وندا 2018 جىلدىڭ 4 ايىنداعى الەۋمەتتىك-ەكونوميكالىق دامۋ قورىتىندىلارى مەن ءىى توقسانعا ارنالعان مىندەتتەر جانە 2017-2018 جىلدارداعى جىلىتۋ ماۋسىمىنىڭ قورىتىندىسى مەن 2018-2019 جىلدارداعى جىلىتۋ ماۋسىمىنداعى مىندەتتەر تۋرالى ماسەلەلەر قارالدى، - دەپ حابارلايدى الماتى وبلىسى اكىمىنىڭ باسپا ءسوز قىزمەتى.
ءبىرىنشى ماسەلە بويىنشا وبلىس اكىمىنىڭ ورىنباسارى جەڭىس تۇياقوۆ بايانداما جاسادى. بايانداماشىنىڭ ايتۋىنشا، وڭىردە ونەركاسىپ ءوندىرىسىنىڭ كولەمى 249،8 ملرد. تەڭگە بولىپ، ناقتى كولەم يندەكسى – 104،2% قۇرادى. جاڭا 11 نىسان ىسكە قوسىلىپ، قولدانىستاعى 5 ءوندىرىس كەڭەيتىلگەن، قوسىمشا 278 جۇمىس ورىندارى اشىلدى.
اۋىل شارۋاشىلىعىندا 10،8 مىڭ جەكە شارۋا قوجالىقتارىن بىرىكتىرۋ ارقىلى 50 اۋىل شارۋاشىلىعى كووپەراتيۆتەرىن قۇرۋ جوسپارلانۋدا، ونىڭ ىشىندە 362 جشق تارتىلىپ، 7ء-ۋى قۇرىلدى. قانت قىزىلشاسى بويىنشا 7 سەرۆيستىك-دايىنداۋ ورتالىعى اشىلدى، 1،5 ملرد. تەڭگەگە 132 بىرلىك اۋىل شارۋاشىلىعى تەحنيكاسى ساتىپ الىندى. ەت ءوندىرىسى – 4،7%-كە، ءسۇت – 2،1%، جۇمىرتقا 4،1%-كە ارتتى. وبلىس بويىنشا 83 بورداقىلاۋ الاڭى مەن 64 ءسۇت-تاۋارلىق فەرماسى جۇمىس جاسايدى، ولاردىڭ جۇكتەمەسى سايكەسىنشە 71% جانە 85،4%.
جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 1،4%-كە ارتىپ، 113،2 مىڭ بىرلىكتى قۇرادى، جۇمىسپەن قامتىلعاندار سانى – 235،7 مىڭ ادام نەمەسە جۇمىسپەن قامتىلعان حالىقتىڭ – 24%. 4 ايدا شوب سۋبەكتىلەرىنەن بيۋدجەتكە 27،8 ملرد. تەڭگە ءتۇسىپ، جەرگىلىكتى بيۋدجەتتىڭ جالپى كولەمىندەگى ۇلەسى 39،7%-تەن 47،9%-كە دەيىن ارتتى. بيىلعى جىلى كاسىپكەرلىكتى قولداۋعا بارلىعى 7،8 ملرد. تەڭگە ءبولىندى، ونىڭ ىشىندە «بيزنەستىڭ جول كارتاسى – 2020» اياسىندا – 3 ملرد. تەڭگە قاراستىرىلدى. ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى بويىنشا شاعىن نەسيەلەندىرۋگە جانە وقىتۋعا 4،3 ملرد. تەڭگە ءبولىندى.
سونىمەن قاتار ول ءوز بايانداماسىندا «نۇرلى جول» باعدارلاماسىنىڭ ورىندالۋىنا، سۋمەن جابدىقتاۋ، گازداندىرۋ، بالاباقشامەن قامتۋ جانە باسقا دا سالالارعا كەڭىنەن توقتالىپ ءوتتى.
باياندامانى تىڭداعان وبلىس اكىمى ا. باتالوۆ الەۋمەتتىك-ەكونوميكالىق دامۋداعى جەتكەن جەتىستىكتەرمەن قاتار ورىن الىپ وتىرعان ولقىلىقتار مەن تومەن كورسەتكىشكە يە بولعان اۋدان، قالالاردىڭ اتىن اتاپ، جۇمىستارىنا باعىت بەرۋ كەرەكتىگىن قاداپ ايتتى. ەلباسىنىڭ وبلىسقا كەلگەن ساپارىندا بەرگەن تاپسىرمالارىن، سونىڭ ىشىندە اۋداندار دامۋىنداعى ديسپروپورسيانى بولدىرماۋ ماسەلەسىن دە ءاربىر اۋدان، قالا اكىمدەرى مىندەتىنە الۋى كەرەكتىگىن تىلگە تيەك ەتتى. مۇنان سوڭ وبلىس باسشىسى جارىسسوزگە ەسكەلدى اۋدانىنىڭ اكىمى باعلان تانەكەنوۆتى شاقىرىپ، ودان اۋداندا قولعا الىناتىن جاڭا باستامالارى تۋرالى سۇرادى. ب. تانەكەنوۆتىڭ ايتۋىنشا، اۋىل شارۋاشىلىعىندا جالپى سانى 1250 باسقا ارنالعان 3 ءسۇت تاۋارلى فەرما اشۋ جوسپارلانىپ وتىر. 500 توننالىق 2 جەمىس-جيدەك ساقتاۋ قويماسىنىڭ دا قۇرىلىسى جۇرەتىن بولادى. قارابۇلاق اۋىلىندا شەتەلدىك ينۆەستورلاردىڭ قاتىسۋىمەن سويا وڭدەيتىن زاۋىت سالۋ مەجەلەنگەن. سونداي-اق 2019 جىلى شاجا وزەنىندە 290 مۆت-تىق گەس ىسكە قوسۋ جوبالانۋدا.
مۇنان سوڭ وبلىستىق ءبىلىم باسقارماسىنىڭ باسشىسى داۋرەن ءجۇنىسوۆ ءسوز الدى. ول ءوز سوزىندە ءبىلىم ساپاسىن ارتتىرۋ، سالانى سيفرلاندىرۋ، اتاپ ايتقاندا كومپيۋتەرلەندىرۋ، مەكتەپتەردەگى ينتەرنەت جەلىسىنىڭ ساپاسىن ارتتىرۋ، بالالاردىڭ جازعى دەمالىسىن ۇيىمداستىرۋ ماسەلەلەرىنە قاتىستى باياندادى.
وبلىس اكىمى ا. باتالوۆ جارىسسوزگە جاڭادان تاعايىندالعان باسشىلاردى شاقىرعانى بەكەر ەمەستىگىن ايتتى. «جاڭا باسشى ءوز سالاسىن، ءوز اۋدانىن العا باستىرۋدا، قوردالانعان ماسەلەلەرىن شەشۋدە جاڭاشا باعىت، تىڭ باستامالارىن كورسەتۋى كەرەك»، – دەدى وبلىس باسشىسى.
ەكىنشى ماسەلە بويىنشا بايانداما جاساعان وبلىس اكىمىنىڭ ورىنباسارى ايداربەك بايجانوۆ جىلىتۋ ماۋسىمىنىڭ دايىندىق جۇمىستارىنا جانە وتكىزۋگە بولىنگەن 6 ملرد. تەڭگە تولىعىمەن يگەرىلىپ، جوسپارلانعان ءىس-شارالار اتقارىلعانىن اتاپ ءوتتى. 32 قازاندىققا، 56،5 شاقىرىم جىلۋ جۇيەسىنە، 94،7 شاقىرىم سۋ قۇبىرى-كارىز جۇيەسىنە جانە 13،6 مىڭ شاقىرىم ەلەكتر جەلىلەرىنە جوندەۋ جۇرگىزىلدى. جىلىتۋ ماۋسىمىنا 2246 بيۋدجەتتىك سالا نىسانى، ونىڭ ىشىندە: ءبىلىم بەرۋ سالاسىندا – 1002، دەنساۋلىق ساقتاۋ – 664، الەۋمەتتىك سالادا – 580 نىسان جانە 1687 كوپقاباتتى تۇرعىن ءۇي دايىندالدى. 2017 جىلى ۇلتتىق قوردان 1،5 ملرد. تەڭگە ءبولىنىپ، «قاپشاعايجىلۋ» مكك-نىڭ عيماراتىن جاڭعىرتۋ جۇمىستارى باستالدى. سول سياقتى «مونوقالالاردى دامىتۋ – 2020» باعدارلاماسى اياسىندا تەكەلى قالاسىنداعى «الاتاۋ» جانە «دوستىق» شاعىن اۋداندارىنىڭ جىلۋ جۇيەلەرىن جاڭعىرتۋ جۇمىستارىنا 1،4 ملرد. تەڭگە ءبولىنىپ، ناتيجەسىندە 12،5 شاقىرىم جىلۋ جەلىلەرى جوندەلگەن.
ا. بايجانوۆ قازىردەن قولعا الىنۋى ءتيىس كومىر تاپشىلىعىن بولدىرماۋ شارالارىن قابىلداۋ، سۇيىق وتىننىڭ قورىن دايىنداۋ، يەسىز ەلەكتر جەلىلەرىن كوممۋنالدىق مەنشىككە وتكىزۋ، دەبەت قارىزداردى وتەۋ سياقتى كوپتەگەن ماسەلەلەردى اۋدان، قالا اكىمدەرى مەن ءتيىستى باسقارما باسشىلارى ۋاقىتىلى ورىنداۋى قاجەتتىگىن باسا ايتتى .
جيىندى قورىتىندىلاعان وبلىس اكىمى ا. باتالوۆ:
– جالپى وبلىستىڭ بۇگىنگى ەكونوميكالىق ءوسىمى جامان ەمەس - 4،2 % قۇراپ وتىر. ەلباسى وبلىسقا كەلگەن ساپارىندا جۇمىسىمىزعا وڭ باعا بەردى، سونىمەن قاتار جاڭا مىندەتتەر جۇكتەدى. پرەزيدەنت تاپسىرمالارىن جۇزەگە اسىرۋدىڭ ءىس-شارالار جوسپارىن ازىرلەپ، سونىڭ نەگىزىندە جۇمىس جاساۋىمىز كەرەك. بيىلعى جىلى شاعىن جانە ورتا بيزنەستە اشىلۋى ءتيىس 100 جاڭا نىساننىڭ ءارقايسىسىن اۋدان اكىمدەرى جاتقا ءبىلۋى كەرەك. قۇرىلىس كولەمى 137 %-دى قۇراپ وتىر، ءبىراق مەن بۇل ءبىز ءۇشىن ول جەتكىلىكسىز دەپ ەسەپتەيمىن، سوندىقتان پرەزيدەنتتىڭ 7.20.25 باعدارلاماسىنىڭ اياسىندا قۇرىلىس قارقىنىن ءوسىرۋىمىز كەرەك. جىلىتۋ ماۋسىمىنا دايىندىق بويىنشا ورتالىقتاندىرىلماعان جىلىتۋ جۇيەسىنە قوسىلماعان تالعار اۋدانىنداعى كوپ قاباتتى ۇيلەردىڭ، سونىمەن قاتار قاراساي، جامبىل اۋداندارىنداعى وسىنداي ۇيلەردىڭ ماسەلەسىن شەشۋگە جۇمىس ىستەڭىزدەر، – دەدى.
وتىرىس سوڭىندا وتكەن جىلعى جىلىتۋ ماۋسىمىنىڭ قورىتىندىسى بويىنشا ۇزدىكتەر ماراپاتتالدى. اتاپ ايتقاندا، 1 ورىندى قاپشاعاي قالاسى، ەكىنشى ورىندى رايىمبەك اۋدانى جانە قوس 3-ورىندى سارقان اۋدانى مەن تەكەلى قالاسى يەلەنىپ، ولاردا ارنايى تەحنيكالار تارتۋ ەتىلدى. سونىمەن قاتار جىلۋ، ەنەرگەتيكا سالاسى مەكەمەلەرىنىڭ ءبىرقاتار قىزمەتشىلەرىنە وبلىس اكىمىنىڭ العىس حاتتارى مەن قۇرمەت گراموتالارى بەرىلدى.
الماتى وبلىسى اكىمىنىڭ باسپا ءسوز قىزمەتى
