كونفەرەنسيادا بايانداما جاساعان پارتيا فيليالىنىڭ ءتوراعاسى پارتيانىڭ الماتى وبلىستىق فيليالىنىڭ جۇمىسى، وبلىستىڭ دامۋ باعىتتارى ەلباسىنىڭ «سەنىم. ديالوگ.بولاشاققا نىق قادام» – جاڭعىرۋ باعدارلاماسى اياسىندا جانە قازاقستان رەسپۋبليكاسىنىڭ پرەزيدەنتى ق.توقايەۆتىڭ سايلاۋالدى باعدارلاماسىنا سايكەس جۇرگىزىلىپ، ءار سالادا ۇلكەن جەتىستىكتەرگە قول جەتكىزىلگەنىن اتاپ ءوتتى.
ماسەلەن، 2020 جىلى وبلىستا «جۇمىسپەن قامتۋدىڭ جول كارتاسى» اياسىندا 1051 جوبانى ىسكە اسىرۋعا 105،6 ملرد. تەڭگە ءبولىندى، 20،9 مىڭ جۇمىس ورنى قۇرىلدى. ونىڭ ىشىندە 982 نىسان بويىنشا ءتيىستى جۇمىستار اياقتالدى. 2021 جىلى جەرگىلىكتى بيۋدجەت ەسەبىنەن 58 جوبانىڭ اياقتالۋى جوسپارلانعان. تالدىقورعان قالاسىندا 200 ورىندىق جۇقپالى اۋرۋلار اۋرۋحاناسى، 7 دارىگەرلىك امبۋلاتوريا جانە 34 مەكتەپ سالىنىپ، 4 اۋرۋحاناعا كۇردەلى جوندەۋ جۇمىستارى جاسالدى. 220 ەلدى مەكەندە 487،7 كم جولدارى جوندەلدى، 60 اۋىلدىڭ اۋىز سۋ ساپاسى جاقسارتىلدى. بۇل اۋقىمدى شارالار «Nur Otan» پارتياسىنىڭ «2021-2025 جىلدارعا ارنالعان سايلاۋالدى باعدارلاماسىندا» جالعاسىن تاپتى. باعدارلامانى ساپالى ورىنداۋ ماقساتىندا، ارنايى جول كارتاسىندا 113 ءىس-شارا جوسپارلانىپ، 24 ينديكاتورعا قول جەتكىزۋ كوزدەلگەن. جالپى اتالعان شارالارعا 2،6 ترلن. تەڭگە قاراستىرىلعان.
سول سياقتى سايلاۋالدى باعدارلامانىڭ «ەكونوميكاسى تۇراقتى ءوڭىر» باعىتى بويىنشا 51 جوبا ىسكە اسىرىلادى. ينۆەستيسيا كولەمى – 778 ملرد. تەڭگە، سونىڭ 5-ەۋى – ترانسۇلتتىق كومپانيالاردىڭ قاتىسۋىمەن جۇزەگە اسىرىلماق.
«اۋىل تۇرعىندارىنىڭ تابىسىن ارتتىرۋ جانە ازىق-تۇلىك قاۋىپسىزدىگىن قامتاماسىز ەتۋ» باعىتىندا باسىمدىق بەرىلەتىن داقىلداردىڭ القابىن ۇلعايتۋ جالعاسادى. يرريگاسيالىق جۇيەلەردى قالپىنا كەلتىرۋ ارقىلى 67 مىڭ گەكتار سۋارمالى جەر اينالىمعا ەنگىزىلەدى. مال بورداقىلاۋ الاڭدارىن، تاۋارلى ءسۇت فەرمالارىن اشۋ، قاپشاعايدا جانە ەڭبەكشىقازاق اۋدانىندا كوتەرمە-تاراتۋ ورتالىقتارىن سالۋ سياقتى شارالاردىڭ ارقاسىندا اۋىل شارۋاشىلىعىنداعى جالپى ءونىم كولەمى 1،3 ترلن. تەڭگەگە جەتىپ، ەڭبەك ونىمدىلىگى 2،5 ەسەگە ارتادى.
- قارابۇلاق اۋىلىنداعى جانە الاكول اۋدانىنداعى قانت زاۋىتتارىن قالپىنا كەلتىرۋگە تالپىنىس جاساپ جاتىرمىز. وتكەن اپتادا مەن وسى ماسەلەگە بايلانىستى ينۆەستورلارمەن، اتاپ ايتقاندا حالىق بانكىنىڭ وكىلدەرىمەن سويلەستىم. ولار وسى ىسكە قارجى سالۋعا ىنتا ءبىلدىرىپ وتىر. ءقازىر بۇل ماسەلەمەن مەنىڭ ورىنباسارىم سەرىك تۇردالييەۆ پەن «جەتىسۋ» الەۋمەتتىك كاسىپكەرلىك كورپوراسياسى اينالىسىپ جاتىر. بۇل ماسەلە شەشىلسە، قانت ءوندىرۋ كولەمىن ەداۋىر ۇلعايتا الامىز، - دەدى ا. باتالوۆ.
«كاسىپكەرلىكتى دامىتۋ» بويىنشا شاعىن جانە ورتا بيزنەستىڭ وڭىرلىك جالپى ونىمدەگى ۇلەسىن 2025 جىلعا قاراي 37،8% جەتكىزۋ كوزدەلگەن. وسى مەجەگە جەتۋ ءۇشىن «بيزنەستىڭ جول كارتاسى»، «قاراپايىم زاتتار ەكونوميكاسى» باعدارلامالارى بويىنشا 250 كاسىپكەرگە كومەك كورسەتىلىپ، «ەڭبەك» باعدارلاماسى بويىنشا 2 مىڭنان استام ادامعا ميكروكرەديتتەر مەن گرانتتار بەرىلەدى.
- ءتۋريزمدى دامىتۋعا دا قولداۋ جاساپ كەلەمىز. ءۇشارالدا اۋەجاي، تەمىر جول ۆوكزالى سالىندى. ءۇشارال اۋەجايىنىڭ ۇشىپ-قونۋ جولاعىن كەڭەيتىپ، ۇلكەن ۇشاقتار قونا الاتىنداي ەتىپ، قايتا جاڭعىرتۋعا ءبىزدىڭ ۇسىنىسىمىزبەن رەسپۋبليكالىق بيۋدجەتتەن 4،7 ملرد. تەڭگە ءبولىندى. بۇل الاكول كولىنە كەلەتىن تۋريستەر لەگىن ارتتىرۋعا زور ىقپال ەتەتىن بولادى، - دەدى ا. باتالوۆ.
ال تازا اۋىز سۋ مەن ورتالىقتاندىرىلعان گازبەن قامتۋ ماقساتىندا جول كارتاسىندا سۋمەن قامتۋ، سۋ تاراتۋ نىساندارىنىڭ قۇرىلىسى، جاعالاۋدى بەكىتۋگە ارنالعان دامبا قورشاۋلارىن ورناتۋ جۇمىستارى قاراستىرىلىپ، اقسۋ، سارقان، الاكول، كەگەن جانە رايىمبەك اۋداندارىنا قاراي «ءتالدىقورعان-ۇشارال»، «شەلەك-كەگەن» ماگيسترالدى گاز قۇبىرى تارتىلادى.
«ءومىر ءسۇرۋ ساپاسىن ارتتىرۋ» شەڭبەرىندە 2021-2025 جىلدارى وبلىستا 5،4 ملن. شارشى مەتر تۇرعىن ءۇي سالۋ جوسپارلانعان، سونىڭ ىشىندە 1 ملن. شارشى مەترى «نۇرلى جەر» باعدارلاماسى بويىنشا سالىنادى. سول سياقتى «7-20-25» جانە باسقا دا باعدارلامالاردىڭ ۇلەسى زور.
جول ساپاسىن جاقسارتۋ دا - سايلاۋالدى باعدارلامانىڭ نەگىزگى باعىتتارىنىڭ ءبىرى. بۇل باعىتتا 4 مىڭ شاقىرىمنان استام جول جوندەۋدىڭ بارلىق تۇرىمەن قامتىلىپ، سونىڭ ەسەبىنەن 118 اۋىلدىڭ جولى جاقسارادى. سول سياقتى مەديسينالىق قىزمەت كورسەتۋ، ءبىلىم بەرۋ سالالارىن دا جەتىلدىرۋ قاراستىرىلعان.
- 2020 جىل ءبارىمىز ءۇشىن ۇلكەن سىناق بولدى. كوروناۆيرۋس ىندەتى كوپ ماسەلەگە باسقاشا كوزبەن قاراۋدى ۇيرەتتى. بۇل مەملەكەتتىڭ باستى بايلىعى ادام مەن ونىڭ ءومىرى ەكەنىن تاعى ءبىر مارتە ەسكە سالدى. «بىرگەمىز» رەسپۋبليكالىق اكسياسىنىڭ اياسىندا 44 471 جەتىسۋلىققا 2،2 ملرد. تەڭگەنىڭ كومەگى كورسەتىلدى. مۇنىڭ ىشىندە بولىگى حالىقتىڭ كومەككە اسا مۇقتاج 7 ساناتى تولىق قامتىلدى، - دەدى ا. باتالوۆ.
ونىڭ ايتۋىنشا، 2019-2020 جىلعى جوسپارعا سايكەس وبلىس كولەمىندە پارتيانىڭ «كەدەرگىسىز كەلەشەك»، «ارداگەرلەردى ارداقتايىق»، «باقىتتى وتباسى» جانە «جاستار وتانعا» جوبالارى اياسىندا 1،2 ملن. ادامنىڭ قاتىسۋىمەن 3 مىڭعا جۋىق ءىس-شارا ۇيىمداستىرىلدى. الماتى وبلىستىق ءماسليحات دەپۋتاتتارى، مەسەناتتار، كاسىپكەرلەر رۋسلان قوجاسبايەۆ، ريمما سالىقوۆا، سەرىك اقسۋبايەۆ، زاكيرجان كۋزييەۆ، ەرىك ايداربايەۆ، اسقار سۇلەيمەنوۆ، ەلدوس ۇشكەمپىروۆ تاعى باسقا دەپۋتاتتار مۇقتاج وتباسىلارىنا، كوپبالالى انالارعا ءتۇرعىن-ۇي الىپ بەرىپ، قايىرىمدىلىق كومەك كورسەتىپ، اۋىلدىڭ دامۋىنا ءوز ۇلەستەرىن قوسىپ كەلەدى.
جيىن سوڭىندا پارتيا فيليالىنىڭ ءتوراعاسى 2021 جىلدىڭ ەكىنشى جارتى جىلدىعىندا اۋىلدىق وكرۋگ اكىمدەرىنىڭ سايلاۋ وتەتىنىن اتاپ ءوتتى. سونداي-اق پارتيا ۇيىمى مەن مۇشەلەرىنىڭ الدىنا سايلاۋالدى باعدارلامانى ىسكە اسىرۋ جونىندەگى جول كارتاسىندا كوزدەلگەن نىسانداردىڭ ۋاقىتىلى جانە ساپالى ورىنداۋدى، تاپسىردى.
