بۇگىندە ساندىق تەحنولوگيالاردى يگەرۋدىڭ بىردەن-بىر باستى قۇرالى – كومپيۋتەرلىك تەحنيكا. الماتى وبلىسىندا وتكەن وقۋ جىلىندا وبلىس بويىنشا ورتا ەسەپپەن  1 كومپيۋتەرگە 5 وقۋشىدان كەلسە، وسى وقۋ جىلىندا تاعى 665 دانا كومپيۋتەرلىك تەحنيكا ساتىپ الۋعا 245،9 ملن تەڭگە ءبولىندى. بۇل تۋرالى الماتى وبلىسىنىڭ ورتالىعى قونايەۆ قالاسىندا وتكەن مۇعالىمدەردىڭ تامىز كەڭەسىندە وبلىس باسشىسى مارات سۇلتانعازييەۆ مالىمدەدى، – دەپ حابارلايدى Dalanews.kz.

جەرگىلىكتى بيۋدجەتتەن 2022 جىلى – 99،0 ملن.، 2023 جىلى 2،1 ملرد تەڭگەگە 236 جاڭا موديفيكاسيالى ءپان كابينەتتەرى ساتىپ الىندى.

ال، اعىمداعى جىلى «قازاقستان حالقىنا» قورى تاراپىنان 1،5 ملرد. تەڭگەگە 50 مەكتەپتىڭ فيزيكا، حيميا، بيولوگيا كابينەتتەرى جانە اۋدان ورتالىعىندا ورنالاسقان 3 اۋىلدىق مەكتەپتىڭ وقۋ كابينەتتەرى 100% جابدىقتالدى. 

– بالالار – ەلىمىزدىڭ بولاشاعى، ءومىرىمىزدىڭ جالعاسى. ءبىز، ەرەسەكتەر، ولاردىڭ تولىققاندى جابدىقتالعان مەكتەپتەردە ءبىلىم الۋىمەن قاتار، ولاردى قورعاپ، قاۋىپسىزدىگىن قامتاماسىز ەتۋگە مىندەتتىمىز.

ءبىلىم الۋشىلاردىڭ قاۋىپسىزدىگىن قامتاماسىز ەتۋگە 2024 جىلى 525،1 ملن تەڭگە ءبولىندى. ونىڭ ىشىندە 253،1 ملن تەڭگە – ءبىلىم بەرۋ مەكەمەلەرىن ليسەنزيالانعان كۇزەتكە قوسۋعا، 188،0 ملن. تەڭگە – بەينەكامەرالاردى جاڭارتۋعا، 84،0 ملن تەڭگە – مەكەمەلەردى جەدەل باسقارۋ ورتالىعىنا (سوۋ) قوسۋعا قاراستىرىلدى.

سونداي-اق، بيىلعى جىلعى جاقسى جاڭالىق -  وبلىس بويىنشا بالالار مەن جاسوسپىرىمدەر اراسىنداعى پسيحولوگيالىق جاعدايدى تۇراقتاندىرۋ ماقساتىندا پسيحولوگيالىق قولداۋ ورتالىعى اشىلىپ، جۇمىسىن باستادى. ءبىلىم الۋشىلاردىڭ ءقاۋىپسىز ورتادا جان-جاقتى جانە تەرەڭ ءبىلىم الۋى باعىتىنداعى جۇمىستارىمىز الداعى ۋاقىتتا دا جالعاسادى، – دەدى مارات سۇلتانعازييەۆ كەڭەستە سويلەگەن سوزىندە.

جيىندا وزەكتى پروبلەمالاردىڭ ءبىرى – ءۇش اۋىسىمدى وقىتۋ مەن وقۋشى ورىندارىنىڭ تاپشىلىعى ماسەلەسى دە قارالدى. 2023-2025 جىلدار ارالىعىندا وڭىردە «جايلى مەكتەپ» ۇلتتىق جوباسى اياسىندا 53 مەكتەپ سالۋ جوسپارلانىپتى.

– ءبىز مەكتەپتەر سالۋدا جەكە ينۆەستورلاردى دا تارتىپ وتىرمىز. بۇگىندە وبلىسىمىزدا ينۆەستورلىق جوبا بويىنشا 4 مەكتەپ سالىنۋدا. ەسىك قالاسىندا جەكە ينۆەستور بولات وتەمۇراتوۆتىڭ قورى 900 ورىندىق 2 مەكتەپ قۇرىلىسىن بىرەر كۇندە اياقتايدى جانە مەملەكەتكە سىيعا تارتاتىن بولادى، –دەدى ءوڭىر باسشىسى.

بۇل مەكتەپتەر تۇرعىندار ەڭ كوپ شوعىرلانعان ەڭبەكشىقازاق اۋدانىنىڭ ءۇشاۋىسىمدى مەكتەپتەرى پروبلەماسىن شەشەتىنى دە جەتكىزدى.