نىساننىڭ رەسمي اشىلۋىنا جامبىل اۋدانىنىڭ اكىمى نۇرلان ەرتاس قاتىستى.
– ءبىرىنشى كەزەكتە بارشاڭىزدى قازاقستان تاۋەلسىزدىگىنىڭ 30 جىلدىعىمەن قۇتتىقتايمىن! جاڭا كاسىپورىندار اشۋ، ينۆەستيسيا تارتۋ، جاڭا جۇمىس ورىندارىن قۇرۋ – بۇل مەملەكەت باسشىسىنىڭ تاپسىرمالارىنىڭ ءبىرى. وسى باعىتتا جامبىل اۋدانى دا بەلسەندى جۇمىس جۇرگىزىپ كەلەدى. بۇگىنگى كۇنى تاۋەلسىزدىكتىڭ 30 جىلدىعىنا وراي «AI-RAI OLL» ج ش س زاۋىتىن اشىپ وتىرمىز. تازا اۋىز سۋ، سۋسىندار مەن تابيعي شىرىندار شىعاراتىن زاۋىت جاڭا جۇمىس ورىندارىن اشىپ، اۋدان ەكونوميكاسىن دامىتۋعا ءوز ۇلەسىن قوسادى دەپ سەنەمىن، – دەدى ن.ەرتاس.
جالپى جوبانىڭ قۇنى 372،1 ملن. تەڭگە. سەرىكتەستىك 1ء-شى كەزەگىندە كولەمى 0،5 ليتردەن 5 ليترگە دەيىن بوتەلگە قۇيىلعان اۋىز سۋ شىعارا باستايدى. 2ء-شى كەزەگىندە كاسىپورىن ىرگەسى كەڭەيتىلىپ، ءتۇرلى سۋسىندار مەن شىرىن شىعارماق. «AI-RAI OLL» ج ش س 15 ءتۇرلى وتاندىق ءونىم شىعارۋدى، 40 جۇمىس ورنىن اشۋدى كوزدەپ وتىر. جوسپارلانعان ءونىم كولەمى – شامامەن 1،4 ملرد. تەڭگە نەمەسە 12 600 دانا ءونىم. بۇل ازىرگە ىشكى نارىققا شىعارىلادى.
جامبىل اۋداندىق اكىمدىگىنىڭ حابارلاۋىنشا، اۋداندا 2021 جىلدىڭ 10 ايىندا ونەركاسىپ ءوندىرىسىنىڭ كولەمى 15 ملرد. تەڭگە بولدى. شاعىن جانە ورتا بيزنەستە 8626 نىسان جۇمىس ىستەيدى، ەكونوميكالىق بەلسەندى حالىقتىڭ 15% نەمەسە 14 مىڭ ادام وسى سالادا جۇمىس ىستەيدى. شاعىن بيزنەستە 35 ملرد. تەڭگەنىڭ ءونىمى وندىرىلگەن. اۋدان ەكونوميكاسىنا 20،2 ملرد. تەڭگە ينۆەستيسيا تارتىلدى. بۇل وتكەن جىلمەن سالىستىرعاندا 5،2 % ارتىق. جالپى جامبىل اۋدانىندا 2025 جىلعا دەيىن 300 جاڭا جۇمىس ورنىن قۇراتىن قۇنى 22،7 ملرد. تەڭگەلىك 5 ينۆەستيسيالىق جوبانى ىسكە اسىرۋ كوزدەلگەن.
