الماتى وبلىسىندا مەملەكەتتٸك تٸلدٸ قاشىقتان ٷيرەنۋگە مٷمكٸندٸك بەرەتٸن "TilOquBot" اتتى يننوۆاتسييالىق Telegram-بوت ٸسكە قوسىلدى, دەپ حابارلايدى Dalanews.kz
جاڭا تسيفرلىق قۇرال پرەزيدەنتتٸڭ تسيفرلاندىرۋ جٶنٸندەگٸ تاپسىرماسى اياسىندا ەزٸرلەنٸپ, بٷگٸندە ٶڭٸر تۇرعىندارى اراسىندا كەڭٸنەن قولدانىلۋدا. الماتى وبلىسى تٸلدەردٸ دامىتۋ باسقارماسىنىڭ مەلٸمەتٸنشە, چات-بوت قۇرامىندا قازاق تٸلٸن مەڭگەرۋدٸڭ تٶرت دەڭگەيٸن قامتيتىن 100 ساعاتتىق وقۋ باعدارلاماسى مەن ٸس جٷرگٸزۋ كۋرستارى بار. قازٸرگٸ ۋاقىتتا جٷيەگە 3 146 ادام تٸركەلگەن, ولاردىڭ 58 پايىزى وبلىستىڭ شالعاي اۋداندارىندا تۇرادى.
– باستى ماقساتىمىز – قازاق تٸلٸن ٷيرەنۋدٸ ەر ازاماتقا, ونىڭ تۇرعىلىقتى جەرٸنە قاراماستان, قولجەتٸمدٸ ەتۋ. "TilOquBot" ٶزٸنٸڭ تيٸمدٸلٸگٸن دەلەلدەدٸ: ەندٸ ەڭ شالعاي اۋىل تۇرعىندارىنىڭ ٶزٸ ىڭعايلى فورماتتا بٸلٸم الا الادى. بۇل تسيفرلىق ترانسفورماتسييا جاعدايىندا ەرەكشە ماڭىزدى, – دەدٸ تٸلدەردٸ دامىتۋ باسقارماسىنىڭ باسشىسى دانييار احمەتوۆ.
ونىڭ ايتۋىنشا, چات-بوت مەملەكەتتٸك تٸل ساياساتىن جٷزەگە اسىرۋ جولىنداعى كەشەندٸ جۇمىستىڭ بٸر بٶلٸگٸنە اينالدى. تسيفرلىق جوبالارمەن قاتار, وبلىستا تٸلدەر فەستيۆالٸنە دايىندىق باستالعان.
اتالعان شارا اياسىندا تٷرلٸ بايقاۋلار, ٷزدٸك وقىتۋشىلار مەن بەلسەندٸلەردٸ ماراپاتتاۋ, سونداي-اق مەملەكەتتٸك تٸلدٸ ناسيحاتتاۋعا باعىتتالعان كرەاتيۆتٸ جوبالاردى قولداۋ جوسپارلانىپ وتىر.
– بٸز ەربٸر ازاماتتىڭ قازاق تٸلٸن دامىتۋ ٸسٸنە ٷلەس قوسىپ جاتقانىن سەزٸنۋٸنە جاعداي جاساۋعا تىرىسامىز. بٷگٸندە تٸل – تەك دەستٷر مەن مەدەنيەتتٸڭ كٶرٸنٸسٸ عانا ەمەس, سونىمەن قاتار تەحنولوگييا, جاڭا فورماتتار مەن جاستاردىڭ ەلەمٸ. "TilOquBot" – وسى زامان تالابىنا ساي كەلەتٸن, قۇندىلىقتار مەن تٸلدٸ ۇشتاستىراتىن تاماشا مىسال, – دەپ تٷيٸندەدٸ احمەتوۆ.
باسقارما ٶكٸلدەرٸنٸڭ حابارلاۋىنشا, قىركٷيەك ايىندا ۇيعىر اۋدانىندا تٸل فەستيۆالٸنٸڭ قورىتىندى شاراسى ٶتەدٸ. التى نوميناتسييا بويىنشا جەڭٸمپازدار انىقتالىپ, ولارعا 300 مىڭنان 1,5 ميلليون تەڭگەگە دەيٸنگٸ اقشالاي سىيلىقتار تابىستالماق.
