الماتى وبلىسىنداعى كٶكٶزەك اۋىلىندا 6 جاسار بالانى كٶلٸكپەن قاعىپ, وقيعا ورنىنان بوي تاسالاعان ازاماتتىڭ بۇرىن پوليتسييادا قىزمەت ەتكەن ادام ەكەنٸ انىقتالدى, دەپ حابارلايدى Dalanews.kz 31 ارنانىڭ ينفورمبيۋرو جاڭالىقتار قىزمەتٸنە سٸلتەمە جاساپ.
بەينەباقىلاۋ كامەراسىنداعى جازبادان ۆەلوسيپەد مٸنگەن بالانىڭ ارتقا شەگٸنٸپ كەلە جاتقان كٶلٸكتٸڭ استىنا تٷسٸپ قالعانى كٶرٸنەدٸ. جٷرگٸزۋشٸ كٶلٸكتەن تٷسپەستەن بٸرنەشە مينۋت كٶلٸگٸندە وتىرىپ, كەيٸن ەش ەرەكەتسٸز كەتٸپ قالعان. ال جاراقات العان بالا ورنىنان تۇرىپ, قاتتى جىلاعان كٷيٸ كٶپ ۇزاماي ەسٸنەن تانىپ قۇلاپ تٷسەدٸ. جەرگٸلٸكتٸ تۇرعىندار وعان العاشقى كٶمەك كٶرسەتكەن.
كٷدٸكتٸنٸڭ ۋچاسكەلٸك ينسپەكتور قىزمەتٸن اتقارعانى بەلگٸلٸ بولدى. ونىڭ كٶلٸكتٸ ماس كٷيدە باسقارعان-باسقارماعانى تەكسەرٸلٸپ جاتىر. جول اپاتىنان زارداپ شەككەن بالا قازٸرگٸ ۋاقىتتا اۋرۋحانادا ەم قابىلداپ جاتىر.
“جەدەل ٸزدەستٸرۋ شارالارى نەتيجەسٸندە Lexus RX 300 اۆتوكٶلٸگٸن باسقارعان 42 جاستاعى ازامات ۇستالدى. ول ۋاقىتشا ۇستاۋ يزولياتورىنا قامالدى. اتالعان ادام پوليتسييا قىزمەتكەرٸ ەمەس – ول جول اپاتىنا دەيٸن تەرٸس سەبەپتەرمەن ٸشكٸ ٸستەر ورگانىنان جۇمىستان بوساتىلعان. قازٸر وسى وقيعاعا بايلانىستى كەشەندٸ تەرگەۋ امالدارى جٷرگٸزٸلۋدە”, – دەدٸ الماتى وبلىسى پوليتسييا دەپارتامەنتٸنٸڭ رەسمي ٶكٸلٸ مەرۋەرت مورياكوۆا.
