QMA Almaty oblysy boıynsha departamenti «Almatygazservıs-Holdıng» Aksıonerlik qoǵamynyń qarjysyn jymqyrý faktisi boıynsha tergeýdi aıaqtady, dep habarlaıdy Dalanews.kz.
Atalǵan aksıonerlik qoǵam óńirge tabıǵı gaz jetkizýmen aınalysady.
Tergeý materıaldaryna saı kompanıa qyzmetkerleri eseptegish qurylǵylardyń kórsetkishterin tirkep, tutynýshylardan qolma-qol aqsha jınaýmen aınalysqan. Jınalǵan qarajatty olar materıaldyq jaýapty tulǵalarǵa tapsyrǵan.
Alaıda atalǵan jaýapty tulǵalar jınalǵan qarajatty zańdy túrde ótkizýdiń ornyna óz paıdalaryna jaratyp, tólem týraly aqparatty «SymphonyGAS» júıesinde jasyryp kelgen.
Osylaısha, kompanıanyń dırektory, onyń orynbasary, aǵa operator jáne aǵa baqylaýshydan turatyn tulǵalar toby 2 jyl ishinde tutynýshylar tólegen 168 mln teńgeni ıemdengen.
Sot sanksıasymen kúdiktilerdiń jalpy quny 165 mln teńge bolatyn múlkine (turǵyn úı, páter jáne avtokólik) tyıym salyndy.
QR Qylmystyq-prosestik kodeksiniń 201-babyna sáıkes, ózge aqparat jarıa etilmeıdi.
