قما الماتى وبلىسى بويىنشا دەپارتامەنتى «الماتىگازسەرۆيس-حولدينگ» اكسيونەرلىك قوعامىنىڭ قارجىسىن جىمقىرۋ فاكتىسى بويىنشا تەرگەۋدى اياقتادى، دەپ حابارلايدى Dalanews.kz.
اتالعان اكسيونەرلىك قوعام وڭىرگە تابيعي گاز جەتكىزۋمەن اينالىسادى.
تەرگەۋ ماتەريالدارىنا ساي كومپانيا قىزمەتكەرلەرى ەسەپتەگىش قۇرىلعىلاردىڭ كورسەتكىشتەرىن تىركەپ، تۇتىنۋشىلاردان قولما-قول اقشا جيناۋمەن اينالىسقان. جينالعان قاراجاتتى ولار ماتەريالدىق جاۋاپتى تۇلعالارعا تاپسىرعان.
الايدا اتالعان جاۋاپتى تۇلعالار جينالعان قاراجاتتى زاڭدى تۇردە وتكىزۋدىڭ ورنىنا ءوز پايدالارىنا جاراتىپ، تولەم تۋرالى اقپاراتتى «SymphonyGAS» جۇيەسىندە جاسىرىپ كەلگەن.
وسىلايشا، كومپانيانىڭ ديرەكتورى، ونىڭ ورىنباسارى، اعا وپەراتور جانە اعا باقىلاۋشىدان تۇراتىن تۇلعالار توبى 2 جىل ىشىندە تۇتىنۋشىلار تولەگەن 168 ملن تەڭگەنى يەمدەنگەن.
سوت سانكسياسىمەن كۇدىكتىلەردىڭ جالپى قۇنى 165 ملن تەڭگە بولاتىن مۇلكىنە (تۇرعىن ءۇي، پاتەر جانە اۆتوكولىك) تىيىم سالىندى.
ق ر قىلمىستىق-پروسەستىك كودەكسىنىڭ 201-بابىنا سايكەس، وزگە اقپارات جاريا ەتىلمەيدى.
