947_7301676847179238394_n.mp4"][/video]
[video width="480" height="600" mp4="https://dalanews.kz/wp-content/uploads/2021/10/249675484_931183300862107_4121097542330827580_n.mp4"][/video]
[video width="480" height="600" mp4="https://dalanews.kz/wp-content/uploads/2021/10/penzhim.mp4"][/video]
