قارييانى تٶل مەرەكەسٸمەن قۇتتىقتاۋ ٷشٸن وبلىس ەكٸمٸ مارات ەلەۋسٸزۇلى ەڭبەكشٸقازاق اۋدانى العا اۋىلىنا ارنايى باردى.
سىي-قۇرمەتٸن كٶرسەتكەن وبلىس باسشىسى 98 جاستاعى اقساقالعا كٶزسٸز ەرلٸگٸ ٷشٸن العىس بٸلدٸردٸ.
– سٸزدەر قاققان جەڭٸستٸڭ تەمٸرقازىعى تەۋەلسٸز ەلدٸڭ تۇعىرىنىڭ بەرٸك ەرٸ بيٸك بولۋىنا سەپ بولدى. بٷگٸنگٸ كٷنگٸ مامىراجاي تٸرلٸك كەشۋٸمٸز ٶزدەرٸڭٸز سىندى ارداگەرلەردٸڭ سۇراپىل سوعىس جىلدارى كٶرسەتكەن باتىلدىعىنىڭ ارقاسى. ەر مايدانگەردٸڭ ماڭدايىنان شىققان تەرٸنە, جانىن قيعان ەرلٸگٸنە قارىزدارمىز. سٸزدەردٸ ۇلىقتاۋ تۇتاس ۇلتقا پارىز, – دەدٸ ايماق باسشىسى مارات سۇلتانعازيەۆ.
ٶز كەزەگٸندە سولتانباي اقساقال, ەلەپ ەسكەرٸپ كەلگەن ٶڭٸر ەكٸمٸنە ريزاشىلىعىن بٸلدٸرٸپ, باتاسىن بەردٸ.
– مەرەكە كٷنٸ ۇمىت قالدىرماي ارنايى كەلگەنٸڭٸزگە راحمەت ايتامىن. بٸز ٷشٸن بۇدان اسقان قۇرمەت جوق. زامانىمىز تىنىش, اسپانىمىز اشىق بولسىن, – دەدٸ قارت مايدانگەر.
جاپوندىقتارعا قارسى سوعىسقان سولتانباي جارىقباسوۆ زابايكال مايدانىنداعى 25-شٸ قىزىل تۋلى مەحانيكالاندىرىلعان بريگادانىڭ قۇرامىندا 1-شٸ باتالونىنىڭ, 1-شٸ روتاسىنىڭ پۋلەمەت بٶلٸمشەسٸنٸڭ كومانديرٸ بولعان.
ۇوس ارداگەرٸ, 1 دەرەجەلٸ «وتان سوعىسى» وردەنٸنٸڭ يەسٸ. سونىمەن قاتار, 1941-1945 جىلدارداعى ۇلى وتان سوعىسىنداعى جەڭٸستٸڭ مەرەيتويلىق, مەرەكەلٸك مەدالدارىمەن ماراپاتتالعان.
