الماتى وبلىسىندا مەملەكەتكە 8 سۋ قويماسى قايتارىلدى، دەپ حابارلايدى Dalanews.kz.
الماتى وبلىسىنىڭ تابيعات قورعاۋ پروكۋراتۋراسى سۋ رەسۋرستارىن باسقارۋ سالاسىندا مەملەكەتتىڭ مۇددەلەرىن قورعاۋ بويىنشا اۋقىمدى جۇمىس جۇرگىزدى.
قاداعالاۋ قىزمەتى بارىسىندا سەنىمگەرلىكپەن باسقارۋشىلار تاراپىنان بۇزۋشىلىقتار انىقتالدى، ولار 8 سۋ قويماسىنىڭ ءتيىستى تەحنيكالىق جاي-كۇيىن ساقتاۋ جونىندەگى شارتتىق مىندەتتەمەلەردى ەلەمەگەن، اتاپ ايتقاندا سۋ شارۋاشىلىعى جۇيەلەرى مەن قۇرىلىستارىنا تەكسەرۋ جۇرگىزبەدى.
بۇل جاعدايلار حالىقتىڭ ءومىرى مەن دەنساۋلىعىنا، قورشاعان ورتاعا دا قايتىمسىز اسەر ەتۋى مۇمكىن.
قابىلدانعان شارالاردىڭ ارقاسىندا جوسىقسىز باسقارۋشىلارمەن 8 شارت بۇزىلدى، ال 20 ملرد تەڭگەدەن استام سوماعا مۇلىك مەملەكەت مەنشىگىنە قايتارىلدى.
قازىرگى ۋاقىتتا پروكۋرورلىق قاداعالاۋ اكتىسى بويىنشا ۋاكىلەتتى ورگاندار سۋ وبەكتىلەرىن كوپ فاكتورلى تەحنيكالىق تەكسەرۋ بويىنشا جۇمىس جۇرگىزۋدە.
وبلىس پروكۋراتۋراسىمەن سۋ رەسۋرستارىن ۇتىمدى پايدالانۋدى قامتاماسىز ەتۋ جانە ستراتەگيالىق ماڭىزدى وبەكتىلەردى باقىلاۋدى قالپىنا كەلتىرۋ بويىنشا جۇمىسىن جالعاستىرۋدا.
