سالتاناتتى شارا مۇقان تولەبايەۆ اتىنداعى حالىق اسپاپتار وركەسترى جانە «سازگەن»، «ادىرنا» فولكلورلى-ەتنوگرافيالىق انسامبلدەرىنىڭ قويىلىمىمەن اشىلدى. بۇدان سوڭ وبلىس اكىمى اماندىق باتالوۆ وبلىستىق ونەر ۇجىمدارىنىڭ بىرلەسكەن مادەنيەت ماۋسىمىنىڭ سالتاناتتى اشىلۋىمەن قۇتتىقتادى.
– مادەنيەت – ۇلتتىڭ قۋاتى، عاسىرلار بويى ۇزىلمەي كەلە جاتقان رۋحاني بولمىسى، اقىل-وي، پاراساتى. تۇڭعىش پرەزيدەنتىمىز – ەلباسى نۇرسۇلتان ءابىش ۇلى نازاربايەۆ: «مادەنيەت پەن ونەر – قوعام دامۋىنىڭ نەگىزگى قاجەتتى سالاسى. مادەنيەتى مەن ونەرى وركەندەگەن قوعام ءار ۋاقىتتا ىلگەرىلەپ، داميدى» دەپ اتاپ وتكەن بولاتىن. مەملەكەت باسشىسىنىڭ رۋحاني-مادەني، جاسامپازدىق الەۋەتىن ودان ءارى نىعايتۋ جولىنداعى ەڭبەگى، ونەر ادامدارى مەن تالانتتارعا دەگەن ەرەكشە ىقىلاسى ءۇشىن وبلىستىق مادەنيەت قىزمەتكەرلەرى اتىنان شەكسىز العىسىمدى بىلدىرەمىن. حالقىمىزدىڭ رۋحاني بولمىسى، جان-دۇنيەسى – مادەنيەتى ارقىلى كورىنىس تابادى. ەندەشە، مادەنيەتىمىزدى، باعا جەتپەس ونەرىمىزدى ناسيحاتتاۋ جولىنداعى ەڭبەگىمىز ەسەلەنە بەرسىن، – دەدى ا.باتالوۆ.
حالىققا ساپالى مادەني قىزمەت كورسەتۋ ءۇشىن سالانىڭ ماتەريالدىق -تەحنيكالىق بازاسىن نىعايتۋ – باستى نازاردا.
ادامزات اقىل-ويىنىڭ اسىل كومبەسى – كىتاپحانا، ونەر اتاۋلىنىڭ ىشىندەگى ەڭ بەكزاتى – تەاتر، ەل مەن ولكە تاريحىنىڭ ەڭسەلى سورەسى – مۋزەي، ءان مەن كۇيدىڭ مەرەكەلى ورداسى – فيلارمونيا دەسەك، وسىنىڭ ءبارى دە – مادەنيەت وشاقتارى.
بۇگىنگى كۇنى وبلىسىمىزدا 566 مادەنيەت جانە ونەر مەكەمەلەرى قىزمەت ەتەدى، ولاردا ءۇش مىڭنان استام قىزمەتكەر ەڭبەك ەتۋدە. سالانىڭ 2019 جىلعى بيۋدجەتى – 6،6 ملرد. تەڭگەنى قۇرايدى. سونىمەن قاتار، وبلىستا جەرگىلىكتى اقىن-جازۋشىلاردى كوتەرمەلەۋ ماقساتىنداعى وبلىس اكىمىنىڭ ارنايى ستيپەندياسى جىل سايىن بەرىلىپ كەلەدى. ونەر سالاسى قىزمەتكەرلەرىن ىنتالاندىرۋ ءۇشىن وبلىس بيۋدجەتىنەن دە ارتىستەرگە ارنايى ستيپەنديا تاعايىندالۋدا.
الماتى وبلىسىندا ەلباسىمىزدىڭ «رۋحاني جاڭعىرۋ» باعدارلاماسى اياسىندا ءبىرشاما شارالار اتقارىلدى. اتاپ ايتار بولساق، قاراساي اۋدانىندا ساۋلەتى قايتالانباس ەرەكشە «باتىر بابالار» مەموريالدى كەشەنى، تۇڭعىش پرەزيدەنتىمىزدىڭ «اتامەكەن» تاريحي-مادەني ورتالىعى جانە جاركەنت قالاسىندا وربۇلاق مەموريالدى كەشەنى بوي كوتەردى.
سونداي-اق، ءىلياس جانسۇگىروۆ اتىنداعى مادەنيەت سارايىنا كۇردەلى جوندەۋ جۇرگىزىلسە، جاڭالىق اۋىلىنداعى ساياسي قۋعىن-سۇرگىن قۇرباندارىنا ارنالعان مۋزەي سالتاناتتى تۇردە تابىستالدى.
اتقارىلعان شارالاردىڭ ماقساتى ءبىر، ول – مادەنيەت سالاسىنداعى قىزمەتكەرلەرگە جاعداي جاساۋ، رۋحاني قۇندىلىقتاردى دارىپتەۋ.
مادەنيەت ماۋسىمىنىڭ اشىلۋى قايىرىمدىلىق شارامەن جالعاسىن تاپتى.
وبلىسىمىزداعى مادەنيەت سالاسىنىڭ قىزمەتكەرلەرى، اقىن-جازۋشىلار مەن وبلىستىق بۇقارالىق اقپارات قۇرالدارىنىڭ باسشىلارى، اسابالار جانە 7kun.kz سايتى مەن اۋداندىق، قالالىق گازەتتەردىڭ باس رەداكتورلارى دەمەۋشىلىك جاساپ، كوپبالالى انالارعا ءتورت ءۇيدىڭ كىلتى تابىس ەتتى.
قازاقستاننىڭ حالىق ءارتىسى الماحان كەنجەبەكوۆا مەن قازاقستاننىڭ ەڭبەك سىڭىرگەن قايراتكەرى ءالي الپىسبايەۆ، كەربۇلاق اۋدانىنان كەلگەن 5 بالانىڭ اناسى جۇلدىز سۇلتانبايەۆاعا ءۇي كىلتىن تابىس ەتسە، قاراتال اۋدانىنان كەلگەن 4 بالانىڭ اناسى اينۇر يسايەۆانى قۋانتۋ باقىتى «جەتىسۋ» گازەتىنىڭ باس رەداكتورى امىرە ءارىن مەن جاس جازۋشى ەسبولات ايدابوسىنعا بۇيىردى.اقسۋ اۋدانىنان كەلگەن كوپبالالى انا تولقىن جاتقانبايەۆانى وبلىستاعى اسابالار اتىنان ەرداۋلەت كەنجەقۇلوۆ جانە قايرات قازكەن ۇلى ءۇي كىلتىن تاپسىرىپ قۋانتسا، تەكەلى قالاسىنان كەلگەن 6 بالانىڭ اناسى ماقاي قاليمانعا اۋداندىق، قالالىق گازەتتەردىڭ باس رەداكتورلارى مەن قىزمەتكەرلەرى اتىنان «تالدىقورعان» گازەتىنىڭ باس رەداكتورى دانيار سەيسەنبايەۆ پەن «جەتىسۋ شۇعىلاسى» گازەتىنىڭ باس رەداكتورى جاناحمەت يسابەكوۆ پاتەر كىلتىن سالتاناتتى تۇردە تابىستادى.
وبلىس اكىمى اماندىق باتالوۆ تا باسپانا باقىتىنا يە بولعان وتباسىلارعا سىي-سياپاتتارىن تارتۋ ەتتى.
باسپانالى بولعان كوپ بالالى انالار مەن كىشكەنتاي بۇلدىرشىندەردىڭ قۋانىشىندا شەك جوق.
– وسىنداي اتاۋلى مەرەكە قارساڭىندا كەڭ سارايداي ۇيگە قول جەتكىزگەنىمىزگە قۋانىشتىمىز. ارينە قيىندىقتار بولدى، ونىڭ ءبارى ارتتا قالىپ، اڭساعان ارمانىمىز ورىندالدى. بالالارىما باقىت سىيلاعان جاندارعا العىسىم شەكسىز، – دەدى كەربۇلاق اۋدانىنان كەلگەن 5 بالانىڭ اناسى جۇلدىز سۇلتانبايەۆا.
شارا مادەنيەت ۇجىمدارىنىڭ قويعان كونسەرتىن تاماشالاعان كوپشىلىك ناعىز مەرەكەنى سەزىنىپ، ونەردىڭ سان تۇرىمەن سۋسىنداپ قايتتى.
ايتا كەتەيىك، بيىلعى جىلدىڭ مادەنيەت قىزمەتكەرلەرى ءۇشىن ايتۋلى جاڭالىقتاردىڭ ءبىرى، پرەزيدەنتىمىز قاسىم-جومارت توقايەۆ قازاقستان حالقىنا العاشقى جولداۋىندا، 2020 جىلدان باستاپ، مادەنيەت سالاسىندا جۇمىس ىستەيتىن قىزمەتكەرلەردىڭ ايلىق جالاقىسى كوتەرىپ، الەۋمەتتىك شارالار قاراستىرۋ جونىندەگى تاپسىرماسى بولدى.
بالجان قايرات قىزى،
الماتى وبلىسى
