وبلىستىڭ ءال-اۋقاتىنىڭ كورسەتكىشتەرىنە توقتالعان ايماق كوشباسشىسى بولاشاقتىڭ ايقىن باعدارى بولار ءبىلىم سالاسىنداعى جەتىستىكتەر مەن جوسپارلار تۋرالى ءوز ەسەبىندە باياندادى.
بۇگىندە ءبىلىم سالاسىنىڭ توڭىرەگىندەگى باستى ماسەلە ول ءۇش اۋىسىمدى مەكتەپتەردىڭ سانىن ازايتۋ بولىپ تابىلادى. وسىعان وراي وبلىستا قارقىندى جۇمىس جۇرگىزىلۋدە.
سوڭعى بەس جىلدا الماتى وبلىسىندا 75 مەكتەپ قۇرىلىسى اياقتالىپ، قولدانىسقا بەرىلگەن. ونىڭ 55ء-ى ءۇش اۋىسىمدى مەكتەپتى جويۋ ءۇشىن 30 مىڭ ورىنعا ارنالىپ سالىنعان.
سوعان قاراماستاپ مەكتەپ قابىرعاسىنداعى ءۇش اۋىسىمدى وقىتۋ ماسەلەسىن تۇبەگەيلى شەشۋ مۇمكىن بولماي تۇر. ويتكەنى بىلتىرعى جىلى 48 مىڭ ءبۇلدىرشىن مەكتەپ تابالدىرىعىن اتتاعان. نازارعا العان تۇيىتكىلدىڭ كۇرمەۋىن شەشۋ جولىندا جۇمىستار جالعاسىن تاپپاق. بيىلعى جىلى جالپى سوماسى 11،2 ملرد.تەڭگەنى قۇرايتىن 13 مەكتەپ بوي كوتەرەدى دەپ جوسپارلانۋدا.
«ءبىراق بۇل جەتكىلىكسىز، سوندىقتان ءبىز جالپى قۇنى 10،3 ملرد.تەڭگە بولاتىن تاعى التى مەكتەپتىڭ قۇرىلىسىن باستاۋىمىز كەرەك.سونىمەن قاتار، كاسىپكەرلەردىڭ قولداۋىمەن مەكتەپتەر سالۋ ماسەلەسىن قاراستىرۋدامىز»،- دەپ اتاپ ءوتتى الماتى وبلىسىنىڭ اكىمى اماندىق باتالوۆ.
اعىمداعى جىلى وقۋ ساپاسىن جاقسارتۋ ءۇشىن جاڭا موديفيكاسيالى كابينەتتەر ساتىپ الۋعا جانە 50-دەن استام ءىت-سىنىپتار اشۋعا، وقۋشىلار روبوتوتەحنيكامەن، باعدارلامالاۋمەن، 3D–مودەلدەۋمەن اينالىسۋىنا جاعداي جاساۋ ماقساتىندا 1،1 ملرد.تەڭگە بولىنگەن.
ءبىر سوزبەن ايتقاندا، قالا جانە اۋىل مەكتەپتەرىندە تەڭ جاعداي جاساۋ ءۇشىن بارلىق شارالار قابىلدانۋدا.
انار سابىروۆا
